పిల్లకాకి

Rock Star ఒక కళాకారుడి క(వ్య)ధ

2011-11-14T22:43:00.000+05:30

       " తెలుసా ? ................ఇక్కడ నుండి చాలా దూరం లో ....... మంచి చెడులను దాటాక ........ ఒక మైదానం వుంది ... నిన్ను అక్కడ కలుస్తాను.. "

         రాజ్ కపూర్ ' జోకర్ ' కి రణబీర్ కపూర్ 'ROCK STAR ' కి కధలో ఎక్కడ పోలిక లేకపోవచ్చు , కధనం లో కూడా పోలిక లేక పోవచ్చు , సమ కాలీన సినిమాలతో పోలిస్తే వైవిధ్యం లో తప్ప ! దర్శకుల ప్రతిభ లో తప్ప ! కళాకారుల అత్యుత్తమ ప్రతిభా ప్రదర్శనలో తప్ప ! భిన్న ధ్రువాల లాంటి ప్రతిస్పందన లో తప్ప ... ఇంకెక్కడా పోలిక వుండదు బహుశా !
జనార్ధన్ జక్కడ్ అలియాస్ జోర్డాన్ ( రణబీర్ ) అనే ఒక ఔత్సాహిక సంగీతకారుడి ( రాక్ స్టార్ కి సరైన తెలుగు పదం ? ) కధ ఇది. దొంగతనం గా చేసే తప్పులో థ్రిల్ ని దూరం చేసుకోలేక ... ఆ తప్పు ( ?) తాలుకా అపరాధ భావన మోయలేక సతమతమయ్యే హీర్ కౌల్ అనే అమ్మాయి కధ ఇది. జిమ్ మారిసన్ లా రాక్ మ్యూజిక్ ప్రపంచాన్ని పాలించాలంటే... ఒక కళాకారుడిలా ఎదిగాలంటే ... భగ్న హృదయమే మందు అని నమ్మే కుర్రాడు జనార్ధన్.. జోర్డాన్ గా రాక్ సామ్రాజ్యాధిపతి ఎలా అయ్యాడో ఇంతియాజ్ అలీ ప్రభావ వంతంగా చూపాడు. ఏ. ఆర్ . రహ్మాన్ సంగీతం , నేపధ్య సంగీతం .. నాన్ లీనియర్ స్క్రీన్ ప్లే .. ఆకట్టుకుంటాయి . ఎటొచ్చి హీర్ కౌల్ ( నర్గీస్ ఫఖ్రి ) తన పాత్ర బరువుని సమర్ధంగా మోయగలిగినంత అనుభవజ్ఞురాలు కాదు.. ఆమె పాత్ర లో ని సంక్లిష్టతని దర్శకుడు సరళంగా ప్రేక్షకులకి అందచేయ ప్రయత్నించినా, ప్రయత్నలోపం లేకుండా నర్గీస్ కృషి చేసినా .. కొంత వెలితి కనిపిస్తుంది.
    కుర్రాళ్ళ గుండెలు పిండేసే అందగత్తె హీర్ కౌల్ ని ఆషామాషిగాప్రేమించి , ఎలాగు ఆమె ఛీ కొడితే బూటకపు బాధ తో సంగీతం పొంగి పోరులుతుందని జనార్ధన్ చేసే ప్రయత్నం నవ్విస్తుంది. చిన్న చిన్న చిలిపి సరదాలు తీర్చుకోడానికి హీర్ కౌల్, జనార్ధన్ తో చేసే చిలిపి స్నేహం ఆమె జీవితాన్ని ఊహించని మలుపు తిప్పుతుంది , జనార్ధన్ ని జోర్డాన్ చేస్తుంది. మ్యూజిక్ కోసం చేసిన చిలిపి ప్రేమ ప్రయత్నం ... మ్యూజిక్ కంటే ముఖ్యమైన అవసరం గా మారడం ...ఆ అవసరం కి , హీర్ కౌల్ వివాహం అడ్డు గోడ గా ఏర్పడడం తో జోర్డాన్ ప్రపంచం తల క్రిందులు అవుతుంది. దేన్నీ పట్టించుకోకుండా , క్రమశిక్షణా రాహిత్యం తో , వివాదాల తో ఎప్పుడూ ఏదో కోల్పోయినట్టు .. ప్రపంచాన్ని అలక్ష్యం చేస్తాడు జోర్డాన్. గొప్ప పేరు సంపాదించాలని సంగీతం వెనుక పరిగెడితే కాదు, గుండె లోతులోని భావాలని తెలపడానికి సంగీతాన్ని గొంతుక చేసుకుంటేనే ప్రపంచం నిన్ను వింటుంది. ప్రపంచం జోర్డాన్ ని వినడం కాదు, వినడానికి పడి చస్తుంది. సమాజం కోసం కాదు, తన కోసం తాను బతికితేనే సుఖమని హీర్ తెలుసుకుంటుంది. " తెలుసా ? ................ఇక్కడ నుండి చాలా దూరం లో ....... మంచి చెడులను దాటాక ........ ఒక మైదానం వుంది ... నిన్ను అక్కడ కలుస్తాను.. " కలయిక కి ముందు హీర్ నిరీక్షణ, కళాకారుడిగా జోర్డాన్ ప్రస్థానం .. ప్రేక్షకుల ఊహకి వదిలేస్తూ తెర పడుతుంది.
ఆకట్టుకునే సన్నివేశాలు , హటాత్తుగా నవ్వించే సంభాషణలు , రణబీర్ నటన , రహమాన్ సంగీతం సినిమాకి బలాన్నిచ్చాయి.ఇంతియాజ్ అలీ గత చిత్రం love aaj kal ఛాయలు అక్కడ అక్కడ కనిపిస్తాయి .. కధ లో కాదు దర్శకుని సామాజిక దృక్పధం లో ..

దేవుళ్ల పాపాలు కాదు , మనుషుల త్యాగాలు గుర్తు చేసుకోవాల్సిన సమయం ఇది.

2011-04-14T22:36:00.000+05:30

ఉన్నాడో లేడొ తెలియని వ్యక్తి పాపాలు, పుణ్యాలు ఏమి లెక్కిస్తాము ? దాని వలన ప్రయోజనం ఎంత ? సరే అది ఒక కల్పిత కధే అనుకుంటే , పాత్రల అనౌచిత్యానికి కేవలం రచయత మాత్రమే భాధ్యుడు కదా! రచయతకి ఆపాదించవల్సిన ఆరోపణలు పాత్రలకి ఆపాదించడం సరి అయినదేనా ? ఏప్రిల్ 12 వెళ్లిపోయింది. ఇప్పుడు ఏప్రిల్ 14 వచ్చింది. కల్పిత పాత్రలు కాదు, కళ్ల ముందు కనపడే సాటి మనుషులని కుల మతాలకి అతీతంగా , తమ ప్రాణాలొడ్డి కాపాడిన అగ్ని మాపక అమర జీవుల స్మారక దినం ఈ రోజు. వారిని స్మరించి పరులు కొరకు కొంత అయినా అలోచించగలిగితే అదే వారికి ఇచ్చే నివాళి.
1944 ఏప్రిల్ 14 న బొంబాయి డాక్‌యార్డు లో జరిగిన భీషణ అగ్ని ప్రమాదం లో అగ్ని మాపక దళాలు , సైనిక దళాలు ఇతర భద్రతా దళాలు కలిసి తమ ప్రాణాలు ఒడ్డి అగ్నిని అదుపులోకి తెచ్చారు. వారి ప్రయత్నంలో 231 మంది తమ ప్రాణాలని బలి ఇచ్చారు. ఆ వీరులు కొంత మంది స్వార్ధ రాజకీయుల కుత్సిత రాజకీయాలకి తలొడ్డి సాటి మనుషులని శతృవులుగా ఎంచి యుద్ధం చేసి తమ ప్రాణాలు కోల్పొలేదు. సాటి మనుషులని కాపాడే ప్రయత్నం లో తమ ప్రాణలని లెక్క చేయలేదు. వారి త్యాగం అయినా కనీసం సాటి మనుషుల కోసం కొంత ఆలోచించేటట్లు మనలని మారిస్తే అదే చాలు.

What's in a name? - short film

2011-01-07T21:37:00.001+05:30

whats in a name ?
ఒక మంచి వీడియో. నాకు నచ్చింది. మీకు కూడా నచ్చుతుంది అనుకుంటున్నాను.

అవినీతి పై రాజకీయ పార్టీల ముఖాముఖి పోటి

2010-12-21T12:21:00.003+05:30

ప్రధాన రాజకీయ పక్షాలు అన్ని అవినీతి మహమ్మారినిఅంతమొందించడానికి నడుము కట్టుకుంటున్నాయి. ఈముచ్చట చూస్తుంటే నాకు పంచతంత్ర కధ ఒకటి గుర్తుకువస్తుంది. అనగనగా ఒక అడవి. అందులో అమ్యామ్యామీడియా గుంటనక్క. అరాజకీయం అనే సింహం బాధభరించలేక ఒక పన్నాగం పన్నింది. సింహం దగ్గరికి వెళ్లిబావిలో మరొక భీకరమైన సింహం వుంది అని అది తనపైదాడి చేయబోతుంది అని ఉసిగొల్పింది. అప్పుడు ఆఅరాజకీయం సింహం కూడా బావి గట్టున వుండి లోపల వున్న అవినీతి సింహం పై ఇలాగే భీకర ఘర్జనలు చేసింది. కాకపోతే కామెడి ఏమిటి అంటే ఈ అరాజకీయం ఘర్జనలు బూటకం. దీనికి తెలుసు లోపలున్నది తన ప్రతి బింబమేఅని.. చుట్టు చోద్యం చూస్తున్న మనకే తెలియదు.. ఆ బావిలో బొక్క బోర్లా పడబోయేది మనమే అని.

అలహబాదు కోర్టు తీర్పు : ఒక రాజకీయ , సామాజిక ఒడంబడిక

2010-10-05T17:11:00.005+05:30

ఊహ తెలిసీ, తెలియని వయసులో మొదటిసారి అయోధ్య వివాదం ఆసక్తి కలిగించింది. పొట్టి లాగులు వేసుకుని స్కూలుకి వెళుతున్నప్పుడు గోడల మీద ' జై శ్రీ రాం ' ' చలో అయోధ్య ' అని రాతలు దృష్టిని ఆకట్టుకునేవి. మాది ఆంధ్రప్రదేశ్ లో ఒక మారుమూల కుగ్రామం అప్పుడు. ఆరెస్సెస్ గాని విశ్వ హిందు పరిషత్ ఉనికి కూడా బహుశా తెలియని ఊరు అది. ఉత్తరభారతంలో వున్నంత ఫాలోయింగు దక్షిణ భారతంలో కాషాయదళాలకి ఇప్పుడే లేదు. ఇక పద్దెనిమిదేళ్ల , ఇరవైయ్యెళ్ల కిందట అస్సలు ఊహించలేము. అయినప్పటికి ఆ ఊరిలో కూడా ప్రతి వ్యక్తిలోను ఒక భావోద్వేగం కనిపించేది. అప్పుడు జరిగిన రధయాత్రకి వచ్చిన స్పందన మరే యాత్రకి వచ్చి వుండదు. మెజారిటీ ప్రజల ఆధ్యాత్మిక విశ్వాసానికి సంబందించిన అంశం కనుకనే ఆ స్పందన. కానీ అప్పటి కేంద్ర ప్రభుత్వం గాని, న్యాయ వ్యవస్థ గాని సున్నిత అంశాన్ని నిర్వహించిన తీరుకి , అప్పుడు సమాజం ప్రతిస్పందించిన తీరుకి ఇప్పటికి ఎంతో తేడా వుంది. ఈ మార్పు స్వాగతించదగ్గది. నేను ఆస్తికుడిని కాను కాబట్టి నాకు ఈ విషయం ఉద్రేకపరిచింది ఎప్పుడు లేదు. నా అభిప్రాయాలకి ఈ విషయం లో ఎటువంటి విలువా వుండదు. ఈ విషయం పై వివిధ బ్లాగులలో చర్చ జరుగుతున్నా నా ఆలోచనలు అంటే మన న్యాయ వ్యవస్థపై మాత్రమే అని అర్ధం చేసుకోండి , వెలువర్చడానికి నా బ్లాగునే ఎంచుకున్నాను.
భొపాల్ గాస్ ఉదంతం లో అండర్సన్ తేలీకగా బయటపడడం గుర్తుకి తెచ్చుకుంటే అప్పటి సి.బి.ఐ. చీఫ్ వెలువర్చిన అభిప్రాయం ఒకటి మదిలో మెదులుతుంది. " అనడానికి సి.బి.ఐ. ఒక స్వయం ప్రతిపత్తి కలిగిన సంస్థ అయినా అది కేంద్ర ప్రభుత్వానికి లోబడి పని చేసెదే .. ముఖ్యంగా సామాజికంగా , రాజకీయంగా, దౌత్యపరంగా ప్రభావం చూపే విషయాలో మరీను." ఇవే పదాలు కాకపోయినా అర్ధం ఇదే. అండర్సన్ తప్పించుకుపోతున్నా తమ సంస్థ ఊరుకోవడం వెనక ప్రభుత్వ ఒత్తిడి వుంది అని చెప్పకనే చెప్పడం ఆయన ఉద్దేశ్యం అయ్యి వుండవచ్చు. మరి స్వయం ప్రతిపత్తి కలిగిన న్యాయవ్యవస్థ కూడా అంతేనా ? సూటిగా కాకపోవచ్చు. తెర వెనక ఏమైనా లోపాయికారీ మంతనాలు జరగొచ్చు. రాష్ట్ర పతి , అటార్నీ జనరల్ , న్యాయ శాఖ మంత్రి తమ అభిప్రాయాలతో కొంత ప్రభావితం చేస్తారని నాకు అనిపిస్తుంది. అంటే ప్రతీ చిన్న విషయమో , అవినీతి విచారణలో ఇలా కలుగ చేసుకోకపోవచ్చు. కానీ జాతీయ ప్రాముఖ్యం కలిగిన విషయాలలో ఈ మాత్రం చొరవ తీసుకుంటారేమో? అందుకే 1992 లో ప్రభుత్వ ఆలోచనా తీరుకి అద్దం పడుతున్నట్టే అప్పటి కోర్టులు కూడా వ్యవహరించాయి బహుశా. మైనారిటీలని ప్రసన్నం చేసుకుని ఓటుబ్యాంకు రాజకీయాలే ముఖ్యం అనుకునే అప్పటి ప్రభుత్వం గాని, ప్రజల భావొద్వేగాలతో తమ ప్రశస్తి పెంచుకుందామని చూసిన కొన్ని రాజకీయ పక్షాలు గాని తమ తమ లక్ష్యాలలో విజయం సాదించాయి. బహుశా అలా జరగడం ఒక సామాజిక రాజకీయ అవసరం కూడానేమో ? ఇప్పటి ఈ మార్పుకి అప్పుడే బీజాలు పడ్డాయి. మత కల్లోలాలు కూడా ఒక్కోసారి పరమత సహనాన్ని , హింస కి ప్రతి హింస బదులు ఒక నిర్లిప్తతని కలిగిస్తాయి. అలాగే రాజకీయ ప్రత్యమ్నాయాలు కూడా ఏర్పడి ప్రజలకి ఎంపికలో అవకాశాలు పెంచాయి. సరే ఇప్పటి ఈ తీర్పు రాజకీయంగా ప్రభావితం అయ్యి వుండవచ్చు అని నాకు అనిపిస్తే అది నా అజ్ఞానం కావచ్చు. అదే లాజిక్ ని ఫాలో అవుతూ మరింత ఊహాగానాలు: ఈ రాజకీయ ప్రభావం లో ప్రదాన రాజకీయ పక్షాలు ఒక అవగాహనకి వచ్చి కూడా వుండవచ్చు. మంచి విషయమే. కోర్టు వ్యవహరించిన తీరు ప్రస్తుత పరిస్థితులలో ఒక అవసరం. ఒక ఒడంబడిక. సమస్య పరిష్కారం దిశగా ఒక అడుగు.
ఏదైనా ప్రాపర్టీ విషయంలో ముఖ్యమైన అంశం , ఆ ఆస్తి ఎవరి ఆధీనంలో వుంది అన్నది. గత అరవైయ్యేళ్లుగా ఎవరి ఆధీనంలో లేని కారణంగా వివాదస్పద భూమి విషయంలో హక్కుదారులని నిర్ణయించడానికి ఇది తోడ్పడలేదు. కాబట్టి సరి సమానంగా పంపిణీ చెయ్యడం న్యాయపరంగా కరెక్టే! కానీ సున్నీ వక్ఫ్ బోర్డు తీర్పుని స్వాగతిస్తునే కొంత నిరాశకి గురి అయినట్టు, అందువలన సుప్రీము కోర్టుకి వెళ్లబోతున్నట్టు ప్రకటించింది. వారి నిరాశ ఏ విషయంలోనో సులభంగానే ఊహించవచ్చు. అది వివాదస్పద భూమిని రామజన్మ భూమిగా కోర్టు ప్రకటించడం . పురాతత్వ శాఖ పరిశోధనలో మందిర అవశేషాలు వున్న విషయం , వేల సంవత్సరాలుగా పూజలు కొనసాగుతున్న విషయం గాని తీర్పులో ప్రస్పుటంగా చెప్పినా అది వివాదస్పదం కాదు. కానీ రామజన్మభూమి అని ప్రకటించడం, ఆధారాలని ప్రశ్నించడాన్ని స్వాగతిస్తుంది. మరి సుప్రీము కోర్టులో ఈ అంశం నిలబడుతుందా? అలా నిలబడే విధంగా వుంటే ఇదే అంశం సమస్య పరిష్కారానికి కారణం కావచ్చు. రామజన్మభూమి ని హిందుమహాసభకి మందిర నిర్మాణం కి ఇవ్వడంలో సున్నీ వక్ఫ్ బోర్డు కి అభ్యంతరం వుండకపోవచ్చు. కానీ రామజన్మ భూమి అని నిరూపణ కాని పక్షంలో ? మందిరం ని పడగొట్టి మసీదు పడగొట్టారు కాబట్టి అక్కడ తిరిగి మందిరం కట్టడానికి అనుమతి కావలన్నది హిందు మహ సభ వాదన. మందిరం వుండేదో లేదొ తెలియదు కనుక , మసీదు మటుకు పడగొట్టారు కనుక అక్కడ మసీదు కట్టడానికి అనుమతి కావాలని వక్ఫ్ బోర్డు కోరిక. ఇస్లాము నియమాల ప్రకారం లేనపుడు అది మసీదే కాదు అని ప్రకటించడం ద్వారా ఈ అంశంలో వక్ఫ్ బోర్డు వాదన వీగిపొవచ్చు. బాబరు స్మృతిగా అక్కడ ముస్లిములకే హక్కు అని అనేవారికి బాబా రాందేవ్ ఒక సూటి ప్రశ్న వేసారు. అది : పరదేశం నుండి వచ్చిన ఒక దురాక్రమదారుడు , భగవాన్ శ్రీ రాం .. వీరు ఇద్దరిలో ఎవరు భారతీయతకి అద్దం పడతారు? భారతీయ ముస్లిములు ఎవరి పక్షం వహిస్తారు ? దీని సమధానం వక్ఫ్ బోర్డు ఇచ్చినప్పుడు ఈ సమస్యకి శాశ్వత పరిష్కారం కూడా దొరుకుతుంది అని నా ఆశ.

కల్మాడీ & కో దేశ భక్తులు బావా, అర్ధం చేసుకోవూ !

2010-09-25T00:30:00.004+05:30

గుంట నక్క : కాకి బావ, ఓ కాకి బావా.. వింటున్నావా ? ఈ కల్మాడీ నా కొండె మన దేశ పరువు మట్టిలో కలిపాడు కదా అయ్యా.

పిల్ల కాకి : పిచ్చి బావా, నీ మట్టి బుర్రకి అంతే అర్ధం అవుతాది. వాడి దేశ భక్తి నీకేంటి ఎరుక ?

గుంట నక్క : ఏంటీ ?? వాడు దేశ భక్తుడా ? కామన్‌వెల్త్ గేంస్ ని కంపు సేసాడు కదయ్యా . అసలు ఒక్క పని శుభ్రంగా సమయానికి అవ్వలేదు కదా. అవతల ఆటగాళ్లు వచ్చే వేళ అయిపోయింది కూడాను..

పిల్ల కాకి : హిహిహి.. నేను చెబుతున్నా కదా! అదంతా మన దేశం మంచి కొసమే.. కల్మాడీ లాంటి దేశ భక్తుడు ఏమి చేసినా మన పరువు ప్రతిష్ఠలు దృష్టిలో పెట్టుకునే చేస్తాడు..

గుంట నక్క : నీ వరస మరీ బాగుంది. అసలు గేంస్ విలేజ్ లో బాత్‌రూములు చూసావా ? కిళ్లీలు, పాన్లు తో ఎంత కంపు కొడుతున్నాయో? ఎక్కడ పడితే అక్కడ కట్టిన కట్టడాలు కట్టినట్టే పడిపోతున్నాయి. ఆ స్విమ్మింగు పూలులలో నీరు ఎంత మడ్డిగా వుందో .. దోమలు గుడ్లు పెట్టడానికి ఆ స్విమ్మింగు పూల్లు కట్టినట్టు వుంది. ఇలా అయితే ఎవరు వస్తారు ఇక్కడ ఆడడానికి ..

పిల్ల కాకి : మరీ.. ఆ దోమలు తోనే డిల్లీలో డెంగూ జ్వరాలు వ్యాపించాయి కదా! ఎంత చక్కగా ప్లాను చేసాడో చూసావా మనోడు ?

గుంట నక్క : ఏమిటీ ? ఈ డెంగూ జ్వరాలు కావలనే సృష్టించినినా ?

పిల్ల కాకి : అంతే అనుకున్నావా? మొన్న జామా మసీదు దగ్గర జరిగిన కాల్పులు చేయించింది ఎవరు అనుకున్నావ్ ? అంతా మనోల్లు పకడ్బందీ గా ప్లాను వేసి చేసారు.

గుంట నక్క : ఏంటీ మాట్లాడుతున్నావు బావ ? ఈ జ్వరాలు, కాల్పులు మనోల్లు కావాలనే చేసిందా? విదేశీ ఆటగాల్లు భయపడి రావడం మానుకుంటున్నారు కదయ్యా !

పిల్ల కాకి : అదే కదా కావల్సింది! నా కొడుకులు మనం ఖర్చు పెట్టి ఆటలు ఆడించడం అంటా , ఆళ్లెవరో వచ్చి సమ్మగా అన్ని మెడల్స్ పట్టుకు పోవడం అంట... నాయాల్దీ ఇప్పుడు చూడు ఎవడు వస్తాడు మనకి పోటీ ? ఒక వేళ వచ్చినా ఇంకా ఇంకా భయపెట్టి వణుకు పుట్టిస్తారు మన కల్మాడీ అండ్ కంపెనీ.. ఎప్పుడు ఏ జబ్బులు వస్తాయో, ఎక్కడ కాల్పులు జరుగుతాయో అని వణికి చావాలి ఆళ్లంతా.. ఇంక చూడు. అన్ని ఆటలలో గోల్డు నుండి రోల్డు గోల్డు వరకు మెడల్స్ అన్ని మనోల్లవే! మన దేశం పరువు ఎక్కడికో వెళ్ళిపోతుంది మరి ....హిహ్హహిహ్హహ్హిహా ...

అపర కాసనొవా - అమర ప్రేమ కధ

2010-09-17T09:41:00.005+05:30

" మొదటి సారి అమ్మాయి పుట్టింది కాబట్టి ఈ సారి అబ్బాయి పుడితే బాగుంటుంది కదా! " అంది అక్క. " ఏంటి అక్కా , నువ్వు కూడా ! నీకు ఇలా అబ్బాయిల పిచ్చి అని నాకు తెలీదు " అన్నాను నేను. " నీ %$@*$@%$@$$ ... " ఏ రోజు లోక్ సభ టీవీలో కూడా వినని బూతులు ... " బాబు, తెలుగులో బ్లాగడం కూడా మొదలెట్టావు, అసలు చందా వసూలు చేసి అన్నా నిన్ను తెలుగు బాట కి పంపి ఆ తెలుగు ప్రతిజ్ఞ ఏదో చేయించి వుండాల్సింది. మగ పిల్లాడు అంటే ఇష్టం అని నీ ఉద్దేశ్యం కదా! బ్లాగు చదివే వాళ్లు ఛండాలంగా అనుకుంటారు. " అని అంది. " ఆయ్ .. అదే అదే.. " నా ఉద్దేశ్యం కూడా అని తలూపాను. " అది కాదు రా , మనలని చూడు , అక్కా తమ్ముళ్లో , అన్నా చెల్లెల్లో వుంటే ఆపొజిట్ సెక్స్ అంటే మొహమాటం భయం అని బిగదీసుకు పోము కదా! అందుకే ఈ సారి అబ్బాయి పుడితే నీ మేనకోడలికి మంచిది అని నా ఉద్దేశ్యం. అయినా అబ్బాయిలు కావాలి అని ఈ కాలం లో ఎవరు అనుకుంటున్నారులేరా ? ఈ వర కట్నాలు గట్రా పోయి కన్యాశుల్కాలు మళ్లీ వచ్చేటట్టు వుంటే .. " నాకు ఏమీ వినిపించడం లేదు, ఒకే మాట అరిగిపోయిన టేప్ రికార్డరులోలా మళ్లీ మళ్లీ వినిపిస్తుంది.... " అక్కా తమ్ముళ్లో , అన్నా చెల్లెల్లో వుంటే ఆపొజిట్ సెక్స్ అంటే మొహమాటం భయం అని బిగదీసుకు పోము కదా ! " అర్రే ఈ విషయం నాకు తెలీదే, ఇన్నాళ్లు అనవసరంగా తెగ బిగదీసుకుపోయాను అని ఫ్లాష్ బాక్ లోకి వెళ్లాను.కళ్ల ముందు మస్కిటో కాయిల్ చక్రం స్పీడుగా గిరగిరా తిరిగేస్తుంటే ...

మా కళ్యాణ్ గాడు అపర కాసనొవా .. వాడికి అకాచెల్లెల్లు లేరు కూడా. అయినా సరే వాడు మటుకు మరి ఏ రోజు ఏ అమ్మాయి దగ్గరా మొహమాటం పడనూ లేదూ, బిగదీసుకుని పోనూ లేదు..ఇంకా ఏ అమ్మాయి అయినా " సిగ్గు లేని ఎదవా , నీకు అక్కా చెల్లెల్లు లేరు రా ? " అని అడిగితే " అచ్చే... నా లాంటి ఎదవలు వాళ్లని సరిగా వుండనివ్వరని మా అమ్మా నాన్న ముందు జాగ్రత్తగా అమ్మాయిలని కనలేదు కదా" అని ఇకిలించేవాడు. (అలా అడిగిన అమ్మాయిలుని వేళ్ల మీద లెక్కెట్టొచ్చు అనుకోండి.. మనోడు పడేసిన అమ్మాయిల తో పోల్చుకుంటే వాళ్ల సంఖ్య కోటి లింగాలలో బోడిలింగములు మాదిరి అన్న మాట ) మరి మా అక్క లాజిక్కు ఏ విధంగా కరెక్టో నాకు అర్ధం కాలేదు. నాకు మటుకు అమ్మాయిలతో మాట్లాడడం పక్కన పెడితే , మా వాడు అమ్మాయిలని లైన్లో ( నిఝంగానే లైన్లో నిలబెట్టేంత మంది వాడి వెనక పడేవాళ్లు వుండేవారు ) పెడుతుంటే పక్కన వుండడానికి కూడా వణుకు వచ్చేది . ఆ వణుకు వాడిని నిండా ముంచింది పాపం. పాత తెలుగు సినిమాలలో గిరిబాబు లెక్క వాడు అదో మాదిరి వుండేవాడు. ఎప్పుడూ చూసినా ఒక డజను గులాబీ పూలు కూడా పెట్టుకుని తిరిగే వాడు. ఏ అమ్మాయిని అన్నా చూసి ఇష్టపడితే , ఒక గులాబీ తీసి ఘాఢంగా వాసన చూసి కాళ్ల కింద వేసి నలిపేసేవాడు సింబాలిక్ గా.. ఇక అమ్మాయి పని మటాష్ అన్న మాట ! కానీ వాడిలో ఒక సద్గుణం మటుకు వుండేది. ఏ రోజు ఏ అమ్మాయి తోను అబద్ధం మటుకు చెప్పేవాడు కాదు. ఎటొచ్చీ చిక్కేమిటీ అంటే వాడు నిఝం చెప్పినా అమ్మాయిలు ఎప్పుడు నమ్మేవారు కాదు అనుకోండి. ఏ అమ్మాయి అన్నా నన్ను పెళ్లి చేసుకుంటావా కళ్యాణ్ అని అడిగితే " మరి పది పదిహేను లక్షలు కట్నం ఇస్తావా ?" అని అడిగే వాడు. " అన్ని పరాచికాలే, పాడు పిల్లడా " అని ఆ అమ్మాయిలు తెగ మెలికలు తిరిగి పోయే వారు అదేమిటో ? అంతే లెండీ మేకపిల్ల ఎప్పుడు కసాయి వాడినే నమ్ముతుంది . కానీ కసాయిని కళ్ల గప్పి జెల్ల కొట్టే మేక పిల్లలు కూడా వుంటాయి అండోయి. అలాంటి మేకపిల్లే పుష్ప.

ఆ అమ్మాయిని చూసిన కొత్తలోనే మా వాడు ఒకటి రెండు గులాబీలు ఘాఠీగా వాసన చూసి కాళ్ల కింద పడేసి నలిపేస్తుంటే మా కళ్ల పడింది. ఎప్పుడు లేనిది వాడిని ఏడిపిద్దామని నేను " కళ్యాణ్ , నువ్వు ఇలా అనవసరంగా గులాబీలు పాడు చెయ్యడం వృధా. ఆ అమ్మాయి నీకు వదిన లాంటిది " అని బలంగా ఊపిరి తీసి ఛాతీ బిగపట్టి రెండు నిమిషాలు ఆగి, అలవాటు లేని పని అవ్వడం వలన దగ్గుకుని కళ్లలో నీళ్లు తిరిగితే .. చొక్కా పైకి ఎత్తి తుడుచుకుంటున్నాను. అది చూసి మావోడు " అర్రే .. ఇంతోటి దానికి ఏడుస్తావామేటిరా ? మా బుజ్జి కదూ , ఊరుకోమ్మా " అని ఓదార్చడం మొదలు పెట్టాడు. నాకు ఇంకా ఉడుకుమోత్తనం అనిపించింది. " సరేలేరా , నీ కోసం ఒక చాన్స్ ఇస్తాను. జనరల్‌గా నేను నాకు నచ్చిన అమ్మాయిని ఏ రోజు ఎవరి కోసం వదిలింది లేదు, కానీ నువ్వు నా అనుంగు మిత్రుడివి కాబట్టి, నీకు వారం రోజులు టైము ఇస్తున్నాను . ఈ లోపు ఆ అమ్మాయిని పడేస్తే ఆ అమ్మాయి నీదే " అదేదో వాడి గుత్త సొత్తు నాకు ధారపోస్తున్నట్టు బిల్డప్పూ వాడూ. " అలాగేరా .. చూసుకుందాము నీ పెతాపం నా పెతాపం అని " నీలిగి ముక్కు చీదుకుని నేను వెళ్లిపోయాను. మన అమోఘమైన జ్ఞాపక శక్తి కారణంగా మరుసటి వారం అంతా కూడా యధావిధిగా వీధి పిల్ల కాయలతో , గోటీ బిళ్లా , గోళీకాయలు ఆడుకుంటూ బిజీ గా గడిపేసానే గాని, ఆ అమ్మాయి కి కనీసం దగ్గరిగా వెళ్లి వణుకుదామని కూడా ప్రయత్నించలేదు. ఎనిమిదో రోజు ఆ అమ్మాయి వాడి బైకు మీద కనిపించడం మేము ఊహించినిదే! కాకపోతే ఆ పందెం విషయం కి అంత ఇంపార్టెన్సు ఇవ్వక మర్చిపోయిన నేను మా వోడు కాలర్ అలా నిక్కబెట్టీ నా ముందు ఎందుకు తిరుగుతున్నాడో తెలియక అడిగాను. " చూసావా , నువ్వు వారం రోజులలో చెయ్యనిది , నేను ఒక్క రోజులో చేసాను ..హిహ్హహిహ్హా " అని గిరిబాబు లెక్క నవ్వాడు కళ్యాణ్. " ఓర్నీ అయ్యా , నేనెదో సరదాగా అంటే నువ్వు సీరియస్సుగా తీసుకున్నావా ? " అని నేను అంటే " అంతే లేమ్మా , పిచ్ చూసి జడుసుకుని ఒంట్లో బాలేదు అన్న మన ఇండియన్ టీం మాజీ కెప్టెన్ లా అన్న మాట! నీ వల్ల కాలేదు అని ఒప్పుకో " అని ఆఘమేఘాల మీద షికారు కి వెళ్లి పోయాడు వాడు.

మన వాడి మోజు అమ్మాయిని పడేసేంత వరకే... గులాబీ పువ్వు కంటే ఆ పువ్వుని నలిపి పడెయ్యడమే వాడికి కిక్కు ఇచ్చేది. చేతిలో వున్న బఠాణీలకంటే చెయ్యి జారిపోయిన బఠాణీలపైనే ధ్యాస పెట్టే రకం. అమ్మాయిని చూసామా , పడేసామా , వదిలేసామా అన్నట్టు వుండేది మనోడి వ్యవహారం. కానీ తాడిని తన్నేవాడు ఒకడైతే , వాడి తల దన్నేవాడూ మరొకడు. మోజు తీరాక వదిలెయ్యడం వీడి జన్మ హక్కు అని ఫీలయ్యే కళ్యాణ్ , నెల రోజులకే ఆ పని పుష్ప చేసెటప్పటికి దిమ్మ తిరిగి బోర్లా పడ్డాడు. ఎప్పుడు ఎలా అమ్మాయిలని ట్రిక్ చేసాడో అని చెప్పుకునే వాడు , ఈ అమ్మాయి అలా చేసేటప్పటికి దేవదాసు అవతారం ఎత్తాడు. నిజంగానే విచారం లో మునిగి పోయాడు. ఎంతైనా మా అనుంగు మిత్రుడు. ఎప్పుడూ లేనిది ఆ అమ్మాయిని తాను నిఝంగానే ప్రేమించానని మా దగ్గర వాపోయాడు. వాడిని ఓదారుస్తున్నప్పుడు నన్ను నిలదీసాడు ఒకసారి. " అసలు నువ్వు ఆ అమ్మాయికి ప్రపోజ్ చేసి నేను నీకు ఇచ్చిన వారం రోజుల గడువులో తన ప్రేమ (?) ని పొంది వుంటే నాకు ఈ బాధ తప్పేది కదరా " అని.నాకు బొలేడంత మంది కజిన్ సిస్టర్లు వున్నా అమ్మాయిలు అంటే వున్న భయం వణుకు వలనో.. మరో కారణమో గాని , సరదాగా కూడా ఆ పందెం ని పట్టించుకోలేదు. నేను ఆ విషయాన్ని సీరియస్సుగా తీసుకుని వుంటే.. వీడి పరిస్థితిలో నేను వుండేవాడిని బహుశా ! నాకు అనిపించింది ఏమిటీ అంటే , ఆ అమ్మాయి కంటే అందగత్తెలని , అర్హత వున్న వారిని ( ఏ ఇద్దరిని పోల్చడం కరెక్ట్ కాదు అని నాకు తెలుసు, కానీ ...) తనకి అన్ని విధాలా సరి పోయే అమ్మాయిలని తృణీకరించిన కళ్యాణ్ ఆ అమ్మాయిని మర్చిపోలేక పోవడానికి కారణం , అతడు అంత బలంగా ఆ అమ్మాయిని ఇష్ట పడడానికి కారణం .. అతడిని తృణీకరించడమే. ఎప్పుడు అయితే ఆ అమ్మాయి అందరిలా వాడి పై ఎనతగని ఇష్టాన్ని చూపించక , కాజువల్ గా వాడిని డంప్ చేసిందో అప్పుడే పుష్ప ఇతరుల లాంటి సామాన్యమైనది కాదని, ప్రత్యేకమైనదని ఆ అమ్మాయి పై పిచ్చి ప్రేమని పెంచుకున్నాడు . ఆ విరహం , వైరాగ్యం నుండి మా వాడు బయట పడడానికి చాలా సమయమే తీసుకున్నాడు. ఇక అమ్మాయిల జోలికి వెళ్లడులే అని మేము అనుకున్నాము. మా అంచనా తప్పు కావడానికి ఒక ఆరు నెలలు టైము పట్టింది. ఈ సారి సినిమా ధియేటరులో ముందు వరసలో కుర్చున్న కారణంగా ఒక అమ్మాయిని ఇష్ట పడ్డాడు. ఎప్పటిలాగే టైము పాసు వ్యవహారం కాబట్టి , వాడు ఇష్ట పడడానికి కారణం కూడా సర్వ సాదారణం కాబట్టి , ఈ వ్యవహారం కూడా ఎప్పటిలానే మరో నలిపేసిన గులాబీ కధే అని ఊరుకున్నాము.

ఉద్యోగ వ్యవహారాలలో బిజీ అయిపోతున్న కాలంలో ఒక రోజు ఫోను చేసాడు కళ్యాణ్. పిచ్చాపాటీ మాట్లాడుకున్న తరువాత నేను బైకు కొన్న విషయం చెప్పాను. " కొనరా, కొను. నువ్వు బండి కొంటే నేను కొన్నట్టు కాదా , నీ బండి నాది కాదా " అని సరదాగా అన్నాడు. కాసేపు అయ్యాక, మరుసటి రోజు తాను ధియేటరులో పరిచయం అయిన అమ్మాయిని వివాహం చేసుకోబోతున్నట్టు చెప్పాడు. ఎప్పటిలాగే పరాచికాలు ఆడుతున్నాడులే అని, ఏ అమ్మాయిని సీరియస్సుగా తీసుకోడు అని అభిప్రాయం వుండడం తో " చేసుకోరా , చేసుకో.. నువ్వు పెళ్లి చేసుకుంటే ఒకటి, నేను చేసుకుంటే ఒకటినా ? నీ పెళ్లాము నా పెళ్లాము కాదా ? " అని సరదాగా అన్నాను. ( సాంప్రదాయులకి ఈ మాటలు చవకబారుగా అనిపించోచ్చు, కానీ స్నేహితుల మధ్య ఇలాంటి మాటలు సాదారణం, అది కాకుండా వాడి వ్యవహారాలన్ని టైము పాసు అని ఒక అభిప్రాయం వలనే తప్ప , ఆ అమ్మాయి పై ఎలాంటి చులకన భావం నాకు లేదు అని మనవి ) వాడు నవ్వి " లేదురా.. నిజంగానే ఆ అమ్మాయిని పెళ్లి చేసుకుంటున్నాను. తన ఇంటిలో మా సంగతి తెలిసి పోయింది, ఆ అమ్మాయి తల్లి తండ్రులు కి నచ్చలేదు. ప్రేమ వ్యవహరాలు నచ్చక పోవడం ఒక ఎత్తు, అది కాకుండా నా గురించి వాళ్ల వాళ్లు ఎంక్వైరీ చేసారు అంటా. ఇక ఏమి ఒప్పుకుంటారు. బాగా చితక బాదుతున్నారు అంట. పాపం, అయినా ఆ అమ్మాయి నన్నే చేసుకుంటాను అని పట్టు బట్టి మరీ తన్నించుకుంటుంది. పెళ్లి చేసుకుని ఆ తన్నేది ఏదొ నేనే తందామని .. నేను ఎంత నీచుడినో ఆ అమ్మాయికి తెలిసి వచ్చేటట్టు చేస్తాను " అని చెప్పి పెళ్లికి ఆహ్వానించాడు. ఆదరాబాదరాగా బయలు దేరి వాడి పెళ్లికి సాక్షి సంతకం పెట్టి దగ్గరుండీ మరీ పెళ్లి చేసాము. కట్నం కాకరకాయ అంటూ , పెళ్లి ని ప్రేమని సరదాగా తీసుకునే కళ్యాణ్.. ఇలా ప్రేమ పెళ్లి చేసుకోవడం.. పెళ్లి చేసుకుని ఆ అమ్మాయిని పువ్వులలో పెట్టి చూసుకుంటూ , , ఇక గులాబీలకి దూరంగా వుంటూ ఏక పత్నీ వ్రతం పాటించడం మాకు ఇప్పటికి ఆశ్చర్యమే!

మనిషి మనసు కంటే చిత్రమైనది ఏమున్నది ఈ ప్రపంచంలో ?

ఎంత " నేను " స్వార్ధం ? ఎంత " మనం " విశాల ధృక్పధం ?

2010-09-14T14:55:00.003+05:30

ఎంత నేను స్వార్ధం ? ఎంత మనం విశాల ధృక్పధం ?
నా గురించి మాత్రమే అయితే .. పూర్తి స్వార్ధమా ?
ఇంకా నా తల్లి తండ్రి , పెళ్లాం బిడ్డలు గురించి అయితే .. నా బంధువులు , బంధువుల బంధువులు .. వాళ్ల బంధువులు .. నా స్నేహితులు , స్నేహితుల స్నేహితులు , వారి స్నేహితులు ..
నా పక్కింటోళ్లు , ఎదురింటోళ్లు, నా చుట్టు పక్కల వాళ్లు .. నా వీధోళ్లు, నా ఊరోళ్లు.. నా ప్రాంతపోళ్లు.. అది ఉత్తర కోస్తానో, దక్షిణ కోస్తానో.. తూ.గో.నో , ప.గో నో, కృష్ణా జిల్లాలో, సీమో , తెలంగాణో..
నా రాష్ట్రమో .. నా భాష మాట్లాడే వారందరూనో? ద్రవిడ సంస్కృతి వారందరూనో? దక్షిణ భారతమో ? పూర్తి భారతమో ? పొట్ట కూటి కోసం పరాయి దేశంలో ...మా ఆసియా దేశస్థులు.. మా దక్షిణాసియా వాళ్లు , వాళ్ల కంటే పొడగిట్టని పొరుగు దేశస్థుడు ఇంకా దగ్గరి వాడే ఎందుకో ?
నా కులం , నా మతం , ఏదో ఒక మతం వున్న వారు , నా దేముడు , ఏదొ ఒక దేముడిని నమ్మే అందరూ ...
కులం , మతం, భాష , ప్రాంతం ..... చిన్న చిన్న వృత్తాలు , చిన్న వృత్తాలు , ఓ మాదిరి వృత్తాలు .. కొంచెం పెద్ద వృత్తాలు , పెద్ద వృత్తాలు ..
ప్రతి వ్యక్తి ఒక కేంద్రం, వృత్తాలు , పరి వృత్తాలు ???
నా కన్నా పెద్ద వృత్తం లో వున్న వాడికి నేను స్వార్ధ పరుడిని, సంకుచిత భావాలు కలవాడిని.. వాడి కన్న పెద్ద వృత్తం లో వున్న వాడికి మరి వాడు ???
వసుధైక కుటుంబం .. సర్వ మానవ సౌభ్రాతృత్వం ఒక వైపు ..
ఈ లోకం లోకి వంటరిగా వచ్చావు, వంటరిగానే పోతావు మరొ పక్క ???
ఏది దారి .. వంటరి స్వార్ధమా , విశాల ధృక్పధమా ?

ప్రశ్నించడం ఆపొద్దు !

2010-08-30T09:41:00.002+05:30

చిన్న పిల్లలు చాలా ప్రశ్నలు అడుగుతారు, కొన్ని ముద్దు వస్తాయి. మరి కొన్ని విసిగిస్తాయి !! కొన్ని ముచ్చట కలిగిస్తాయి, కొన్ని ఇబ్బంది కలిగిస్తాయి. మనకి తెలిసినవి చెబుతాము , తెలియనవాటికి తప్పించుకుంటాము. కొంత మంది మటుకు ఆ ప్రశ్నలకి సరైన సమాధానం ఇవ్వక అది అంతే , అలాగే అవుతుంది అని ఊరుకుంటారు. సరైన లాజిక్ ఇవ్వక తప్పు అలా అనకూడదు అని ముక్కున వేలు పెట్టుకుని, ఇంతింత కళ్లు వేసుకుని చూస్తారు. ఆ హావభావాలకి జడుసుకుని ప్రశ్నించడం ఆపేస్తారు పిల్లలు!

అలాగే హేతువాదులు ఉరఫ్ హేటువాదులు చాలా చాలా ప్రశ్నలు అడుగుతారు. ఇలాగే ఎందుకు చెయ్యాలి, దీని అర్ధం ఏమిటి ? దీని వెనక అసలు మతలబు ఏమిటి ? ఇలా.. చెప్పగలిగే వారు చెప్పుతారు, లేనివారు విసుక్కుంటారు, హేటూవాదులు అని !

ఇంట్లో ఒకరు ఇద్దరు పిల్లలతోనే విసిగి వేసారి పోయే జనాలతో పోల్చుకుంటే ఉపాధ్యాయ వృత్తిలో వున్నవారికి చాలా సహనం కావాలి. ప్రైమరీ స్కూలు పిల్లలలో వుండేది అమాయకత్వమే కాబట్టి పర్లేదు గాని కొంచెం పెద్ద వయసు పిల్లలలో ఒట్టి అమాయకత్వమే కాకుండా మిగిలిన మానవ సహజ స్వభావాలు కూడా వుంటాయి. హోం వర్క్ చెయ్యలేదని టీచర్ కొడితే పిచ్చి ప్రశ్నలు వేసి టీచరు గారిని విసిగించే బడుద్దాయిలు వుంటారు! వారి ప్రశ్న వెనక ఉద్దేశ్యం ఏదైనా ఆ ప్రశ్న మరి కొన్ని పసి మనసులలో సందేహాలు లేవనెత్తుతాయి. ప్రశ్నకి సరైన సమాధానం సరిగా లేకపొతే అది తప్పుడు సమాచారాన్ని, తప్పుడు ఆచరణని ప్రొత్సహించినట్టు అవుతుంది.అలాగే ఆచార వ్యవహారాల వెనక ఉద్దేశ్యం ప్రశ్నించే వారికి సమాధానం చెప్పేవారికి చాలా ఓపిక వుండాలి, సంయమనం వుండాలి!లేకపొతే తప్పుడు సమాచారం వెళుతుంది ప్రజలలోకి ..

ఎక్కాలు వల్లెవెయ్యడం ఎంత అవసరమో పిల్లలకి చెప్పలేకపోవచ్చు. చదువు పట్ల శ్రద్ధ కలిగించడం కష్టం కావచ్చు. దానికి బెత్తం సహాయం తీసుకోవడం కరెక్టేనా? మనిషి మంచిగా జీవించడానికి పాప భీతి కలిగించడానికి రౌరవాది నరకాలలో పడే శిక్షలు సరిపోతాయా? టీచరు గారికి కాయో పండో ఇస్తే చల్లబడిపోతారు అని తెలిసిన పిల్లకాయలు , బెత్తానికి భయపడను భయపడరు.. హోంవర్కులు చెయ్యనూ చెయ్యరు. ఏ గంగలో మునిగినా , పుటుక్కున కన్ను మూసేలోపల లటుక్కున ' హరీ ' అన్నా చాలు అని తెలిసాకా రౌరవాది నరకాలలో శిక్షలు పాపపు పనులు చేయకుండా కొంత మందిని ఆపగలవా?

మనిషి మంచిగా బతకడానికి , ఎదుటివారి తో మంచిగా వుండడానికి సరైన దిశా నిర్దేశం వుండాలి గాని బెత్తం భయం, టీచరు గారికి ఇచ్చే పండొ కాయో ఏ విధంగాను సహాయ పడవు! ఇవే కాదు, జీవితంలో చిన్న చిన్న విషయాలకి కూడా తప్పుడు ఆచరణల మీద ఆధార పడడం కరెక్టేనా? ముగ్గు వేయని గడప మగాడు దాటితే ఇంటికి అరిష్టం అని మూడంగా నమ్మమంటే .. అది ఎన్ని అరిష్టాలకి దారి తీయొచ్చు ? అంత పొద్దున మగాడు కాకుండా చేతికి గాజులు , కాళ్లకి పట్టీలు లేని విధవ బయటకి వెళితే , ఏ పామో పురుగో ఆవిడని కుడితే ? సందె వేళ దీపం ఆరినప్పుడు భోజనం చెయ్యకూడదు అని చెప్పి దాని వెనక కారణం చెప్పకపొతే! దీపం ఆరకపోవడం ముఖ్యమా? సరిపడినంత వెలుగు వుండడం ముఖ్యమా?

ఆచారాలని ప్రశ్నించి , దురాచారాలని రూపుమాపే వారిలో ఒక కందుకూరి వుండొచ్చు , విజ్ఞత లేని నా బోటి వారు వుండోచ్చు! కానీ ప్రశ్నకి సరైన సమాధానం ముఖ్యం! ప్రశ్న వెనక మనిషి, ఆ మనిషి మనసులో ఉద్దేశ్యం ముఖ్యం కాదు! సమాధానం ఆ మనిషికి మాత్రమే కాదు కదా! ఆ ప్రశ్న విన్న మరికొంత మందికి కూడాను!

అసలు ఏ విషయం అయినా గురువు ద్వారా ఒక వంతు, సొంతంగా అర్ధం చేసుకొవడం వలన ఒక వంతు, ఇతరులతో మాట్లాడి తెలుసుకుని ఒక వంతు ఇంకా కాలక్రమేణా ఆచరణలో మిగిలిన వంతు తెలుసుకుంటాము అని చెప్పే క్రింది శ్లోకం చూడండి!

Achaaryaath paadam aadatthe
paadam sishya swamedhayaa
paadam sa brahmachaaribhya
sesham kaala kramena cha

ప్రశ్నించే ప్రతి ఒక్కరు శిష్యులు , ఆ ప్రశ్నకి సమాధానం ఇవ్వగలిగిన వారికి, ఎందుకంటే వారు ఒప్పుకున్నా ఒప్పుకోకపోయినా సమాధానం చెప్పేవారి వద్ద నుండి నేర్చుకుంటారు కనుక ! సమాధానం తెలిసి చెప్పగలిగే వారు చెబితే మంచిది! సమాధానం తెలియకపోయినా వెక్కిరింతలు కి దిగేవారు, ఆయా ఆచార వ్యవహారాల పైన విశ్వసనీయతకి ఎంత చేటు చేస్తారో తెలుసుకోరు ! అడ్డెడ్డే .. అసలు ప్రశ్నించకు ... చెప్పినట్టు చెయ్యు అంటే.. ఆచార వృత్తిలో వుండే వారే శిష్యులకి సమాధానం ఇవ్వకపొతే? మేధావి వర్గం లోని వారే ప్రశ్నించే వారిని హేటువాదులు అని మోటు హాస్యాలకి దిగితే ? నిజమే .. చాలా ఆచారాలు దురాచారాలుగా మారడానికి వివరణలు, విశ్లేషణలు మరుగున పడడం కారణం కావచ్చు! ఆచరణలో లోపం వుండొచ్చు! కానీ వాటిని ప్రశ్నించడం వలనే వాటి వెనక ఉద్దేశ్యాలు తెలుస్తాయి. ఒక జీవన విధానంలో ఇలాంటి మూఢాఛారాలని ప్రశ్నించడం వలనే దూరం చేసుకుంటాము! కొన్ని ఆచారాల వెనక గొప్ప సాంకేతిక కారణాలు వుండొచ్చు! కనుక ప్రశ్నించడం ఆగనివ్వద్దు! ప్రశ్నించే వారి ఉద్దేశ్యం ఏదైనా ప్రశ్నకి విలువ ఇవ్వండి! ఆ ప్రశ్న కి సరైన సమాధానం ఇవ్వడం వలన మంచే జరుగుతుంది, అదే హేటు వాదులు అంటూ విసుగు , విధ్వేషాలు చూపడం వలన నష్టమే జరుగుతుంది !

సమాజ సేవ ఒక ప్రధమ చికిత్స మాత్రమే ??

2010-08-08T19:36:00.004+05:30

మన శరీరం లో ఏ భాగానికి అయినా అనారోగ్యం చేసింది ఆనుకోండి , పై పై పూతలు , తాత్కాళిక ఉపశమనాలు మాత్రమే చేస్తామా ? లేక సంపూర్ణ చికిత్స చేస్తామా? చిన్న రోగాలకి మందులు వాడితే , తగ్గిపోతుంది. కానీ పెద్ద రోగాలకి శస్త్ర చికిత్స తప్పదేమో? కాన్సర్ లాంటి మహమ్మారి చికిత్స కి లొంగని స్థాయిలో వుంటే , అప్పుడు మనం ఎంత ప్రయత్నించినా అది తగ్గక మరణానికి కారణం అవుతుంది కదా! ఆ స్థాయి వరకు రోగం ముదరక ముందే చికిత్స మొదలెట్టాలి కదా!

మరి మన సమాజం ఒక శరీరం అనుకోండి.. అందులో అన్ని అంగాలు సంపూర్ణ ఆరోగ్యం తో వున్నాయా? లేవు. కొంత మంది పేదరికం తో, అనారోగ్యం తో , అవిద్య తో బాధ పడుతున్నారు. ఏ సమాజం తీసుకున్నా ఇటువంటి ధౌర్భాగ్యులు తప్పక వుంటారు, ఆ సమాజం రాజరికమే కానీ , ప్రజాస్వామ్యమే కానీ , సామ్యవాద , సామ్రాజ్యవాదమే కానీ ... ఏ విధమైన , ఏ ఇజాన్ని పాటించినా ఇటువంటి వారు వుండే తీరుతారు! ఎంత అభివృద్ధి చెందిన దేశమైనా పేదలు, నిరక్షరాస్యులు, అనారోగ్యం తో బాధ పడేవారు వుండే తీరుతారు!

అటువంటి నిర్భాగ్యులకి సేవ చెయ్యమనే ప్రతి మతం చెబుతుంది. మరి ఏ మతం లో అయినా కొన్నాళ్లకి ఈ నిర్భాగ్యులు లేకుండా పోతారా? సిక్కు మతం లో బిచ్చమెత్తుకునే సిక్కు కనిపించడు అంటారు! కానీ పేద సిక్కులు లేరా? నిరక్షరాస్యులు లేరా? కనీస స్థాయి వైద్య అవసరాలు తీరని వారు లేరా? క్రైస్తవ మిషనరీలు అయినా , రాష్ట్రీయ స్వయం సేవక్ సంఘ్ అయినా , సమాజ సేవా సంస్థలు అయినా కనీస అవసరాలు తీరని ధౌర్భాగ్యులకి అవి అందేటట్టు చేద్దామని ప్రయత్నిస్తాయి. వాటి సేవా తత్పరత ఎంతైనా శ్లాఘించదగ్గదే! కానీ ఈ సమాజ సేవ వలన ఎప్పటికి అయినా ఈ బీదరికం రూపు మాపగలమా ?

ఏ వ్యక్తి అయినా , సంస్థ అయినా తమ తాహతు కి తగ్గంతే సేవ చెయ్యగలరు! ఒక మధ్య తరగతి వ్యక్తి తన నెలవారీ సంపాదనతో ఇద్దరు అనాధలకి సేవ చెయ్యొచ్చు. కొంచెం డబ్బు వున్న వాడు ఒక పది మంది పిల్లలకి కనీస అవసరాలు తీర్చగలడేమో? అలాగే సంస్థలు కూడా ఎంత మంది ఉదార స్వభావులు సహాయం చేసినా తమకి వీలైనంతలోనె సేవ చెయ్యగలరు, ప్రతి సంస్థ, ప్రతి సంఘ సేవకుడు కొంత వరకు మాత్రమే ..కొంత మందికి మాత్రమే సేవ చెయ్యగలరు. డబ్బు లేక పోతె కళ్ల ముందు కనిపిస్తున్న వారికి కూడా సహాయం చెయ్యలేరు! డబ్బు వున్నా తాము చేరుకోలెని ప్రాంతాలలో , తమని చేరుకోలేని వారికి ఏమి చెయ్యలేరు. మరి మనం ఎంత ప్రయత్నించినా మన ప్రయత్నం పరిపూర్ణం కాలేదు. అంటే రోగం వున్న అంగానికి మనం కేవలం పై పూత మాత్రమే ... తాత్కాళిక ఉపశమనం మాత్రమే చెయ్యగలుగుతున్నాము అన్న మాట!అలాంటప్పుడు చేయవలసింది ప్రధమ చికిత్సనా? లేక శస్త్ర చికిత్సనా ? సమాజ సేవ నా? లేక సమాజం రూపు రేఖలు మార్చవలసిన సంస్కరణనా?ఈ అసమానతలు రూపు మాపాలని అనుకున్నప్పుడు మరి వాటికి కారణం ఏమిటి?

అందరికి సమ స్థాయిలో అవకాశాలు దొరకకపోవడమే కారణం ! సమానత్వం లేకపోవడమే కారణం! పేదవారు ఇంకా పేదవారిగా .. ధనవంతులు ఇంకా ధనవంతులుగా కొనసాగే విధంగా వున్న ఈ సమాజమే కారణం! దోపిడీ దారీ విధానాలే కారణం! మరి రోగ కారణాలని వదిలేసి, తాత్కాళిక ఉపశమనం ఇచ్చే ప్రధమ చికిత్స వలన ఏమైనా ప్రయోజనం వుంటుందా? వుండదు!
మన దేశంలోనే చూడండి.. ప్రభుత్వమే వివక్ష చూపుతుంది! పేరుకి ప్రజాస్వామ్యం! కానీ ప్రజలు అందరూ సమానులు కారు! పేదలకి , అణగదొక్క బడ్డవారికి , నిమ్న వర్గాలకి రాయితీలు ఇస్తున్నట్టు కనబడుతున్నా ఈ సమాజం , ధనిక వర్గాలకి తొత్తు! ప్రభుత్వ పాఠశాలలో బీదవారికి చదువు ఉచితం.. ప్రభుత్వ ఆసుపత్రిలో బీదవారికి చికిత్స ఉచితం.. ప్రభుత్వ రవాణా సదుపాయాలు బీదవారికి అనుకూలం! ప్రభుత్వ పంపిణీ సంస్థల ద్వారా రాయితీలతోనో .. పూర్తి ఉచితంగానో తిండి గింజలు లభ్యం..
ఆహా ఎంత గొప్ప సమాజం.. ఎంత గొప్ప ప్రభుత్వం.. బీద బిక్కీ.. ఆం ఆద్మీ అంటే ఎంత ప్రేమ!

ప్రభుత్వ పాఠశాలలో కొంత మందికి ఉచిత విద్య అయితే .. ఆ కొంత మందిని ఎలా నిర్వచిస్తారు ? బీద వారు ! అంటే తక్కువ సంపాదన వున్నవారు! లేదా కొన్ని తరాలుగా అణగదొక్కబడ్డ వర్గాలకి చెందిన వారు!ఇక్కడ చాలా మంది జాతి , మత కారణాల వలన రాయితీలు కలిపిస్తే , మిగిలిన మత , జాతులలో పేదవారి పరిస్థితి ఏమిటీ కావాలి అని అడుగుతారు! సరే ఆర్ధిక తాహతుని బట్టి రాయితీలు వుంటే.. సమస్య వుండదా? సరే , ఆర్ధిక కారణాల పై ముందు దృష్టి పెడదాము. నెలకి పదివేలు కంటే తక్కువ సంపాదించే వారు పేదవారు అనుకుందాము. మరి పది వేల ఒక వంద సంపాదించేవాడికి ఆ ఉచిత విద్య దొరకదు! పది వేలు సంపాదించుకునే పేదవాడు మీద ఆధార పడ్డవారు, ముగ్గురు అయినా సరే! ఆ పది వేల ఒక వంద సంపాదించే వాడి పై ఆధార పడ్డవారు ఒక ఆరుగురు అయినా సరే ! ఆ పది వేల ఒక వంద సంపాదించే వాడు బీదవాడు కాదు!

చదువు అనే కాదు, మిగిలిన కనీస అవసరాలు విషయం లో కూడా ప్రభుత్వ రాయితీలు కి నోచుకోలేని ధౌర్భాగ్యులు వుంటారు! అంటే ప్రభుత్వం బీదవారు ని నిర్వచించే విధానం మారాలి కదా! ప్రజాస్వామ్యం అని చెప్పుకునే మన దేశంలో ప్రభుత్వ రవాణా సదుపాయాలలోనే.. ధనికులకి ఎయిర్ కండీషనడ్ వసతులు.. బీదవారికి అపరిశుభ్రమైన.. ఇరుకు డబ్బాలు! సమానత్వం! విధ్యా విషయానికి వస్తే.. బీదవారి నిర్వచనంలో ఇమడని అభాగ్యులు మటుకు ఎందుకు డబ్బు చెల్లించాలి ? వారు ఈ దేశ ప్రజలు కాదా?

దేశం లో అత్యధిక జనాభా మధ్యతరగతి వారు! గ్యాస్ సిలిండరు ఒక యాభై రుపాయలు పెరిగితే.. ఆందోళన.. హడ్తాల్! ఏమి? కంది పప్పు ఒక పది రుపాయలు పెరిగితే హాహాకారాలు! ఉల్లిపాయలు ఇరవై రుపాయలు పెరిగితే కొనడానికే కన్నీళ్లు! వీరందరు.. నెలలో ఒకసారి అయినా , ఒక ఐదు వందలు ఖర్చు పెట్టుకుని సినిమాకి వెళ్ళరా ? అది మానెస్తే నష్టమా? ఇలాంటి ముఖ్యం కాని విషయాలకి కాదు రాయితీలు కావాల్సింది! తినడానికి తిండి, కట్టుకోవడానికి బట్ట,వుండడానికి గూడు, విధ్య, వైధ్యం, రవాణా ఇవి కనీస అవసరాలు! ఇవి అందరికి అందాలి! మనకి సరిపడినంత మాత్రమే మన దగ్గర వుండాలి. అంత కంటే ఎక్కువ అవసరం కాదు! విలాసం!

ఒక ఉదాహరణ చెబుతాను. ఒక ఆఫీసులో పని చేసె పది మంది ఒకే దారిలో వేరు వేరు చోటుల నుండి బయలు దేరుతున్నారు అనుకోండి! అందరు చేరుకోవలసింది, అదే ఆఫీసు! మరి డబ్బు ఉన్న పెద్ద సారు, బెంజి కారు లో బయలు దేరితే, మరొకడు సాంత్రొ లో, ఇంకొకడు మోటారు సైకిలు మీద !!! వెళ్ళవలిసింది ఒకే చోటుకి! అందరు కలిసి ఒకే పెద్ద వెహికలు లో వెళితే .. పెట్రొలు ఆదా! కాకపోతే అనవసరపు అహంకారాలు !అవును మరి, తన క్రిందవారితో కలిసి ప్రయాణిస్తే తన స్థాయి తగ్గిపోదూ! అలాంటప్పుడు ప్రతి కంపేనీ , ప్రతి ఆఫీసుకి సామూహిక రవాణా కంపల్సరి చేస్తే ధనం, ఇంధనం ఆదా! ఇంధనం ఆదా అయితే డిమాండు తగ్గుతుంది, ఇలా ధరలు పెరగవు! ఇక్కడ ఆఫీసుకి చేరుకోవడం అవసరం. బెంజిలోనో, సాంత్రోలోనొ, ఆఖరికి బైకు మీద వెళ్లడమో మటుకు విలాసమే!

అటువంటప్పుడు , మధ్యతరగతి వర్గాన్నో, ఏదొ ఒక సామూహిక వర్గాన్నో, సామాజిక వర్గాన్నో సంతృప్తి పరిచే రాయితీలు కాదు మనకి ఈ ప్రభుత్వం నుండి, ఈ రాజకీయ పార్టీలు నుండి కావలసింది! ప్రజలందరి కనీస అవసరాలు తీరడం ముఖ్యం! అవి కాకుండా మిగిలినవి విలాసాలే! ఆ విలాసాలు పైన నియంత్రణ వుండాలి! అందరి కనీస అవసరాల పైన దృష్టి వుండాలి. ఒక పక్క విలాసాలు అనుభవించే ఈ సమాజంలో కొంత మంది బడుగు ప్రజల అవసరాల కోసం కష్ట పడితే సమస్యకి ఫలితం దొరుకుతుందా? కేవలం తాత్కాళిక ఉపశమనం మాత్రమే దొరుకుతుంది అని నాకు అనిపిస్తుంది! కొంత మంది చేయూతతో అభాగ్యులు తమ కాళ్ల మీద నిలబడగలిగి తమ వంటి మరింతమందికి సాయపడిగలిగితే ఈ పేదరికం మటుమాయం కాగలదు అనుకుంటే అది అత్యాశే! ఈ రోజు కొన్ని పదులు కోట్లలో వున్న పేదవారు లో కొన్ని లక్షల మంది కి చేయూతనిచ్చి సహాయపడినా , వారు ఆదుకునే స్థాయికి వచ్చేటప్పుడు, ఆ పదుల కోట్ల మంది కొన్ని వందల కోట్ల మంది అవుతారు! సాయం చేసేవారు ఎన్ని రెట్లు పెరిగితే దానికి వందల రెట్లమంది సాయం కావలసినవారు పెరుగుతారు! కాబట్టి చేయవలసింది ప్రధమ చికిత్స కాదు! శస్త్ర చికిత్సనే!ఆ శస్త్ర చికిత్స సామాజిక సంస్కరణ కావచ్చు! రాజకీయ ప్రక్షాళణ కావచ్చు!

సమాజం లో మార్పు తెద్దామనుకునే ప్రతి ఒక్కరు తమ వంతు ప్రయత్నం చెయ్యాలి! ఆ మార్పు వచ్చేంతవరకు, బహుశా ఈ ప్రధమ చికిత్స కొనసాగాలి అనుకోండి! కానీ అదే సమస్యకి పరిష్కారం అనుకోవద్దు! అసలు చికిత్సకి ఒక వైపు సన్నద్ధం అవుతూనే ఈ ప్రధమ చికిత్స చెయ్యాలి అనిపిస్తుంది నాకు!

ఈ శస్త్ర చికిత్స కమ్యూనిజం అంటారా? ఏమో సార్! నాకు తెలియదు! ఏ ఇజం అయినా మంచి వున్నంతవరకు తీసుకోవాలి.అలాగే చెడు వదిలెయ్యాలి ! నాకు కమ్యూనిజం పైన కొన్ని అనుమానాలు వున్నాయి, అవి మరొక టపా లో!

అబ్బాయిలు - అంకుల్లు

2010-08-03T23:03:00.005+05:30

చిన్నప్పుడు ఎప్పుడు పెద్దవుతామా అని ఒకటే తొందర తొందరగా వుండేది.. ఇప్పుడు పెద్దయ్యాక అప్పుడే ఇంత పెద్దయ్యిపోయామేమిట్రా బాబు అనిపిస్తుంది :) నేను కూడా సినిమాలలో హీరోగా చేసి , తరువాత ఒక రాజకీయ పార్టీ పెట్టి ఆంధ్రులు అందరికి మరొక అభినవ అన్నగారిని అయ్యిపోవాలి హర్జెంటుగా !( అవును మన చిరుజీవి గారు పెరిగే వయస్సు దాచుకోవడానికే ఇలా పార్టీ పెట్టి, రాజకీయాల్లోకి వచ్చాడు అంట!) అప్పుడు ఎంత పెద్దయిపోయినా , అంకులు అయిపోయినా , తాతగారిని అయిపోయినా ఎప్పటికి మా అన్నగారు అంటూ అందరూ పిలుస్తారు కదా! హేమిటీ ' నా ముఖానికి అలా వర్కవుట్ అవదా? ' మరీ అంత మొహమాటం లేకుండా అజ్ఞాత కామెంటర్లులా నిజాలు మాట్లాడేస్తారు ఏమిటండి బాబు!

సరే పోనీ ఇలా అయితే ఎలా వుంటుంది ? హర్జెంటుగా దండకారుణ్యం కి వెళ్లో , చత్తీస్‌ఘర్ , ఒరిస్సా అడవులకి వెళ్ళో నక్సలైట్లలో కలిసిపోయి అజన్మాంతం అన్నగా వుండిపోతే!పోనీ ఏ ముంబాయి అండర్ వరల్డ్ గ్యాంగులో జాయినయినా భాయిగా సెటిలవ్వచ్చు! భాష కన్న భావం ముఖ్యం కదా!' అలా కానీ నీ పీడ విరగడయిపోతాది ఏ నకిలీ ఎంకౌంటరులో అన్నా ' అని అంటున్నారా ? మరీ అంత కోపం ఏమిటీ అండి బాబు :(

అసలు తెలుగు భాషలో నాకు నచ్చే పిలుపు అన్న ఒకటే! చాలా మంది నేటి కాలం పిల్లలు తక్కువ వయసు వున్నవారిని అన్న , అక్క అని... కొంచెం పెద్ద వయసు వారిని అంకులు (హ్మ్.. అంకులు ఏమిటీ అంకులు.. పెంకులులాగా ), ఆంటీ అనే పిలుస్తారు కదా! బాబాయి, మామయ్య లాంటి పిలుపులు మరీ ఎబ్బెట్టుగా వుండవు! బంధుత్వం వుంటే మాత్రం బాబాయి, మామయ్య ... ఏమిటీ పిలుపులు చాధస్తంగా ! పక్కింటివాళ్లు , పొరుగుంటివాళ్లు అలా పిలిస్తే మరీ మండిపోదు! ' హేమిఠీ... వావి వరసలు అన్ని మంట గలిపి బావని, మామయ్యని కూడా అన్న అని పిలవాలా ' అని మీరు పళ్లు కొరుకుతున్నారు అంటే .. మీరు చాంధసవాదులు, బూజు పట్టిన సంప్రదాయ వాదులు , బూర్జువా సమాజంలో భూస్వామ్య వాదులు అని , మీ లాంటి వారికి వ్యతిరేకంగా కొత్త సమాజం ఆన్నలవాదం వలనే వస్తుంది అని ఘంఠాపధంగా చెప్పగలను ;)
అసలు మాలాంటి యంగ్ అండ్ హాండ్‌సం ( ఈ రచన పూర్తిగా కల్పితం! ప్రోఫైలు ఫోటో చూసి ఏమిటీ అభూత కల్పనలు అని మీరు అనుకోకూడదు!) కుర్రాళ్లకి అసలు అంకులు అని ఎవరన్నా అసలు ఎలా పిలుస్తారు అండి ?

అవును నిఝమే ! నేను కొంచెం బొద్దుగా వుంటాను. మా అమ్మని అడిగితే అలాగే చెపుతుంది మరి :) గిట్టని వాళ్లు బొద్దుగా కాదు, బడ్డుగా లడ్డులాగా వుంటాను అంటారు, అలాంటి మాటలు మేము పట్టించుకోము. మీరు కూడా పట్టించుకోవద్దు! అయినా ఐదు అడుగుల పదంగుళాల పొడుగుకి ఎనభై కేజీల బరువు ఒక బరువేనటండి? మరీ శరత్ గారు 52.8 కేజీల బరువుకే పెద్ద బరువులా ఫీలు అయ్యిపోతు, డైటింగులు , ఎక్సర్‌సైజులు చేస్తుంటారేమిటో వింతగా ! కొంపదీసి కరీనా కపూర్‌లా ఆయన కూడా సైజు జీరో కోసం ప్రయత్నిస్తున్నారు కాబోసు :) మనకి అలాంటివి అస్సలు పడవు! నేను షేపులో లేను అంటారా ? ఎవరన్నారు అండి ఆ మాట ? గోళాకారం కూడా ఒక షేపే ! అంత మాత్రానా నన్ను పట్టుకుని అంత మాట అంటారా ? హన్నా!

నేను పెట్టుకునే కళ్లద్దాలు మటుకు ఏదొ కొంచెం తల నొప్పి అని పెట్టుకునేవే గాని, మరీ చత్వారం కళ్లద్దాలలా కనిపిస్తాయా? అలా కనిపిస్తున్నాయి అని మీకు నిఝంగానే అనిపిస్తే నేను కన్‌సల్ట్ చేసె కళ్ల డాక్టరు వివరాలు ఇస్తాను వెళ్ళి మీ కళ్లు చెక్ చేయించుకోండి ముందు! అయ్ ..అబ్బా .. ( నాలుక కొరుక్కున్నాను అన్న మాట ! ) అంటే ఆ డాక్టరు దగ్గరకి ముందు జాగ్రత్తగా వెళుతుంటాను, అంతే గాని.. హ్మ్.. మరీ చత్వారం కాదు, హేదో కొంచెం లాంగ్ సైటు .. అయినా కళ్లద్దాలు పెట్టుకున్నంత మాత్రాన, అలా పిలిచేస్తారా?

చిన్న వయసులో ఉద్యోగం మొదలు పెట్టినా.. కొంచెం తొందర తొందరగా కెరీర్లో పైకి ఎదిగినా ఇబ్బందే! మన వయసు అంచనాలు మరీ పెరిగిపోతాయి :( మన కన్నా వయసులో పెద్దవాళ్లు జూనియర్లుగా వుంటే వారి ఆత్మ సంతృప్తి కోసం, వాళ్ల కన్నా మనలని పెద్దవాళ్లని డిసైడు అయ్యిపోయి, ఎక్కడలేని గౌరవం ఇచ్చేస్తారు ! మొదట్లోనే ఆ గౌరవం ఇచ్చే కిక్ కి లోబడకుండా నిజం చెప్పలేదా, ఇక అంతే సంగతులు ! కొన్నాళ్లు పోతే ' ఏంటీ సార్? ఇంకా పెళ్లి చేసుకోలేదు ! మీ పెళ్లి బారాతీకి మా పిల్లలు వచ్చి డాన్స్ చెయ్యాలా ' అని సెటేయిర్లు :( ఒకసారి కొత్తగా జాయిను అయ్యిన కొలీగు తో కంపెనీ బస్సులో వస్తుంటే హటాత్తుగా " ఇంతకీ మీ పిల్లలు ఏ స్కూలులో చదువుతున్నారు ? మా వాళ్లని కూడా అక్కడే జాయిను చేస్తాను " అని అంటే ఏమి అనాలో తెలియక నోరు వెళ్లబెట్టాను !

ఈ బాధలు చాలవన్నట్టు,పక్కింటి, పొరుగింటి పిల్ల బ్యాచ్ ఎలాగు వుంటుంది, ఏ సెలవు రోజన్నా , ఆదివారం పూటన్నా వాళ్లతో పాటు క్రికెట్ ఆడుకుందామని వెళ్లామనుకోండి, " అంకుల్ , నువ్వు బాల్ దూరంగా కొట్టేస్తావు , మాతో ఆడనివ్వం పో ! " అని భయం తో కూడిన, గౌరవం వలన కలిగిన సిగ్గుతో పాటు వెటకారం కూడా కలిపేసి తలంటేస్తారు సమ్మగా!
అంత కంటే ఎక్కువ మండేది ఎప్పుడు అంటే .. పక్కింటి ఆంటీలు, ఇంటికి వచ్చినప్పుడు నేను ' నమస్తే ఆంటీ ' అనేలోపే ' ఏమిటి తమ్ముడు ? బాగున్నావా ? ' అని వాళ్లే పిలిచేస్తారు :( ఇక చచ్చినట్టు వాళ్ల పిల్లలకి బాబాయి అయి చస్తాము ! కంపెనీ లో మా తాత వయసు వుండే బాసులు పెప్ టాక్ కోసం పిలిచినప్పుడు అస్సలు మొహమాటం లేకుండా , ' మనం అంతా ఒక ఫామిలీ , నేను నీకు అన్నయ్యలాంటి వాడిని అనుకో ' అని అంటారే! అప్పుడు ఇంకా మండుద్ది.

ఈ మంటకి విరుగుడు లేదా! హే ఆస్తిక ప్రభు! నా మీద నీకు ఎందుకింత కక్ష? ఎంత నాస్తికుడుని అయితే మటుకు !

అవుడియా! ఇక మీదట నా కంటే చిన్నవాళ్లు నన్ను అంకులు అని పిలిచేలోపలే తమ్ముడూ.. చెల్లెమ్మా... అని పిలిచేస్తాను :) అవును కదా ! ఇన్నాళ్లు మా పక్కింటి ఆంటీలు, ఆఫీసులో తాతలు ఇదే అవుడియా ఫాలో అయిపోతున్నారు కదా! మనకెందుకు తట్టలేదబ్బా!

ఇది మాంఛి నాన్ వెజిటేరియన్ కధ ! - ముగింపు

2010-07-21T10:48:00.002+05:30

జరిగిన కధ ఇక్కడ
-------------------------------------------------------------------------------
" నేను ముందే చెప్పాను కదరా ! వీడి వాదనలో అసలు పసే లేదు.. ఏదన్నా తినొచ్చు.. అసలు ఆ పరలోక..( బ్లా..బ్లా. బ్లాబ్లా ) అన్ని తినొచ్చని .. అవన్ని అసలు మన కోసమే .. బిర్యానీలు గాను, కబాబ్‌లు గాను.. పంపిచాడు రా.. "
"........"
" ఒరెయ్ .. ఏమి మాట్లాడవు ఏమిటిరా ? "
"గ్ర్ర్ర్ర్ర్ర్ర్ర్ర్ర్....గ్ర్ర్ర్ర్ర్ర్ర్ర్ర్ర్ర్ర్ర్ర్ర్ర్..." సమాధి :)
" ఒరెయ్.. ఒర్రెయ్..."
హ్మ్.. వీడికి కూడా .. కొంత ఇవ్వాలి..
" అవునా ! మరి తినకూడనిది ఏమన్నా వుందా అసలు? "
కొంచెం ఆలోచనగా ముఖం పెట్టి " అశుద్ధం తింటామా ఏమిటి మరీను! శుబ్రత ముఖ్యం కదా! అందుకని , అశుద్ధం తినే పంది మాంసం మటుకు తినకూడదు"
వార్నీ..నీ తెలివి తెల్లారా ! బ్లా..బ్లా.. లేకుండా మాట్లాడుతున్నాడు..హ్మ్..మంచిదే!
" శుభ్రత విషయం అయితే మరి..పౌల్ట్రీలలో పెంచే పందులకి అశుద్ధం పెట్టరుగా .. అవి తింటే పరవాలేదా? "
" వాటి జాతే అంతరా ! అవి పంచ భక్ష పరమాన్నాలు ముందు పెట్టినా , అశుద్ధమే తింటాయి .. అందుకే వాటిని తినరాదని..మా ప్రవ..( బ్లా.. బ్లా.. ).. ఇంకా మా పవిత్ర..( బ్లా..బ్లా )
అయ్ బాబొయ్.. మళ్లీ ఇలాంటి పవిత్ర విషయాలు వింటే సమాధిలోకి వెళ్లిపోతాను..కంట్రోల్..కంట్రోల్..
" ఆహా! అలా శుభ్రతే అసలు విషయం అయితే..కోళ్లు గట్రా పురుగు పుట్రా తినవా ? అవి మటుకు తినదగ్గ పదార్ధమా ? ఊర పందుల విషయమేమో గాని, పౌల్ట్రీలలో కొంచెం శుభ్రంగానే వుంటాయి.. అప్పటికి శుభ్రత మీద అనుమానమో లేక అపవిత్రమో విషయం అయితే.. మాంసాహారమే అసలు అపవిత్రం.."
"ఇంతకీ నువ్వు చెప్పొచ్చేది ఏమిటీ? కేవలం శాఖాహారమే తినాలా ?"
" మూగ జీవులని చంపడం తప్పు కాదా? "
" అలా అయితే.. మొక్కలకి ప్రాణం లేదు అంటావా ఏమిటీ?"
అలా అని ఎలా అంటాను... " అబ్బే .. మరీ పూర్తిగా చంపెయ్యం కదా! కొంచెం వాటికి కాసే పళ్లు , కాయలు, ఆకులు తీసుకుంటే వాటి ప్రాణాలు పోతాయా? "
" ఒహో .. అంటే మేము కూడా కొంచెం జంతువుల చెవులు..ముక్కులు, తోకలు.. ఇంకా కాళ్లు చేతులు కోసుకుని.. తింటే తప్పు లేదన్న మాట! "
హ్మ్... బాగానే తగిలాడే వీడు..
" అలా కాదురా .. ఇప్పుడు నువ్వు చెప్పినట్టు చేస్తే ఆ జంతువులు మామూలుగా బతకగలవా ? లేదు కదా! అదే మొక్కలకి , చెట్లకి కాసే కాయలు, పళ్లు ఆకులు తీసుకుంటే వాటికి ఏమిటి ఇబ్బంది ? అది జీవ హింస కాదు కదా! "
" ఒహో .. జీవ హింస అంటే .. జంతువులైతే బాధగా అరుస్తాయి కాబట్టి వాటిని హింసిస్తున్నట్టు..మొక్కలు మూసుకుని ఊరుకుంటాయి కాబట్టి అవి ఆనందిస్తున్నట్టు అన్న మాట .. బాగా చెప్పావు రా ! "
" అరే .. అలా కాదురా ! ఇప్పుడు పాత ఆకులు కోసుకున్నామనుకో.. కొత్త ఆకులు పుట్టుకు వచ్చి ఆ లోటు తీరిపోతుంది.. పళ్లు, కాయలు మనం కోసుకోకపోయినా అవి మటుకు అవి రాలి పడిపోతాయి కదా!మరి మనం మొక్కలకి ఏమి నష్టం కలిగిస్తున్నాము ? "
సెహ్‌బాష్..బాగా చెప్పాను..ఇంక వీడి దగ్గర సమాధానం వుండదు. హిహహహ్హా..( ఆనందం తట్టుకోలేక వికట్టహాసం అన్న మాట .. అదీ లోపల ..లోపల సుమా )
...... సైలెంటు అయ్యిపోయాడు.. జజ్జనక..ఆహ జజ్జనకా..
(హ్మ్..కానీ నాకు ఏమి తెలుసు మాడు పగిలే సమయం ఆసన్నం అయిందని ?)
" అలా అయితే మేము కూడా.. జంతువుల నుండీ..ఉన్ని.పాలు వగైరా తీసుకుంటే తప్పు లేదంటావు. అది జీవ హింస కాదా? "
పోనీలే.. లైన్లోకి వస్తున్నట్టు వున్నాడు. ఆస్తికుడిని నా వాదనల తో నాస్తికుడిని చేసెసినంత ఆనందం ..కలిగింది!
" అంటే అది జీవ హింస కాదు అనను కానీ, పరవాలేదు. ఈ ప్రకృతిలో మన అవసరాల కోసం కొన్ని వాడుకోవచ్చు. అవి తరిగిపోకుండా వుంటే పర్లేదు కదా! మళ్లీ పుట్టుకు వస్తాయి. "
"ఒహో.. అంటే గుడ్లు పెట్టే కోడిని కోసుకు తినడం తప్పు కానీ, ఆ గుడ్లు తింటే తప్పు కాదు అన్నమాట " చాలా అమాయకంగా ముఖం పెట్టుకుని..
ట్రాప్..ట్రాప్.. గుడ్డి ముఖాన్ని.. అడ్డంగా పడబోతున్నానని తెలీలేదు..హ్మ్!
" మళ్లీ ఇలా మాట్లాడుతావు! అబ్బబ్బా .. నీకు చెప్పలేకపోతున్నాను కదరా! గుడ్లు తినేస్తా వుంటే..మరి కొత్త కోళ్లు ఎక్కడ నుండి పుట్టుకు వస్తాయి ? అయినా గుడ్లలో ప్రాణం వుండదా ? అది జీవ హింస కదా! కళ్లు తెరుచుకోక ముందే.. ఖతం చేసెస్తావా ? కమీనే ! "
ఫుల్ మటాష్! నా సీను కాలిపోయింది! అడ్డంగా గోతిలో పడిపోయాను!
" హెంత బాగా చెప్పావు.. గుడ్లు తింటే తప్పు .. కానీ పళ్లు కాయలు..తినేసి అందులో బీజాలు చెత్త బుట్టలో పడేస్తే మటుకు కొత్త మొక్కలని చంపినట్టు కాదేమి ! మొలకెత్తక ముందే నరికెయ్యడం కాదు ఇలా చేస్తే.. "
" హహ్హహ్హా....హహ్హహ్హా.." ఈ వికట్టాహాసం.. పవిత్ర గోమాతని వెనకెసుకు వచ్చిన ఫ్రెండుది:(
" ఏదొ పెద్ద జీవ హింస గురించి కబుర్లు చెప్పావు గాని, నువ్వు గానీ, మరొక శాఖాహరి గాని తిన్న పళ్లు కాయల నుండి గింజలు వెతికి మట్టిలో పాతుతారా? పెద్ద చెప్పొచ్చావు హహ్హహహ్హా.."
----------------------------------------------------------------
ఇదండి నా మాడు పగిలిన విధంబు..కానీ ఒక అనుమానం వుండి పోయింది..
తప్పులు ఎంచితే మాంసాహారులలోను, శాఖాహారులలోను వున్నాయి. మేము చేసెదే కరెక్ట్..అసలు మనిషి ఇలాగే తినాలి అని అనుకోవడం కరెక్టేనా? మనిషి శాఖాహరో.. మాంసాహారో అని ముద్ర వేయలేము కదా! ఆదిమ కాలం నుండి ఉభయ హారి. ఎటొచ్చి తాము తినేదే ఉత్తమమైనదని.. శాఖాహరులు అనుకోకూడదు.. మాంసాహారులు అనుకోకూడదు. మాంసాహారులలో మళ్లీ కొంత మంది కొన్ని తింటే పరవాలేదు , ఇంకొన్ని ఉపేక్షించాలి అని, అలా ఉపేక్షించ దగ్గవి తినేవారిని హీనంగా చూడడం .. ద్వంధ ప్రవృత్తినే!

మూర్ఖత్వాన్ని మించిన సుఖం లేదు!

2010-07-17T12:02:00.001+05:30

మూర్ఖత్వాన్ని మించిన సుఖం లేదు!
జ్ఞానాన్ని మించిన బాధ లేదు !
నువ్వు చేస్తుంది తప్పో ఒప్పో తెలియకపోతే చింతే లేదు,
నీ పట్ల జరుగుతుంది దోపిడినో, దౌర్జన్యమో నీవెరుగకపోతె బాధే లేదు!

నీ ఖర్మేమిటో , కర్తవ్యమేమిటో నీకే తెలియకపోతే పోరాటమే లేదు,
నీ బాధేమిటో , బాధ్యతేమిటో తెలియకపోతే ఆరాటమూ లేదు!
తెలుసుకోకు నిజమేమిటో..
తెలుసుకోకు నిష్ఠూరమేమిటో..
ఎందుకంటే మూర్ఖత్వాన్ని మించిన సుఖం లేదు!
జ్ఞానాన్ని మించిన బాధ లేదు!

నీవే స్త్రీవి అయితే మగడే సర్వస్వం అనుకో..
అతడే ప్రత్యక్ష దైవం అనుకో..
వెన్నెముక నీకక్కరలేదు అనుకో..
కన్నీళ్లే ఆయధమనుకో..
బంధం ఏమిటో ..బానిసత్వం ఏమిటో ?
నీ హక్కు ఏమిటో ..నీ స్వేచ్చేమిటో ?
తెలుసుకోకు నిజమేమిటో ..
తెలుసుకోకు నిష్ఠూరమేమిటో ..
ఎందుకంటే..మూర్ఖత్వాన్ని మించిన సుఖం లేదు !
జ్ఞానాన్ని మించిన బాధ లేదు!

నీవే దళితుడివి అయితే నీ బతుకే బానిస బతుకు అనుకో..
ఒకడి మోచేతి నీళ్లే జీవాధారం అనుకో..
చీత్కారం సహజమనుకో..
రాయితీలే మహా ప్రసాదం అనుకో..
నీవెంత ఎదిగినా తలొంచి .. వంగి.. కృశించి పొవడమే నీ ప్రాప్తం అనుకో..
సమత్వం ఏమిటో..వివక్ష ఏమిటో ?
స్వాభిమానం ఏమిటో.. బానిసత్వం ఏమిటో ?
తెలుసుకోకు నిజమేమిటో ..
తెలుసుకోకు నిష్ఠూరమేమిటో ..
ఎందుకంటే..మూర్ఖత్వాన్ని మించిన సుఖం లేదు !
జ్ఞానాన్ని మించిన బాధ లేదు!

నీవే దరిద్రుడివి అయితే ధనవంతుడికి దాసొహమనుకో..
నీ శ్రమ దోపిడి నిజం కాదనుకో..
నీ పై దౌర్జన్యం సహజం అనుకో..
నీ కష్టాలకి , దుఖాలకి దేవుడే దిక్కనుకో..
నడుము ఒంగి.. నీ అత్మని వంచి..
నిన్ను నీవే వంచించుకో..
తప్పంతా నీ పుట్టుకదే అనుకో..
ఈ ప్రకృతి దోపిడిదారుని సొత్తనుకో..
వాడు విదిల్చే ఎంగిలి మెతుకులే మహా ప్రసాదం అనుకో..
తెలుసుకోకు నిజమేమిటో ..
తెలుసుకోకు నిష్ఠూరమేమిటో ..
ఎందుకంటే..మూర్ఖత్వాన్ని మించిన సుఖం లేదు !
జ్ఞానాన్ని మించిన బాధ లేదు!

అందుకని అన్నలారా , అక్కలారా,
అమ్మలారా, అయ్యలారా !
ప్రశ్నించకు.. అలోచించకు..
బాధ కన్నా సుఖం మేలు!
నిజం కన్నా అబద్ధం మేలు..
కష్టం కన్నా మోసం మేలు..
వెలుతురు కన్నా చీకటి మేలు!

ఇది మాంఛి నాన్ వెజిటేరియన్ కధ ! - 1

2010-07-15T09:24:00.002+05:30

" గో హత్య మహా పాతుకం రా " మా ఫ్రెండు ఉవాఛ !!
" అవునా ? ఎందుకలా ? " నా అనుమానం !
" మరి ఆవు అమ్మ వంటిది కదరా! ఎక్కడైనా ఎవరైనా అమ్మని కనీసం గిల్లనైనా గిల్లుతారా ? "
మా వాడు మరి ఆదర్శ లోకం లో వున్నట్టున్నాడు, లేక చుట్టుపక్కల నిజాలని చూసేంత ధైర్యం అన్నా ఉన్న వాడు కాదు . సరే అది ఇక్కడ అప్రస్తుతం అని ఊరుకున్నాను.
" ఆవుకి అమ్మకి పోలిక ఏమిటి రా ? పాలు ఇచ్చి పిల్లలని పెంచినట్టు , మనుషులని తన స్థనం ఇచ్చి మేలు చేస్తుంది కాబట్టి, ఇంకా కోపం వచ్చినా మనకి హాని కలగ జేయదు కాబట్టి నా ? "
" అంతే కదా! " " అందుకనే ఆవుని మనం [ నన్ను కూడా కలిపేస్తున్నాడు, దీనిని ఖండించక పోతే నాస్తిక నరకమే నా గతి ... హ్మ్.. సరేలే .. కాన్సంట్రేట్ ఆన్ ద టార్గెట్ .. నా అంతరాత్మ :) ] పవిత్ర జీవిగా, మన పురాణాలు లో.. ( బ్లా.. బ్లా.. బ్లా.. ఇలాంటి లాజిక్కుకి అందని మాటలు నాకు ఇలానే వినబడతాయి మరి ..) అలా అన్నారు కదా! "
"......"
" ఏమిటి రా ? ఊ అని కూడా అనవు "
" గ్ర్ర్ ర్ర్ ర్ర్ ర్ర్ ర్ర్...." [ ఏమి వినాల్సిన , ఆలొచించాల్సిన పని లేనప్పుడు ..అలా కళ్లు చెవులు తెరుచుకుని మరి సమాధిలోకి వెళ్లి పోవడం మనకున్న బహు కొద్ది మంచి అలవాటులలో ఒకటి ]
" ఒరెయ్ .. వింటున్నావా? "
" ఆ..ఆఆ .. విన్నా విన్నా .." ( వినలేదు అంటే మళ్లీ వినిపిస్తాడు .. ఎందుకొచ్చిన రిస్క్ )
" మరే... నువ్వు అన్నది నిజమే అనుకో..కానీ ఇప్పుడు వీడు సాక్ష్యాలు ఆధారాలు అడిగాడు అనుకో..( మా స్నేహితుడుని చూపించి ) కొంచెం కష్టం కదా! అబ్బే .. నువ్వు చెప్పిన పురాణాలు.. గట్రా నిఝంగానే జరిగాయి అని నేను నమ్మేస్తున్నా .. వీడి కోసం అన్న మాట ..హిహిహి.హిహ్హి..( ఏడవలేక ) .. నువ్వు శ్రమ పడి .. ఆ ఆధారాలు గట్రా పట్టుకు రావడం ఎందుకు ? అనవసర శ్రమ... అది వీడిలాంటి మూర్ఖుడి కోసం... [ అన్ని వాదనలు అయ్యిపోయాక వాడు అనేది ఆఖరికి అదే కదా:)]
" హహ్హ..హహహ..హహ్హా " ఈ వికట్టాహాసం.. మా మూర్ఖుడిది.. వాడికి నా వ్యంగ్యం అర్ధం అయినట్టుంది.. ఆ పర్లేదులే.. అవ్వాల్సిన వాడికి అవ్వలేదు కదా!
" అందుకని మనం అలాంటి వాటి గురించి కాకుండా సాక్ష్యాలు, ఆధారాలు అవసరం లేకుండా .. ఊరకనే అలా గాలిలో ఊహా గానాలు చేసుకుందాము రా... కాకపోతే ఒకరు అన్నది మరొకరికి అసంబధ్ధంగా.. అబద్ధంగా అనిపించకూడదు.."
" హ్మ్... సరే.. ఇంతకీ ఏమంటావు రా? గోమాంసం తినడం తప్పు కాదంటావా ఏమిటి? నువ్వు అసలే తల తిక్క పిల్ల కాకివి. అసలు నీ వరసే అర్ధం కాదు." మనోడు అంతే ! వాడికి అనుకూలంగా నేను మాట్లాడితే ... పర్లేదు గాని..
" అబ్బే అలా ఎందుకు అంటాను? కానీ ఒక అనుమానం! మరి ఆవు కన్నా గేదె ఎక్కువ పాలు ఇస్తాది కదా! పైగా సాధు జంతువు కూడాను.. మరి గేదె హత్యా ఘోర పాతుకం అని ఎక్కడ వున్నట్టు లేదేమిటి ? "
" అబ్బే అలా ఏమి లేదు.. ఆవు మనకి అమ్మ వంటిది అయ్యినప్పుడు గేదె పిన్ని వంటిది అన్న మాట! అసలు మన ( మళ్లీ మన .. హ్మ్.. సరె కానీ..) యమ ధర్మ రాజు వాహనం.. అంతే కాకుండా నేను గోమాంసం అని అన్నానా ఇందాకా? నా ఉద్దేశ్యం గొడ్డు మాంసం అని.. పాలు ఇస్తాది.. సాధు జంతువు.. తప్పు..తప్పు తప్పు.. " లెంపలు వాయించుకుంటు మావాడు..
( అసలు యమధర్మ రాజు వాహనం గేదెనా ? దున్నపోతు వెదవ.. గాడిద వెదవ.. సర్లే నాకు ఈ పురాణాలు గురించి తెలిసిందే తక్కువ.. లాజిక్.. )
" హ్మ్.. నాకు ఏమి అనిపిస్తాది అంటే ..ఆవు గేదె కన్నా తెలివైన జీవి కదా! అది కాకుండా చూడడానికి కూడా బాగుంటాది. మాంఛి మాంఛి కార్లు పెద్ద బాసులకి.. మిగిలినవి మిగిలిన వారికి.. సరెలే! ఏది ఏమైనా మనకి మేలు చేసె సాధు జంతువులు కాబట్టి.. వాటిని హింసించకూడదు అన్న మాట !"
" అంతే కాదురా.. పాలు ఇచ్చే జంతువులు ని చంపుకుంటారా ఎవరైనా? "
" అలా ఎవరు చేస్తారు లేరా? వట్టి పోయాకే కదా! కృతజ్ఞత వుండాలి అన్నది నిఝంగా గొప్ప విషయం.. జీవిత కాలం మనకి పాలిచ్చిన వాటి పట్ల .. నిఝంగా కృతజ్ఞత కలిగి వుండకపోతే... అంత కన్నా నికృష్టం వుండదు.. కానీ బాసు.. మనకి ఉపయోగపడే జీవుల పై మాత్రమేనా భూత దయ.. వాటికి మాత్రమే పవిత్రత ? పచ్చి స్వార్ధం కాదా? తల్లిలా పాలిచ్చేవి.. ఆవులు గేదెలు లాంటి గొడ్లు మాత్రమేనా ? ఇంకా క్షీరదాలు లేవు ? అంతెందుకు మేక పాలు ఇవ్వదా? ఆ పాలు మనుషులు వాడరా? అఫ్‌కోర్స్ ..కొంచెం తక్కువ అనుకో.. ఒహో..ఆ మాత్రం పాల కోసం దానికి కూడా పవిత్రత ఆపాదించెయ్యడం గిట్టుబాటు అవ్వదు కామోసు.. ఎంత బిజినెస్సు మైండురా బాబు నీది..( ర్ర్ర్ర్ర్ర్ర్ర్ర్ర్ర్ర్ర్ర్ర్ర్ర్... వాడిదా ? సారీ వాడిది కాదు ) ఆ లెక్కన చూస్తే .. పాడి పశువులే కాదు.. ఏ పెంపుడు జీవి మనిషికి మేలు కాకుండా కీడూ చేస్తాది ? మరి వాటి అన్నింటికి పవిత్రత ఆపాదించరాదా ? గుఱ్ఱం.. గాడిద.. మేక.. గొఱ్ఱె .. కోళ్లు .. ఏవి మనుషులకి మేలు కాకుండా.. కీడు చేస్తాయి రా? పవిత్ర జీవి.. పిండా కూడు అంటే.. నాకు అది సరైన లాజిక్ అనిపించడం లేదు "
" హహ్హహ్హహాహహ్హా .. " మళ్లీ వికట్టాహాసం..
" నేను ముందే చెప్పాను కదరా ! వీడి వాదనలో అసలు పసే లేదు.. ఏదన్నా తినొచ్చు.. అసలు ఆ పరలోక..( బ్లా..బ్లా. బ్లాబ్లా ) అన్ని తినొచ్చని .. అవన్ని అసలు మన కోసమే .. బిర్యానీలు గాను, కబాబ్‌లు గాను.. పంపిచాడు రా.. "
"........"
" ఒరెయ్ .. ఏమి మాట్లాడవు ఏమిటిరా ? "
"గ్ర్ర్ర్ర్ర్ర్ర్ర్ర్ర్....గ్ర్ర్ర్ర్ర్ర్ర్ర్ర్ర్ర్ర్ర్ర్ర్ర్..." సమాధి :)
" ఒరెయ్.. ఒర్రెయ్..."
హ్మ్.. వీడికి కూడా .. కొంత ఇవ్వాలి..
( కానీ నాకేమి తెలుసు... మాడు పగలబోయేది నాది అని. )
పిల్లకాకి మాడు పగిలిన విషయం పై తాజా వివరాల కోసం... చూస్తు వుండండి.. ఇదే బ్లాగు... ఇప్పుడు వాణిజ్య ప్రకటనలు...

మన దేశం లో ఇలా జరుగుతుందా?

2010-07-06T16:55:00.004+05:30

" ఇంత చలి లో వంటికి కరుచుకున్నట్టు ఆ టీషర్టులు వేసుకోవడం ఏమిటీ ? ఆరొగ్యం పాడయ్యిపోతుంది జాగ్రత్త ! " అంది వెండీ. ఆ అమ్మాయి మా ఇంటర్ప్రిటరు." మార్చి నెలలో మండే ఎండలు తప్పించుకుని ఇలా చలి కాచుకోవడం నాకు ప్రతి సంవత్సరం కుదరదులే! నన్ను ఈ చలిని ఆస్వాదించని ! " అంటూ నవ్వాను నేను. చైనా లో అది నా మొదటి రోజు. మొదటి విదేశీయానం. మొదటి విమాన ప్రయాణం. క్రాష్ లాండిగులాంటిది ఏమీ అవ్వకపోవడం వలనగాని, భయం వలనొ , కొత్త వలనొ మరీ ఎబ్బెట్టుగా ఏమి చెయ్యకపోవడం వలన గాని, ఆ ప్రయాణం గురించి చెప్పుకొవడానికి ఏమి లేదు. కానీ నాకేమి తెలుసు నేనెప్పటికి ఊహించని సంఘటన , నా ఆలోచనలు మారిపోయే సంఘటన ఒకటి అతి త్వరలో జరగబోతుంది అని.

నాతో పాటు మా సీనియర్ చక్రబర్తి అనే బెంగాలి ఆయన , రమేష్ అని ఒక కొలీగ్ కూడా వున్నారు.అసలు కధలో పిట్టకధలా, చక్రబర్తి గారు, తిండిబోతు. బెంగాలి కనుక చేపలు మరీ ఇష్టం. కానీ ఆయన ఫ్రెండు ఒకడు ఒకసారి చైనా వచ్చినప్పుడు, తెలియక పాము కూర తిన్నాడట! ఆ విషయం తెలిసిన తరువాత, ఆయనకి చెడ్డ భయం వేసి మంచాన పడ్డాడు. అది తెలిసాక , ఫ్లైటులో ఎక్కిన దగ్గర నుండి,ఏ తిండి పెట్టినా అది తయారు చేసిన పదార్ధం ఏమిటీ, దాని కులం ఏమిటీ గోత్రం ఏమిటీ, సదరు పాము జాతి తో బీరకాయ పీచు సంబంధం ఏమైనా వుందా అంటూ అందరిని విసిగించేవాడు.

ఇక మా రమేషు మాంఛి తాగుబోతు.కాకపోతె అందులో కూడా నియమ నిష్టలు వున్నవాడు. ఫ్రీ గా వస్తేనె తాగుతాడు. గురువారం, శనివారం ఫ్రీగా వచ్చినా తాగడు. బుధవారం రాత్రి గాని, శుక్రవారం రాత్రిగాని, మందు మొదలెడితే రాత్రి పన్నెండు దాటే లోగా ఎట్టి పరిస్థితిలోను ఖతం చెయ్యల్సిందే నట! " బాసు, బోలెడంత నష్టం జరిగిపోయింది బాసు " అన్నాడు. " ఏమి అయ్యింది ఏమిటీ ? " ఆశ్చర్యంగా అడిగా ! " ఒంట్లో బాలేదు అని ఎయిర్ హొస్టెస్ ని రమ్ము వుందా అని అడిగా ! రెడ్ వైన్ బుడ్డీ ఒకటి ఇచ్చింది. తాగాక బాగుంది అని మరొకటి అడిగి బాగులో పెట్టుకున్నా! కస్టంస్ ఎదవ సచ్చినోళ్లు లాగేసుకున్నారు బాసు " కష్ట పడి కొనుక్కున్నది ఏదొ దారి దొంగలు లాగేసుకున్నంత బాధ పడిపోతున్నాడు. " అవునులే , ఇలాంటి సినిమా కష్టాలు అన్ని తాగుబోతులుకి కాకపోతె , మడుసులకి వస్తాయా ? " అని నవ్వి కారెక్కాను.
అప్పటికే మా వైస్ ప్రెసిడెంట్ రాములు గారు , ఒక డజను సార్లు కంపెనీ పని మీద చైనా వచ్చి వున్నారు. ఆయన శుధ్ధ శాఖాహారి. ఇక్కడ ప్రతి వంట ఆనిమల్ ఆయిల్ తోనే చేస్తారు. అసలు ఆ వాసన కూడా భరించలేనంత ఇంపు గా వుంటుంది. పాపం ఆయన వున్నన్నాళ్లు జొన్న పొత్తులు, యోఘార్ట్ అనబడే పెరుగు లాంటి పదార్ధం, బ్రెడ్డులు, బన్నులు, దోసకాయ ముక్కలు, ఎగ్ ప్లాంట్ అని వంకాయ మాదిరి కాయగూర తిని బతికి బట్ట కట్టాడు. మేము ఇక్కడకి రాక మునుపే, తన డైరీలో ఆ పదార్ధాల చైనా పేరులు రాసి పెట్టుకున్న కాగితాన్ని, మూడు కాపీలు జిరాక్స్ తీయించి, " అక్కడ నుండి ప్రాణాలతో ఆరొగ్యం తో తిరిగి రావాలంటే ఎప్పుడు పాస్‌పోర్ట్ కూడా పెట్టుకున్నా పెట్టుకోకపోయినా పర్లేదు గాని, ఈ కాగితాలు ఎప్పుడు మీ తొనే వుంచుకోండి.. ఇవే మీకు శ్రీ రామరక్ష " అన్నారు.
చైనాలో దిగిన మరుసటి రోజు ఉదయం ... మా సామిరంగా! అక్కడ తినడానికి పెట్టినది ఏదొ , చూడడానికి పెట్టినది ఏదొ కూడా తెలీలేదు.అన్నీ పచ్చ పచ్చగా, పచ్చి పచ్చిగా, బాగా పిచ్చెక్కించేటట్టుగా వున్నాయి. పళ్ల ముక్కలు, బ్రెడ్డు ముక్కలు తిన్నాక గ్రీన్ టీ.. మన బామ్మల కషాయం వాటి ముందు అసలు పనికిరాదంటే నమ్మండి. అంతకు ముందు రాత్రి, మేము హోటలు చేరేటప్పటికి రాత్రి తొమ్మిది. తినడానికి ఏమీ లేదు.. సాయంత్రం ఆరింటికే అంతా తిని పూడుస్తారట అక్కడ ! వాళ్ల జిమ్మడ.. అంత కంగారు హేమిటో! అలా అప్పటికి రెండు పూటలు అర్ధాకలితో తెగ నీరసించిపోయాము. మా దుబాసీ ( అచ్చ తెలుగులో ఇంటెర్‌ప్రిటర్ ) మా రమేషుకి ఒంట్లో బాలేక పోతె డాక్టరు దగ్గరికి తీసుకుపోయె! మధ్యాహ్నం కూడా మా రాములు గారు ఇచ్చిన శ్రీ రామ రక్ష జిరాక్స్ కాపీ పట్టుకు పోయి రెస్టారెంట్ లో పోయి కుర్చున్నాము. ఆ ఐటములని ఏమంటారో మాకు అర్ధం అయ్యే భాషలో రాసుకున్నా .. వాటిని మేము పలికే తీరు... ఉచ్చారణ దోషం వలన మంత్రం తిరగ గొట్టినట్టు మా తలలు బొప్పి కట్టడం.. మా పొట్టలు అప్పటికే సొట్ట బడి వీపుకి అంటుకోవడం..నేనొక నిర్ణయానికి వచ్చేసా! బతికి ఉంటే తరువాత బిర్యానీ తినవచ్చు గాని , ఇప్పుడు మటుకు రుచిగా వుండే ఏ గడ్డి అన్నా తినెయ్యాలని .. దాని జాతి మతం పట్టించుకోకూడదు అని అభ్యుదయ భావాలు ఏర్పరుచుకున్నాను. ఫస్టాఫ్ రెస్ట్ తీసుకున్నాక మధ్యాహ్నం మా ఆఫీసుకి వెళితే.. మాకు సాయంత్రం విందట! డంఢఢక .. ఆహా.. డంఢఢఢక !!
మాతో పాటు ఆ చైనీయుల మంద , మా దుబాసీ కూడా వుంటది కాబట్టి.. ఆరు గంటల డిన్నరుకి రెండు నుండే లొట్టలు వెయ్యడం మొదలెట్టాము, కానీ నాకు తెలీదు లొట్టలు కాదు గుటకలు కూడా మింగుడు పడని సీను ఒకటి చూడబోతున్నానని. రెస్టారెంటుకి వెళ్లేటప్పటికి అక్కడా మా కోసం డైరెక్టరు, జాయింటు డైరెక్టరు .. ఇంకా ప్రొడక్షన్ ఇంచార్జ్, ప్రాజెక్ట్ ఇంచార్జ్ , మా దుబాసీ మరొక మనిషిని పోల్చుకోలేక పోయాను, వెయిటు చేస్తున్నారు.
అప్పటికే పొద్దున నుండి మాకు ఎలాంటి తిండీ ఇష్టం.. ఉప్పులు కారాలు, మసాలాలు లాంటి ఆరొగ్యకరమైన మా అలవాటులని వెండీ కి వివరిస్తూనే వున్నాము, అక్కడికి తిండానికి మాత్రమే వచ్చినట్టు తనకి అనిపిస్తే అనిపించి వుండవచ్చు గాక! మాకేమి లెక్క అనుకుని! మొత్తానికి ఆర్డర్ల మీద ఆర్డర్లు ఇస్తూనే వుంది, మా బోటి ముగ్గురం మూడు రోజులు తినదగ్గంతా వాళ్ల ఆరుగురు ఆర్డరు ఇచ్చుకున్నారు. అన్నీ అయ్యాక వెండీ మా బాసు చక్రబర్తిని తాగడానికి మేము ఏమైనా తీసుకుంటామా అని అడిగింది. ఆయన అసలే బెంగాలీ బ్రాహ్మడు, తాగుడు మాట వినగానే బుగ్గలు కదిలేటట్టు ముఖం అడ్డంగా ఊపుతూ, చేతులు గాలిలో ఊపుతూ , నొ న్నో ..న్నోన్నో..అంటూ తెగ ఇదయిపోయాడు. తన నోటి కాడ కూడు కొట్టేసినట్టు , " సారు ఏమిటి సారు మమ్మలని ( అవసరానికి నన్ను కూడా కలిపేసుకుంటూ, ) కనీసం అడగకుండా అలా స్టేట్‌మెంట్లు ఇచ్చేస్తారు ? " అంటూ వెదవ నవ్వు మొదలెట్టాడు మా రమేషు! " ఒరెయ్ నీ జిమ్మడ నన్నెందుకురా నీ తో కలుపుతావు ? " అని నేను , హేమిటీ నా లాంటి పెద్ద వాడి ముందు కూడా వీళ్లు తాగేస్తారా అని ఖిన్నుడయి, మా చక్రబర్తి భలే ఎక్స్‌ప్రెషన్ పెట్టుకుని చూస్తున్నాడు.
" ఒరెయ్ నువ్వు తాగక పోతే నేనొక్కడినే తాగుబోతులా కనిపిస్తానురా " " ఇది మరీ బాగుంది, తాగుబోతువి , తాగుబోతులా కాకపోతే దున్న బోతులా కనిపిస్తావా ఏమిటీ ? " అన్నాను." సరెలే వీళ్లు ఎలాగు తాగుతారుగా నీకు తోడు, మరీ అంత బాధ పడిపోకు " అని అభయం కూడా ఇచ్చాను. ఇంతలో ఫు-యూన్ ( వెయిటరెస్ అన్న మాట ) వస్తే " హ్మ్.. ఏమి తాగుతారు మీరు, ఎంత ఆల్కహాల్ డిగ్రీ మీకు ఒకే ? " అని వెండీ అడిగింది. దొంగ సారాయి తాగే ఆడి మొహానికి ఏమి అర్ధం కాలేదు. " అబ్బే నాకు ఏదన్నా పరవాలేదు, మీరు ఏమి తీసుకుంటారో నాకు అదే చెప్పండి " అన్నాడు. " అయ్యో..నేనేమీ తీసుకోనండి, డ్రైవు చెయ్యాలి కదా " అంది వెండీ. " మరీ మిస్టర్ వూ ? " " మరి ఈవిడ ?" అంటూ అందరిని అడుగుతుంటే అందరు స్టీరింగు ముందు కుర్చున్నట్టు చేతులు ఊపుతూ, సైగ చేసారు. ఆఖరికి నేను సరిగా పోల్చుకోలేక పోయిన అతని గురించి అడిగితే.. " హెయ్ .. తను మన డ్రైవరు , మిమ్మలని హోటలు తీసుకు వెళ్లాలి కదా! అతడు ఎలా తాగుతాడు ? " అని ఎదురు ప్రశ్నించింది తను. "హేమిఠీ ? అతను డ్రైవరా ? " అని ఆశ్చర్యపోయాము మేము గుటకలు మింగుతూ..
ఒక మనిషిని అతడి ఆర్ధిక పరిస్థితి, సామాజిక స్థితిని బట్టి వేరు , వేరు చూపులతో చూసే దేశం లో పుట్టి, ఒక మామూలు డ్రైవరు, ఒక కంపెనీ డైరెక్టరు, జాయింటు డైరెక్టరుల సరసన , అదే టేబులు మీద భోజనం చెయ్యడం నేను ఎప్పుడూ ఊహించుకోలేనిది! సాటి మనిషిలో దేముడిని చూడమనే చెప్పే సంస్కృతిలో , నీతులు చెప్పడానికి మాత్రమేనని, ఆచరించడానికి కాదని, ప్రతి రాతిలోను దేముడిని చూసె గొప్ప వారు, సాటి మనిషిని మటుకు కనీసం తమ సమ స్థాయి మనిషి కాదన్నట్టు చూడడం సహజం అనుకునే నాకు అది ఒక షాక్! నా కంటే పై స్థాయి వారు నా పట్ల వివక్ష చూపిస్తే కుంగిపోయిన నేను, నా కంటే తక్కువ స్థాయిలో వున్న వారిని చిన్న చూపు చూసిన క్షణాలు గుర్తుకు వచ్చి నాకు సిగ్గు కలిగించాయి. ఆ రోజు అక్కడ జరిగిన ఒక మామూలు సంఘటన , మన దేశంలో మామొలు సంఘటన గా ఎప్పుడు చూస్తారో! అసలు అలాంటి సంఘటనలు ఎప్పటికి అయినా మన దేశంలో జరుగుతాయా ?

పిల్లకాకి ఇక బ్లాగరులో ( కూడా) !

2010-07-04T11:53:00.000+05:30

చాలా కాలం క్రిందటే బ్లాగరులో బ్లాగు మొదలు పెట్టినా నా మొదటి టపా ప్రచురించినది వర్డ్ ప్రెస్సు లో. వర్డు ప్రెస్సు సౌకర్యంగానే వున్నా, బ్లాగరులో ఇంకెంత బాగుంటుందో తెలియదు కదా! చాలా తెలుగు బ్లాగులు కూడా బ్లాగరులోనే కనబడతాయి. ఆ మధ్య కాలం లో చాలా మంది బ్లాగరు నుండి వర్డు ప్రెస్సుకి మారారు కూడా! వారిలో తెలుగోడు అబ్రకదబ్ర గారు కూడా వున్నారు. కానీ బహుశా వర్డు ప్రెస్సు నుండి, బ్లాగరుకి తరలి వస్తుంది నేనేనా ? బ్లాగరులో టెంప్లేటులు చాలా బాగుంటాయి. ఇది ఒక కారణం. ఇంకా ఏమేమి బాగుంటాయో చూడాలి. కొన్నాళ్లు చూసాక బ్లాగరులోనే కొనసాగడమా లేక, వర్డు ప్రెస్సులోనా అన్నది తెలుస్తుంది. అన్నట్టు, నా పాత పోస్టులని ఇక్కడ బ్లాగరులో ఆర్చివ్ లో పెట్టడం కుదరదా ? తిరిగి వాటిని కొత్త తారీఖులతో ప్రచురించవలసిందేనా ? మీరెవరైనా ఈ విషయంలో సహాయం చేస్తె కృతజ్ఞుడిని.

వద్దు.. వద్దు.. నాకు అసలే వద్దు...

2010-06-30T17:35:00.000+05:30

వద్దు .. వద్దు.. వద్దు..

ఎప్పటిలాగె ఎల్లకాలం వద్దు..

మొన్నటి కన్నా నిన్న బాగుండక పోను,

నిన్నటి కన్నా నేడు బాగుండనూ ,

కానీ నేటిలా రేపు వద్దు.

నేటి మొహమెత్తేసె సుఖం అలవాటు అవ్వద్దు..

మొన్నటి గుండెలు పిండె దుఖం అలవాటవ్వద్దు.

ఎప్పటిలాగె ఎల్లకాలం వద్దు..

మొహమాట పెట్టే మంచి వద్దు..

తలకెక్కేసె చెడు వద్దు..

ఎప్పటిలాగే ఏది వద్దు.

కొండలలో కోనలలో అలాగే వుండొద్దు..

చెట్టులలో పుట్టలలో ఇలాగే వద్దు..

ఎడారి చెమటలు ..

సముద్రపు కెరటాలు..

ఎప్పటిలాగె ఎల్లప్పుడు వద్దు..

ఎప్పుడు ఒకలాగే వద్దు..

ఎప్పుడు ఇక్కడనే వుండొద్దు..

ఎప్పటిలాగే నేను నాకు వద్దు..

ఇంకెప్పటికి నువ్విలాగే వుండొద్దు..

కోపం అదుపులో పెట్టుకోవడానికి చిట్కాలు...

2010-06-25T18:27:00.000+05:30

నేను మీకు చెబుతానని మీరు ఇది చదవడం మొదలు పెట్టారు అంటే... మీకు బొత్తిగా బ్లాగ్లోకపు జ్ఞానం లేనట్టే! ఆ చిట్కాలు అవసరం నాకు వున్నంతగా బహుశా ఇంకెవరికి వుండదేమో! అంత కోపం నాకు. ఆ కోపం వలన ఎదుటి వారికి ఇబ్బంది వుండవచ్చు గాక! కానీ ఎక్కువ నష్టపోయెది నేనె! అసలు బ్లాగింగ్ చేసెది ఎందుకు ? కాలక్షేపానికి కొంతమంది, తమ రచనా పాటవాన్ని ప్రదర్శించడానికి కొంతమంది , సినిమాలకి రాయడంకి ప్రాక్టీసు చేసెవారు కొంతమంది , తమ భావజాలాన్ని నలుగురికి చెప్పడానికి కొంతమంది , పై కారణాలు ఏవీ కాకపోయినా కేవలం పాపులారిటీ కోసం కొంతమంది. పాపులారిటీ కోసం రాసె వారి పై నాకేదొ ద్వేషం వుంది అనుకునేరు. వారు పాపులర్ అయ్యిపోతున్నందుకు , నేను పాపులర్ కానందుకు కలిగిన అసూయ నాకైతే లేదు. అది కూడా ఒక కళే ! ఎవరి కారణాలు వారికి వుండవచ్చు. ఎదుటి వారికి ఇబ్బంది కలిగించనంతవరకు తప్పు లేదు. మరి నేనెందుకు బ్లాగు రాస్తున్నా ?

నేనొక అజ్ఞానిని . నా అజ్ఞానం అందరితో పంచుకోలేను. జ్ఞానం అంటే మాక్కావాలి, మాక్కావాలి అని అందరు ఎగబడతారు గాని, అజ్ఞానం ఎవరికి కావాలి బోడి ? అందుకని అజ్ఞానం పంచుకోలేకపోతున్నాను. కానీ నా అజ్ఞానం బయట పెట్టుకోగలను కదా. అప్పుడు ఎవరి దగ్గరన్నా కొంచెం జ్ఞానం వుంటే అది నాకు ఇస్తారని ఆశ ! అలాగే నేనొక అనుమానపు పక్షిని. ఆ అనుమానాలు తీర్చుకోవడానికి , అజ్ఞానం బయట పెట్టుకోవడానికి మరొ పక్షి రూపం " పిల్లకాకి " అవతారం ఎత్తాను అన్నమాట ! కానీ నా ఈ అవతారంలో ఒక పెద్ద ఇబ్బంది నా కోపం. నా అనుమానాలు, అభిప్రాయాలు ప్రకటించేటఫ్ఫుడు.. ఎవరన్నా ఒక మాట నన్ను అంటే ఎక్కడలేని కోపం వచ్చేస్తుంది. నాకు కోపం వస్తుందా అని ఆశ్చర్యపోయె అమాయకులు కూడా వున్నారండొయి. నమ్మరా... ఇది చూడండి.

ఇలాగె చాలా మంది నన్ను చూసి శాంతమూర్తి అనుకుంటారు. అదేమి వింతొ :-) కోపం మానవ స్వభావం. దానికి ఎవరు అతీతులు కాదు. ఎంత సాధు పుంగవులు అయినా కోపాన్ని అదుపులో పెట్టుకోగలరు మాత్రమే కానీ పూర్తిగా త్యజించలేరు. ఎంతొ కొంత పరిమాణంలో అది అందరిలోను వుంటుంది. మనం ఎంతగా అదుపులో పెట్టుకుందామనుకున్నా , మన మనసు పొరలులో తొక్కివేయబడ్డ కోపం హద్దులు తెంపుకుని బయటకి ఎప్పుడో అప్పుడు వస్తుంది.దానిని నియంత్రించుకునే అదుపు మనకి వుండాలి. ఎక్కువగా శాంతంగా వుండే వారు , అంటే కోపం తెచ్చుకోవలసిన పరిస్థితులలో కూడా శాంతం ప్రదర్శించేవారు, తమ ఆరొగ్యాలని తామే పాడు చేసుకుంటారు. ఏదొ ఒక రూపంలో ఆ కోపాన్ని బయట పెట్టాలి. ఒక పాజిటివ్ ఎనర్జీగా దానిని ఉపయొగించగలిగితే చాలా మంచిది. బహుశా వయసుతో కూడా ఆ నియంత్రణ వస్తుంది కామోసు. ప్రయత్నం తో ఎవరైనా సాధించవచ్చు అనుకుంటాను.

నేను కూడా శాంతం నటించి , కోపాన్ని తొక్కి పెడదామని ప్రయత్నించేవాడినే ! కానీ అది కరెక్ట్ కాదు. ఎప్పుడో ఒకప్పుడు ఆ కోపం హద్దులు దాటి చెరుపు చేస్తుంది. ఇంట్లో పెళ్లాం తిడితే స్కూలుకి వచ్చి పిల్లలని చితక్కొట్టేవారు, ఆఫీసులో సబార్డినేట్స్‌ని చీల్చి చెండాడేవారు నా కోవలోకే వస్తారు. ఇంటావిడ మా అయనకి అసలు కోపం అంటే తెలీదు అనుకున్నట్టె నా దగ్గరి వారు నా గురించి శాంతమూర్తిని అనుకుంటారు. కానీ నా అభిప్రాయాలు అనుమానాలు ఇంకా నా అజ్ఞానం బయట పెట్టుకునే దగ్గర ఎవరన్నా నన్ను ఏమి అన్నా అన్నారు అనుకోండి, అక్కడ కోపం వచ్చి నేను అదుపు తప్పితే నాకే నష్టం. ఉదాహరణకి మీ వాదనలో బలం వుంది , కానీ ఎదుటివారు సభ్యతగా వాదించలేక మిమ్మలని దివాలాకోరు అన్నా , వెటకారం చేసినా అది మిమ్మలని కోపం తెప్పించి వాదన పక్క దారి పట్టించడానికే! అప్పుడు మీరు వారు అనుకున్నట్టు అదుపు తప్పే కోపానికి గురి అయితే వాళ్ల లక్ష్యం నెరవేరుతుంది. మీ వాదన మరుగున పడుతుంది. కాబట్టి అప్పుడు కోపం వచ్చిన ఊరుకోవడం ఉత్తమం. ఆలోచించుకుని సమాధానం చెప్పడమొ , వ్యూహత్మక మౌనం పాటించడమో చెయ్యాలి.

ఇక మీదట బ్లాగ్లోకం లో నా కోపం అదుపులో పెట్టుకోవడానికి క్రింద సూచనలు పాటించాలి అనుకుంటున్నాను. ఇవి కాకుండా ఏమన్నా మీకు తోచితే నాకు చెప్పరూ ప్లీజు...

1) నా బ్లాగులో అందరికి భావ వ్యక్తీకరణ అవకాశం ఇద్దామనుకున్నా దానిని కొద్దిమంది దుర్వినియోగపరిచే అవకాశం వుంది కనుక కామెంటు మోడరేషన్ పెడదాము అని అనుకుంటున్నాను.

2) నా బ్లాగులో గాని, వేరె బ్లాగులలో కానీ చర్చ రచ్చ అయ్యే సంధర్భంలో వ్యూహాత్మక మౌనం పాటిస్తాను.

3) వేరె బ్లాగులలొ బ్లాగు ఓనరు తో తప్ప పక్క వాఖ్యాతలతో వాదం పెట్టుకోను ( వారే వాదానకి లాగినా.. ఎందుకంటే నా బ్లాగులో మీ పెంట ఏమిటి అని బ్లాగు ఓనరు అనుకోకూడదు కదా! )

4) రోజుకి కేవలం ఒక బ్లాగులో ఒకటి రెండు కామెంట్లు మాత్రమే పెడతాను. ( అవి ఎంత పెద్దవి అయినా సరె ! ) ఎందుకంటె ఎవరన్నా అవాకులు చెవాకులు వాగినా మరుసటి రోజుకి ఆ కోపం చల్లారి పోతుంది అని ఆశ !

5) రోజుకి కేవలం ఒక గంట మాత్రమే బ్లాగింగుకి వెచ్చిస్తాను.

హమ్మయ్యా! మరి ఇక బ్లాగులలొ సునామీలు , కామెంట్ల వర్షాలు [ ఎవరొ ఎక్కడొ అన్నారు , ఇంత వరకు ఒకరిని గోకితే కామెంట్ల వర్షం పడేది అంటా, ఇప్పుడు నన్ను గోకితే ఆ వర్షాలు పడుతునాయి అంటా :-) ] పడవని ఎవరన్నా బాధపడితే సారీ :-)

శ్రావ్యగారు , కెబ్లాసలు నాది తప్పే !!!

2010-06-11T17:11:00.000+05:30

శ్రావ్యగారు, నిజంగానే నేను చేసినది తప్పు అని ఒప్పుకుంటున్నాను. ఇందులో శ్లేష ...శ్లేష ఏమి లేదు లెండి. హద్దులు దాటిన కోపంలో , విచక్షణ కోల్పోయి నేను మిమ్మలని అనకూడని మాటలు అన్నాను. ఈ విషయంలో మిమ్మలని క్షమాపణ అడుగుతున్నాను. కోపం నా బలహీనత. దానిని అదుపులో పెట్టుకోవడానికి తీవ్రంగా ప్రయత్నిస్తున్నాను. ఇప్పటికి వరకు సఫలం కాలేదు. కానీ ఇందులో మీ తప్పు ఏమి లేదా? నేను మిమ్మలని అకారణంగానే ఆ మాటలు అన్నానా?

తి.తి.దే వారి ఆలోచనలో నాకు ద్వంద ప్రవృత్తి కనిపించింది. ఆ విషయమే నేను చెప్పాను. కానీ మీరు నా వాదనలో తప్పు ఏమిటో చెప్పకుండా మతాన్ని గాని దేముడిని గాని పట్టించుకోని నాకు ఆ విషయం పట్టించుకోనక్కరలేదు అన్నారు. అది ఉచిత సలహా కాదా??? నేను ఏమి చెయ్యాలో చెయ్యకూడదో మీరు నాకు చెప్పల్సిన అవసరం వుందా??? ఇది మీ తప్పు కాదా?

దానికి ప్రతి గా నా తత్వం ఏమిటో మీకు చెప్పాను. మనుషులని జాతి, మతాలకి అతీతంగా ( ప్రజాతి లేదా స్త్రీ పురుష లింగానికి అతీతంగా కూడా..) సమానంగా చూడడం నా లక్షణం అని, నాకు మంచి అనిపించింది మెచ్చుకోవడం.. చెడుని ఎత్తి చూపడం ..ఇది నా తత్వం. మరి మీకు ఇందులో ప్రత్యేకంగా నేను ఇచ్చిన ఉచిత సలహా ఏమిటీ??? ఇది మీ అవగాహనలో జరిగిన పొరపాటు కాదా ???

నా వాదనని తప్పు అని మీరు చెప్పలేక... ఆ నిజాన్ని ఒప్పుకోను లేక.. చేసిన పని ఏమిటీ ? మృధు స్వభావులైన హిందువులని కాదు విమర్శించడం .. దమ్ముంటే మత మౌఢ్యంలో మీ కంటే రెండాకులు ఎక్కువ చదివిన ముస్లిముల బురఖా విధానంని పాత బస్తీకి వెళ్లి విమర్శించండి అని ఉచిత సలహ ఇచ్చారు. వారు నాకు గట్టిగా బుధ్ధి చెబుతారు అని మీ ఉద్దేశ్యం. ఇది వెటకారమా లేక పొరపాటా అని, వెటకారం అయితే మన మధ్య అంత పరిచయం కాని చనువుగాని లేదు, నాకు ఇది నచ్చలేదు అని నేను చెబితే మీరు ఇచ్చిన సమాధానం ఏమిటీ ??? పరిచయం అయితే లేదు, కానీ ఇది వెటకారమే అని అనడం.. నేనెదొ మీకు ఉచిత సలహా ఇచ్చానని పొరబడి... ఇది ఎంత అసంబధ్ధంగా వుంది ??? మీ తప్పు లేదా ఇందులో ???

నాకు కెలకడం అలవాటు లేదు అండి. అసలు కెలకడం కి మీరు మీ కెబ్లాసలు ఇచ్చుకునే నిర్వచనం నాకు తెలియదు. మతం పై నా వ్యక్తిగత అభిప్రాయాలు, నేను పుట్టి పెరిగిన సామాజిక పరిస్థితులు , నేను కలిసిన మహానుభావుల ప్రభావం , నేను చదివిన పుస్తకాలు , నా ఆలోచనా దృక్పధం వలన ఏర్పడినవి. మీరు గాని , మతాన్ని అనుసరించే వారు గాని , వారి మతాన్ని , వారి దేముడిని గొప్పగా చెప్పుకుంటు , రాసిన టపాలు చాలానే చదివాను..ఉదాహరణకి మా మిత్రులు శ్రీ వాసుకి గారు ఒక దేవాలయం గురించి రాసిన టపా ( అక్కడ దేవ విగ్రహం మనం ఎంత ఎత్తులో వుంటే అంతే ఎత్తులో కనిపిస్తుంది అని, చాలా మహిమ గల వారు అని ) చదివాను. కానీ అది ఆయన వ్యక్తిగత అభిప్రాయం.. దానిని నేను గౌరవిస్తాను. ఎలాంటి విమర్శ చెయ్యలేదు. సరే ఆయన నా మిత్రులు కనుక నేను అలా చేసాను అనుకుంటున్నారు కదా! నాతో మత విషయంలో భరద్వాజ చర్చిస్తున్నప్పుడు.. హిందు మత నిర్దేశాలు అయిన వేదాలు అందరికి అందుబాటులో లేకపోవడం గాని , వాటిని చదివి అందరు అర్ధం చేసుకోలెనంత క్లిష్టత ( అవి చదవాలంటే అర్ధం చేసుకునే అర్హత కావాలని అతడే చెప్పాడు ) ని, వాటిని చదివినా కుల వ్యవస్థ అనే జాడ్యం ( దీనికి వేదాలు కారణం అని నేను అనలేదు...) ఏర్పడుతుంటే ఉపేక్షించిన ఆ వర్గాలకి ఆ వేదాలు చదవడం వలన కలిగిన విజ్ఞతని ప్రశ్నిస్తే... అకారణంగా నన్ను కులగజ్జి అని ( ఇప్పటికి మీ అందరికి నాది కులగజ్జి అని నిరూపించలేరు అని, నాకు అలాంటి లక్షణాలు లేవని చెబుతున్నాను ) దూషించిన అతడు నాకు మిత్రుడు కాదు కదా !!! ఆయన వేదాలలో ఈశ్వరోపనిషత్తు పై తన వాఖ్యానం రాస్తే... నేనెమీ అకారణ విమర్శ చెయ్యలేదు. అతడి ప్రయత్నం మెచ్చుకుంటూ , గూఢార్ధాలు తీసె పనిలో మనం వాటిని రాసిన వారి అసలు అర్ధాలు మార్చెయ్యడం లేదు కదా అన్నాను. అతడు కూడా అసలు ఉద్దేశ్యాలుని ఇప్పుడు నిరూపించడం కష్టం అని అన్నాడు. నేను అక్కడ కూడా కువిమర్శ చెయ్యలేదు. సింపుల్గా చెప్పాలంటే నాకు ఎవరిని అకారణంగా ఒక మాట అనడం అలవాటు లేదు.

అప్పుడు మలక్ ని తిట్టినా.. ఇప్పుడు మిమ్మలని ఒక మాట { ఒక మాటా? చాలానే అవాకులు చెవాకులు అన్నానులెండి:-( } అన్నా నన్ను అకారణంగా కుల గజ్జి అన్నందుకు... అకారణంగానే వెటకారం ఆడినందుకు.. కోపం వచ్చి విచక్షణ కోల్పోయి.. అలా అన్నాను. అంతే గాని, మీ వ్యక్తిగత అభిప్రాయాలని... నా వ్యక్తిగత అభిప్రాయాలకి వ్యతిరేకం అని పని కట్టుకుని ఒక్క మాట కూడా అనలేదు. అంటే కెలకలేదు.. నేను మీ విషయం లో తప్పు చేసినా అది మీరు నా పట్ల తప్పుగా వెటకారం ఆడినందుకు ప్రతీకార ధోరణిలో అన్నదే ! కానీ నాకు కెలుకుడు కి ప్రతి కెలుకుడు రాదు అని అనిపిస్తుంది. నాకు కోపం వచ్చినట్టు మలక్కి కోపం రావాలని చేసిన నా ప్రయత్నం కొంత వరకు సఫలం అయ్యింది.. { అతడు ఒప్పుకున్నా ఒప్పుకోకపోయినా ... :-) } కానీ మీరు నేను అన్నదానికి కోపం తెచ్చుకున్నది తక్కువ.. బాధ పడింది ఎక్కువ అనిపించింది. అందుకు నా క్షమాపణలు. అప్పుడు కూడా నేను చేస్తుంది తప్పు అని అన్నాను.. నా తప్పు ఒప్పుకునే లక్షణం నాకు వుంది. మీరు సింగపూరులో కదా వుండేది. if some body says that they are upset with your words.. won't you say " i am sorry" ? won't you admit your mistake ? మరి మీరు అన్నది నాకు నచ్చలేదని చెప్పినా పొరబాటు అని ఒప్పుకునే సంస్కారం మీకు లేదా ??? బహుశా మీరు నా కన్నా ఎక్కువ చదువుకున్నారు, నా కన్న మంచి సామాజిక పరిస్థితులలో పెరిగారు.. మరి ఏమిటిది ??? అప్పుడు మీరు పొరబాటున అన్నారంటే ఈ గొడవ లేక పోదును కదా !

కెబ్లాసలు.... మీకు ఈ ప్రశ్నలు....

1 ) ఎవరొ.. సభ్యతగా చర్చించలేక కుల ప్రసక్తి తెచ్చి దృష్టి మరలుస్తారు అని.. విషయ ప్రధానమైన సభ్యత కూడిన చర్చ ఆయన చెయ్యలేరు అని విమర్శిస్తున్నారు కదా... మరి హిందూ మతం లో వేదాలు కొద్ది మందికే అందుబాటులో వుండడం గురించి... ఆ వేదాలు చదివిన వారు కూడా కుల వ్యవస్థని నిరోధించని విషయంలో ఆ వేదాల ఉపయోగత గురించి ప్రశ్నిస్తూ.. వాటిని చదివే అర్హత కలవారు పుట్టుకతో ఎలా నిర్ణయింప బడతారు అని అంటూ బ్రాహ్మ... ( ఇంకా మాట కూడా పూర్తి చెయ్యలేదు.. అంటే నా వాదన పూర్తి చెయ్యలేదు అని..శ్లేష..) అనగానే .. ఆహ కుల గజ్జి బయట పెట్టుకున్నారు.. తేనె పూసిన కత్తి... పిల్ల కాకి రూపం లో వున్న రాబందు.. అంటూ మీ ( అవును .. అతడు కెబ్లాస అట కదా...) మలక్ అకారణంగా నన్ను దూషిస్తే.. అది సభ్యతా??? చర్చ పక్క దారి పట్టించడం కాదా??? అతడి తప్పు కాదా??? అతడిని మీరు నీది తప్పు అని అనలేరా?? మీ మతాన్ని దూషించే వారిలోనె మీకు మత విషయం అయ్యి తప్పులు కనబడతాయా ? ఈ విషయంలో ఆయన తప్పుని మీరు ఎవరైనా ఎత్తి చూపారా? కేవలం మతం కి అటువైపు వున్న వారి తప్పులే మీకు కనబడతాయా ? ఇది ద్వంద ప్రవృత్తి కాదా?

2 ) మీ మతాన్ని అకారణంగా ఎవరొ ఏదొ అంటే.. వారిని ఎక్కడ పడితే అక్కడ అపహాస్యం చేస్తారు కదా... మళ్లీ... మీ పట్ల తప్పు చెసిన వారికి ప్రతిదాడి చేసె హక్కు మీకు వుంది అంటారు కదా..వారి తప్పుకి వారి జన్మతః జాతి ఒక సాకుగా చూపి అట్రాసిటీ కేసు వేస్తాను అంటే... అది తప్పు అంటారు కదా... మరి స్త్రీ అని ఒక సాకు చూపి... చేసిన తప్పుని కప్పి పుచ్చే వారు, సానుభూతి కి ప్రయత్నించేవారిది తప్పు కాదా ??? దానిని మీరు విమర్శించరా ???

3) భారత దేశం లో దశాబ్దాలు వుండి.. అమెరికా లోను వుండి.. నాణానికి రెండు వైపులు చూసిన కారణంగా కొందరి వాదనకి విశ్వసనీయత ( ఇది సరి అయిన పదం కాదు అనుకుంటా.. అదేదొ గుర్తుకు రావడం లేదు...) వచ్చినట్టు అయితే... మతం లో వుండి.. మతం బయట కూడా వుండి నాణానికి రెండు వైపులా చూసిన నా వాదన మీకు మతం పై అకారణ ద్వేషం అని ఎందుకు అనిపిస్తుంది... నేను మతం తప్పు అంటే అన్ని మతాలని కలిపే అన్నాను. ఇంకా చెప్పలంటే.. కొంత మంది అజ్ఞాతలు ముసుగు చాటున చేసె అసహ్యమైన వాదనలు హిందూ మతం మిగిలిన మతాల కంటే మెరుగు అన్న నా పూర్వ భిప్రాయం మారిపోవడం తప్పు కాదేమొ??? ముస్లిముల బురఖా పద్ధతి పైన.. కుటుంబ నియంత్రణ పై విముఖత పైనా...పర మత ( కాఫిర్లని) దేషం స్త్రీ కి విడాకుల విషయంలో వున్న వివక్షని విమర్శించి వున్నాను. అలాగే క్రైస్తవం లో సైన్సు వ్యతిరేకత.. మానవ జన్మ పాప భూయిష్టం .. మీ మతం తప్పు.. పాపం నుండి బయట పడాలి అంటే మా మతానికి వచ్చెయ్యండి అనడం తప్పు అని నా ముందటి టపాలో చెప్పి వున్నాను. వీటి కంటె తక్కువ తప్పులు వున్న కారణంగా హిందూ మతం గొప్పది అయ్యిపోదు. మరి నా అభిప్రాయాలని వెటకారం.. అసత్య ఆరోపణలతోని... నొక్కి పెడదామని మీ ప్రయత్నం సరి అయినదేనా ??? నేను నాకు తప్పు అనిపించినది ( కనీసం నా బ్లాగులో అయినా ...) చెప్పుకునే హక్కులని.. మీ కెలుకుడు తో ఆపాలని చూడడం కరెక్టేనా ???

ఇది మీకు భయపడో ... బాధ పడొ చెబుతున్నది కాదు. నా తప్పులు ఒప్పుకుంటూ మీ తప్పులు చూపడం... అసభ్యతకి పోకుండా.. అబధ్ధపు ఆరోపణలు చెయ్యకుండా మీకు చర్చించగలిగే ధైర్యం చూపగలరా ? కనీసం నా తప్పుని నేను ఒప్పుకున్నట్టు.. మీ తప్పుని ఒప్పుకునేటంత ధైర్యం మీకు వుందా ?

ఔనౌను ... పేరులో 'నేముంది???

2010-06-06T20:02:00.000+05:30

చాలా రోజుల తరువాత బాగా నవ్వించిన టపా 4E గారి పేరులోనేముంది? నవ్వాపుకోలేకపోయాను. అయితే ద్రోణాచార్య గారు, ఈ బాధ అందరికి వుంటుందేమొ అసలు! చాలామందికి తమ పేరులు నచ్చవు. కొద్దిమందికి మాంఛి మోడ్రన్ పేరులు కుదురుతాయి, కానీ ఆ పేరుకి మనం పాతబడి పోయి ( అంటే మనం ముసలాళ్లు అయిపోయినట్టు మన పేరులు ముసలవి అవ్వవు కదా ) ఎబ్బెట్టుగా తయారు కావచ్చు. ఏంటిరా ముసలాడికి ఈ పేరు , పేరు చూసి బాలా కుమారుడు అనుకున్నారా అంటూ వెక్కిరింతలు...సరె మరి కొంతమందికి ముసలికాలం లో ఈ ఇబ్బంది పడకుండా పుట్టినప్పుడే మాంఛి ముసలి పేరు పెడతారు. గొప్పగా చావడానికి బీదగా బ్రతకనిచ్చే జీవిత భీమాలలా ఇవి కూడా పేరు పట్టింపు వుండే కాలం లో అక్కరకి రాకుండా , ఆ అక్కర వచ్చినప్పుడు పట్టింపు లేకుండా అటు ఫలం దక్కక ఇటు వ్రతం చెడ్డ రీతిన వుంటాయి. కొద్దిమంది అదృష్ట వంతులు అసలు పేరుతో ఇంత ఇబ్బంది పడరు, అయితే మటుకు వాళ్లు మటుకు సుఖ పడిపోతారు అనుకున్నారా? వారిని ఏడిపించడానికి అవి అసలు పేరులు కావచ్చు, ఇంటిలో వారు పిలిచే ముద్దు పేరులు కావచ్చు, లేక మన తోటి కేతిగాళ్లు ఏడిపించే పేరులు కావచ్చు తయారుగా వుంటాయి. కాబట్టి ఈ విషయంలో మీతో పాటు, నా తో పాటు సింపతీ చూపేందుకు చాలామందే వుంటారు లెండి. నా తో పాటు అంటే అర్ధం కాలేదా? నేను కూడా మీ లాంటి పేరు బాధితుడినే లెండి.

నా పేరుకొచ్చిన సినిమా కష్టాల జాబితా చాలా పెద్దది. నేను పుట్టక ముందే మొదలయ్యింది ముసళ్ల పండగ :-) . మా కుటుంబం లో ఆఖరి మగ నలుసు కావడం నేను చేసుకున్న పాపం. మా పెదనాన్నలు ఎవరూ వాళ్ల మగపిల్లలకి మా తాతగారి పెట్టుకోకపోవడం నాకు మూఢింది. మా తాతగారికి అట్టాంటి ఇట్టంటి పేరు వుండనేలా? వుండింది ఫో! అది నా కోసమే రిజర్వ్ చేయబడనేలా? చెయ్యబడింది ఫో! మా తల్లిదండ్రులు దానికి కట్టుబడనేలా? నాకిలా మూఢడం ఏలా? అంతా మన ఖర్మ :-( ఇంతకీ మనకి ప్రాప్తించిన నామధేయం ఏమనగా....టట్టడొయీ.."కృష్ణమూర్తి" పుట్టినప్పుడు మనకేమి తెలుస్తాది ఈ పేరు తో పుర ప్రజలు మనలని ఎలా ఆడుకుంటారో?? గమ్మున ఊరుకున్నాను. ( ఊరుకోక అప్పుడు మటుకు చేసెదేమి లేదు కదా ) నెమ్మదిగా స్లో మోషన్లో పెద్దవ్వసాగాను. నా తో పాటె నా కష్టాలు పెద్దవయ్యాయి. చింకి లాగులు వేసుకుని చీమిడి ముక్కుతో ఆడుకునే రోజులలోనె పరిచయం వున్న ప్రతి దారిని పోయె దానయ్యా.." ఏరా బాబూ నీ పేరెంటిరా ? " అని అడగడం... ముద్దు ముద్దుగా నేను కిత్నమూతి అనడం...... భళ్లున అద్దం పగిలినట్టు నేను జడుసుకునేటట్టు "హహహ్హాహ్హా ఏంటి కుక్కమూతా? " అంటూ నన్ను ఆటపట్టించేవారు :-( ఏమి చేస్తాను, ఆహ అసలు ఏమి చెయ్యగలను చెప్పండి, బుంగ మూతి పెట్టుకుని ఇంటికి పరిగెట్టడం తప్ప ? ఈ నా సినిమా కష్టాలు మా ఇంటివారు కి తెలిసి సరెలే పిల్లాడు తెగ ఇదయిపోతున్నాడు అని పేరు మార్చేసారు అప్పటి మన గవర్నర్ పేరు కృష్ణకాంత్ అని . హమ్మయ్యా అనుకున్నా నా కష్టాలు ఇక తీరిపోయాయని. నాకేమి తెలుసు అభీ పిక్చర్ బాకీ హై దోస్తు అని???

ఆ పేరు ఎక్కువ రోజులు అచ్చి రాలేదు. అసలు పేరు వదిలేసి ఏయ్ కాంతూ , ఓయ్ కాంతూ , ఎహెయ్య్ కాంతంగా అని మళీ ఏడిపింపులు స్కూలులో బుడంకాయలు. అయినా ఎక్కువ కాలం ఆ పేరుతో బాధ పడలేదు లెండి, ట్రాన్స్‌ఫర్ వలన మేము ఊరు మారినప్పుడు స్కూలు మార్పిడిలో నా పేరు ముచ్చట గా మూడోసారి మారిపొయ్యింది వెనకాల ఎటువంటి తోక లేకుండా వెంకట కృష్ణ అని. చచ్చినట్టు అందరూ ఇక కృష్ణ అని పిలుస్తారు అని ముచ్చట పడిపోయా! ఇంతలో హైస్కూలు లో పడ్డాను. కృష్ణ అన్న పేరుతో పిలవబడతాను అనుకున్న నా ఆశలు అడియాసలు అయ్యాయి. నా ఒంటి పేరు ముందు వున్న ఇంటి పేరుతో కలిపి పొడిగా ఎన్వీ కృష్ణా అయ్యిపోయాను. అక్కడ ఆడుకున్నారయ్యా నా సామిరంగా ! ఆ విధంబెట్టిదనినా.... ఆ కాలం లోనె పెళ్లి సందడి సినిమా వచ్చింది. నా ఖర్మ కాలి హిట్టయ్యి కుర్చుంది. ఆ సినిమా హిట్టయ్యితే నా ఖర్మ ఎలా కాలింది అంటారా? ఆ సినిమాలో హీరొ శ్రీకాంతు , బ్రహ్మానందం ఇద్దరి పేర్లు ఎన్వీ కృష్ణే! శ్రీకాంతు నిప్పు విజయ కృష్ణ అయితే బ్రహ్మానందం నెయ్యి విజయ కృష్ణ అన్న మాట! ఒరెయ్ నీ పేరు ఏంటిరా నిప్పా... నెయ్యా.... అంటూ కొద్దిసేపు నన్ను బ్రహ్మానందం తో ఆడుకున్నట్టు ఆడుకుని ఆ ముచ్చట తీరాక హఠాత్తుగా హీరొని చేసెసి " ఒరెయ్ అన్నట్టు నీ స్వప్న సుందరి ఎవరు రా ? " అంటూ చెడుగుడు ఆడేసుకున్నారు. కొన్నాళ్లకి ఆ సినిమా వేడి తగ్గింది. నాకు మంచి కాలం వచ్చింది అని సంతోషించా ! ఉహ్..ఉహ్హూ! నా భ్రమ ! అసలు ట్విస్టు అప్పుడే జరిగింది.

స్కూలుకి క్యారేజు వస్తే క్లాసు మధ్యలో ఆయా వచ్చి పేరు పెట్టి ఇదిగో బాబూ, ఇదిగో పాప ఇక్కడ పెడుతున్నా అని చూపించి తలుపు దగ్గర పెట్టేది. అలాగె ఒకరోజు ఆవిడ వచ్చి " రమ్యకృష్ణ ఎవరూ ? " అంది క్వశ్చన్ మార్కు ముఖం పెట్టి...అందరూ ముఖాలు చూసుకున్నాము ఈ పేరు తో ఏ అమ్మాయి మా క్లాసులోనె కాదు మా స్కూలులోనె లేదు కదా అని ! మరొ రెండు సార్లు అడిగాక నా జీవితాన్నే మార్చేసె అవిడియా ఆవిడ కి వచ్చి షరా మామూలుగా నాకు మూఢింది. " ఇదిగో ఈ క్యారెజీ బుట్ట ఎవరిది " అంటూ బ్యాగు ఎత్తి చూపింది. తెల్ల ముఖం వేసుకుని పిచ్చి చూపులు చూస్తూ లేచి నిలబడడం నా వంతు అయ్యింది. ఎన్వీ కృష్ణని కాస్త రమ్యకృష్ణ అని విన్న ఆవిడ ' కర్ణ కావరం ' కి మండిపోతు :-( అయినా క్యారెజు బ్యాగు చూసి చొంగ కార్చుకుంటూ లేచినందుకు నన్ను నేనె తిట్టుకున్నాను లెండి. ఒక్క పూట ఆ క్యారేజు నాది కాదు అనుకుని కడుపు మాడ్చుకున్నా అంత పోయెదేమి లేదు, ఎలాగూ పక్కన వాళ్ల డబ్బాల మీద పడొచ్చు కదా! బుధ్ధి తక్కువ అలా బయట పడిపోయా. ఇక స్కూలు నుండి బయట పడేంత వరకు ఎవరికి ఎప్పుడు మూడొచ్చినా ఆడుకోవడానికి మనమే! కాలం చాలా గొప్పది. ఇన్ని కష్టాలు తో కూడా నెమ్మది నెమ్మదిగా నన్ను ఆ కుంపటి నుండి బయట పడేసింది. కాలేజి కొచ్చా! కష్టాలు కొంచెం తగ్గాయి. ఎటొచ్చి ఎన్వీ గా స్థిర పడిపోయిన నాకు అప్పుడప్పుడు నాన్వెజ్ కృష్ణా అని పిలిచేవారు మా కేతిగాళ్లు. మనం కూడా తెలివి మీరిపోయి పెద్దగా ముఖం మాడ్చుకునేవాళ్లం కాదు లెండి. దాని తో ఎంటర్‌టెయిన్మెంటు తక్కువ అయ్యి వాళ్లు ఆ పేరు కూడా వదిలేసారు.కాలేజి నుండి బయట పడ్డాక ఇక కష్టాలు పూర్తిగా తీరిపోనట్టే! థాంక్ గాడ్! { అన్నట్టు నిజంగా థాంక్ గాడేనా? మానిన గాయాలు మళ్లీ రేగ్గొట్టుకోలేదు కదా! ఓహ్ మై గాడ్ :-( }

ఏది సత్యం???

2010-05-24T08:54:00.000+05:30

మనిషి మంచి మార్గం లో నడవడానికి ప్రోత్సహించేది మతం.నాకు కొన్ని అనుమానాలు వున్నాయి ఈ విషయం లో.ప్రతి మతం లో అందరూ చెప్పేది మంచి మాత్రమే వుంది అని.మరి ప్రతి మతం లో చెడ్డవారు కూడా వున్నారు.మరి ఒక మతం మంచిదా కాదా అన్నది ఎలా తెలుసుకోవడం? నాకు మత విషయాల పైన నాకు తెలియకుండానే ఆసక్తి ఏర్పడింది. నా మతాన్ని తెలుసుకునే పని లో నాకు కలిగిన అనుమానాలకి సరైన సమాధానాలు ఇవ్వగలిగే గురువులు ఎవరూ దొరకలేదు.దొరికిన వారు ఎవరు కూడా సరైన సమాధానాలు ఇవ్వలేదు.సరే ఈ మతం కాదు, మరొక మతం లో నీకు సమాధానాలు దొర్కుతాయి అన్నారు కొందరు. ఆ మతం కూడా తెలుసుకుందామని ప్రయత్నించాను. అలాగే మరొక మతం... ఇంకొక మతం..... నా సమాధానాలకి సరైన సమాధానాలు ఎవరూ ఇవ్వలేదు.మీకు గాని , మీకు తెలిసిన వారు గాని నాకు నా ప్రశ్నలకి సమాధానాలు ఇవ్వగలిగితే చాలా చాలా, చెప్పలేనంత సంతొషిస్తాను.ఎందుకంటే ఒక మంచి మతంని తెలుసుకునే ప్రయత్నంలో ప్రతి మతంలో నాకు చెడు కనిపించింది.ఇక మతం అన్న విషయం మీద నమ్మకం పోయినప్పుడు ఇక మిగిలింది నాస్తికవాదం! ఇక్కడ అంతా బాగుంది కాని, దేముడు విషయం??? నాకు కనిపించనంత మాత్రానా, అతడు లేడా?అతడి తత్వం గురించి మతస్థులు కూడా ఊహాగానాలే చేస్తారు, నాస్తిక వాదులు కూడా ఊహాగానాలే చేస్తారు.వున్నాడొ లేడొ తెలియాలి అంటె సృష్టి రహస్యం తెలియాలి లేదా ఆయనే వచ్చి చెప్పాలి.కాబట్టి నాస్తిక వాదం కూడా పూర్తిగా నన్ను సతృప్తి పరచలేదు.ఇక్కడ చర్చ మతం పై నాకున్న అనుమానాలకి పరిమితం చేద్దాము.

1)ప్రతి మతం తమ మతాన్ని ఆచరించే (లేదా ఆచరిస్తున్నామనుకునే ) వారిలో చెడ్డవారిని తృణీకరిస్తూ, వారు అసలు మతాన్ని సరిగా అర్ధం చేసుకొలేదు అంటుంది.మరి మతాన్ని బాగా అర్ధం చేసుకుని దానిలో మంచిని ప్రపంచానికి చాటి చెప్పిన వారిని తమ మతం గొప్పతనంగా చాటుకుంటుంది.మరి మతాన్ని బాగా అర్ధం చేసుకోవడం గాని, సరిగా అర్ధం చేసుకోలేక పోవడం గాని మనిషి గొప్పా లేక తప్పా? మతం గొప్పా లేక తప్పా? చెడు పనులు చేసె మతస్థులు బుద్ధిహీనులయ్యి తమ తమ మతగ్రంధాలలో (లేదా ధర్మ గ్రంధ సంపుటిలో) వున్న మంచి తెలుసుకోలేక పోయారు కాబట్టి అలా తప్పుగా ప్రవర్తించారు అంటూంది. మరి మతం గర్వపడేలా ఆచరించిన వారు తమ సుబుధ్ధి వలన మత / ధర్మం లో వున్న మంచిని గ్రహించారు అన్న మాట!అంటె మనిషి లోని సుబుధ్ధిని తమ గొప్పగా చాటుకునే మతాలు, దుర్బుద్ధి ని త్యజించడం వలన తమ అవకాశ వాదాన్ని చాటుకుంటున్నాయి.మంచైనా చెడు అయినా అది మనిషిలోనె వుంది అన్న మాట! మంచి జరిగితే మతాన్ని పొగడకూడదు, చెడు జరిగితే మతాన్ని తెగడకూడదు. దీనికి సమాధానం?

2)ప్రజాస్వామ్యం, కమ్యూనిజం, రాజరికం, నియంతృత్వం ఇలా పాలనా పద్ధతులు చాలా వున్నాయి.వాటిలో ఏది మంచిది? ఎక్కువ మంది దేనిని పాటిస్తే అదా? కాదు కదా!ఎక్కువ మంది ఒకప్పుడు భూమి బల్లపరుపుగా వుంది అనుకున్నారు.అంత మాత్రానా భూమి బల్లపరుపు అయిపోతుందా?భూమి చుట్టు సూర్య చంద్రులు తిరుగుతున్నారని అనుకున్నారు!అదే నిజమయిపోయిందా?మనిషి తన తప్పులని వదిలి ముందుకు పోతున్నాడు! కాలం తో పాటు తనతో ఇప్పుడు ప్రస్తుతం వున్నదాంట్లో తప్పులు తరచి చూసుకుని, లాభదాయకం కాని వాటిని వదిలివేస్తాడు, రేపు గాని, మరు నాడు గాని.నేడు అందరూ ప్రజా స్వామ్యాన్ని పాటించినా అందులో తప్పులు లేవని కాదు.వాటిని మార్చుకోవడానికి ప్రయత్నిస్తాడు.అందులో మంచి కన్నా చెడు ఎక్కువ అని గాని, సాదారణ జనం సరిగా ఆచరించలేనంత సక్లిష్టంగా గా గాని వుంటె దానిని వదిలి కొత్త పద్దతి మొదలు పెడతాడు.రాజరికం మాని ప్రజాస్వామ్యం ఆచరించినట్టు.నేడు ప్రజాస్వామ్యం లో ఎన్నికలులో ఒక పాతిక శాతం మంది ఓట్లు పడిన వారు ప్రభుత్వ నేతలు అయ్యిపోతుంటే అది ప్రజాస్వామ్యపు తప్పా?ప్రజల తప్పా?ఇందులో తప్పులు వున్నాయి అంటే రాజ్య ద్రోహిని అయ్యిపోతానా?అలాగే ఏ మతం అయినా మంచి కన్నా చెడు ఎక్కువ చేస్తుంది అనుకుంటే కొత్త మతం గాని మతానికి ప్రత్యమ్నాయం గాని పుట్టుకు వస్తే మానవాళికి మంచిదే కదా!

3) ఒకప్పుడు ఒక సమాజం లో ఒక మతం మాత్రమే వుండేది, అది మనుషులని కలిపి వుంచేది.కాని కాలం గడిచే కొద్ది వేరు వేరు సమాజాలలో వున్న ఒక మతం లో నచ్చని విషయాల వలన మరొక కొత్త మతం(కొత్త మతాలు) పుట్టుకు వచ్చాయి.నేడు ప్రపంచమంతా ఒక కుగ్రామం అయ్యిపోయినప్పుడు అన్ని మతాలు అన్ని సమాజాలలో వున్నయి.మతాలలో మళ్లీ చిన్న వర్గాలు వున్నా, పక్క మతం విషయం వచ్చేటప్పటికి ఆ చిన్న చిన్న వర్గాలు అన్ని కలిసి పోతాయి.అంటే మతం ఒకప్పుడు మనుషులని కలిపేదిగా వుంటే నేడు ఒక పెద్ద వర్గానికి వ్యతిరేకంగా మరొక పెద్ద వర్గంగా విడిపోవడానికి పనికి వస్తుంది అన్న మాట!సరే మా గుంపు పక్క గుంపు పై దాడికి దిగదు అంటే, మరి పక్క వర్గం మీ మీద దాడి చేసినప్పుడు? దాడి, ప్రతి దాడి ఒకే పరిమాణం గల తప్పులు కాకపోయినా తప్పులే! రెండింటా హింస తప్పదు.మరి ఏమి కర్తవ్యం? అసలు దాడి ఎందుకు జరుగుతుంది?ఒక వర్గం/మతం కి చెందిన వారి గా చెప్పుకుని మరొక మతంకి చెందిన వారిని తమ స్వార్ధ ప్రయొజనాల కోసం లక్ష్యం చేసుకుని దాడి చేస్తె, అది వ్యక్తిగత విషయం కాక తమ వర్గం పై మరొక వర్గ దాడిగా మనిషి అనుకోవడం వలన! అంటె మనిషిలో ఐకమత్యం, విడిపోవడానికి పనికి వస్తుంది అన్న మాట!ఇలా మతం పేరు చెప్పుకుని కలిసి వుందామనుకుని కొట్టుకునే కంటే విడిపోయి సుఖంగా వుండవచ్చు కదా!

4) ఒక అబ్బాయి చెడు తిరుగుళ్లు తిరిగి చెడిపోయి, ఇంటికి, వాడకి, ఊరుకి, సమాజానికి ఒక పీడలా తయారు అయితే, అతడిని సరిగా పెంచని తల్లి తండ్రులని ఆడిపోసుకోవడం తప్పు కాదు కదా!క్రమ శిక్షణ లేకుండా అలా పెంచారేమిటి అని ఎవరన్నా అడిగితే సమంజసమే! మరి ఒక్కో సమాజం లో ఒక్కో మతం వుండేది కనుక ఆ సమాజం లో అవినీతి, నిజాయితీ లేమి, దురాచారాలు వుంటే దానికి మతంని బాధ్యత వహించమని అడగడం ఎంత వరకు అసమంజసం? ప్రతి సమాజం మత గ్రంధాలని వల్లె వేయడం విధ్యగా భావించే కాలంలో ఆ విధ్య మనుషులని మంచిగా మార్చలేకపోతె, దురాచారాలని పాటించేటట్టు చేస్తె, వాటిని నిరోదించాలన్న స్పృహ కలిపించలేక పోతె, అటువంటి విధ్య ఎంత వరకు ప్రయోజనకరం?నేడు అభివృధ్ధి చెందిన దేశాలలొ నేటి విధ్యా వ్యవస్థ కొంచెం ముందుగా అమలులోకి రావడం వలన ఆ సమాజపు దురాచారాలు తొందరగా తొలగిపోయాయి. ప్రజలలో తర్క బధ్ధంగా ఆలోచించడం మొదలయ్యింది నేటి విధ్యా వ్యవస్థ మూలానె కదా!అన్ని సమాజాలలో నేటి విధ్యా వ్యవస్థ అమలు లోకి రాక మునుపు కూడా సంఘ సంస్కర్తలు వున్నా వారు రాశిలో తక్కువ!వారు సూచించే మార్పులని అంగీకరించే స్థాయిలో ఆ సమాజం కూడా లేక పోయెను.దురాచారాలుని పెంచినా పెంచక పోయినా వాటిని ఉపేక్షించడం కూడా తప్పే! కాబట్టి ఆయా మత గ్రంధాలలో నేటి విధ్యా భోదన కన్నా గొప్పగా ఏమి లేక పోయిందా?

5) ఐన్‌స్టీను మహాశయుడు అణు విస్పోటన సిధ్ధాంతం ప్రతిపాదించింది, మానవాళి మంచి కోసమే!కాని దాని వలన అణుబంబులు కూడా తయారు చేసి మొత్తం మానవాళినే మట్టు పెట్టవచ్చు.ప్రతి విషయానికి మంచి చెడు అని రెండు పార్శ్వాలు వుంటాయి.ఇప్పుడు ప్రభుత్వాలు, అత్యంత భద్రత మధ్య అణు సంబంధిత కార్యక్రమాలు నిర్వర్తిస్తున్నది, అవి తీవ్రవాదుల చేతిలో పడి దారుణాలకి దారి తీయకూడదనే!ప్రపంచ చరిత్రలో అణుదాడి జరిగింది ఒక్కసారే!అది ఎంత వినాశనానికి దారి తీస్తుందో అందరికి తెలిసింది.కాబట్టి ప్రతి ఒక్క ప్రభుత్వం గట్టి భద్రత తీసుకుంటుంది ఈ విషయంలో!కాని ప్రభుత్వమే విచక్షణ లేకుండా అణు బాంబులని ఉపయొగిస్తే! అసలు ప్రభుత్వం అంటూ ఒక నియంత్రణ లేకుండా అణు ధార్మిక పదార్ధాలు దొరికితే? మతం కూడా మంచి ఉద్దేశ్యం తోనె ప్రారంభం అయ్యినా, నేటి పరిస్థితిలో మత నియంత్రణ చెయ్యావలిసిన వారే దానిని స్వార్ధ ప్రయోజనాలకి వాడితే, అందరికి చేరువలో వున్న కారణంగా అప్పుడు జరిగే నష్టం అణు బాంబు చేసె నష్టం కి దరిదాపులలోనె వుంటుంది. అణు బాంబు దాడిలో అణు ధార్మికత వుంటే, మత దాడిలో విరిగిన మనసులు, విద్వేషాలు వుంటాయి.నియంత్రణ లేని మతం లో కూడా ప్రమాదం తక్కువేమి కాదు.ఎవరికి నచ్చినట్టు వారు మతాన్ని స్వార్ధ ప్రయోజనాలకి వాడుకుని, అమాయక ప్రజలని పావుకుగా వాడుకుంటారు.

6) అసలు నేడు ఆచరణలో వున్నవన్ని మతాలేనా? అసలు మతం నిర్వచనం ఏమిటి? గుఱ్ఱాలన్ని నాలుగు కాళ్లతో ఒక తోకతో, అతివేగంగా పరిగెట్టగలిగి వుంటాయి అని నిర్వచించామనుకోండి!ఒక గుఱ్ఱం మూడు కాళ్లతో అసలు పరిగెట్టలేకుండా తోక కూడా లేకుండా వుంది అనుకోండి.అది గుఱ్ఱం కాకుండా పోతుందా??అది ఒక ప్రత్యేకత కలిగిన గుఱ్ఱం.(ఇది నిర్వచనం లో బలహీనతని తెలపడానికి ఇచ్చిన ఉదాహరణ.మరే దురుద్దేశం లేదు!) అలాగే ఎవరొ నిర్వచించిన లక్షణాలు లేనంత మాత్రాన కొన్ని మతాలు కాకుండా పోవు. మిగిలిన మతాలతో వున్న ఇబ్బందులు ఆ మతం లో వుండబోవు అనుకోకూడదు.మహా అయితే మరొ రూపం లో వుండవచ్చు.కాబట్టి అది మతానికి ప్రత్యమ్నాయ వ్యవస్థ అవ్వబోదు. మతాల వలన జరిగే చెడుని నియత్రించలేనప్పుడు, మత ప్రత్యమ్నాయ వ్యవస్థ గాని, మత నిర్మూలన గాని అవసరం.

ఒక మతం లో గాని, ఒక వర్గం లో గాని పుట్టినంత మాత్రాన, ఆయా మతాలే గొప్ప అని చిన్నప్పటి నుండే పిల్లలకి నూరిపోయడం, ఆ చిన్న పిల్లల పట్ల వారి అమాయకత్వం పట్ల అమానుషత్వమే!మంచేదొ చెడెదో తెలియని వయసులో జరిగే ఈ మత మెంటల్ కండీషనింగ్ వారిని వారి జీవితం ఎంచుకోనివ్వక పోవడమే!

చెడు మతంలో కాక మనిషిలోనె వున్నా, ఆ చెడు అనే అగ్నికి ఆజ్యమయ్యి ఒక ఆటం బాంబులా మానవాళి మనుగడకే ప్రశ్నార్దకమయ్యే పరిస్థితిలో, మతంని వదిలివెయ్యడం అవసరం కాదా?

p.s.ఈ విషయం లో ఆరొగ్యకరమైన చర్చ (రచ్చ కాదండి, చర్చ )అవసరమే!

నా జవాబు

2010-05-19T18:53:00.000+05:30

నా జవాబు కోసం చాలా ఎదురు చూసినట్టు వున్నారు నిన్న! ఒకరి పెళ్లి రిసెప్సన్ కి వెళ్లవలసి వచ్చింది. అందు వలన ఆలస్యం. చాలా పెద్ద జవాబు నిన్న రాత్రి టైపు చెసా!కాని లెఖిని చేతులెత్తింది ఆఖరి నిమిషంలో!పాపం నేను రాలెదనుకుని చాలా మంది, నిరాశ పడ్డారు అనుకుంటా!సరె నా జవాబు: మత ద్వేషి..... కుల గజ్జి...... ఎవరిదొ తెలుస్తుంది ఇది చదివాక. ఇంత పెద్ద గొడవ అయ్యాక ఇన్నాళ్లు నిశ్శబ్దంగా వున్నదెవరు? నేనె భయపడి వుంటె ఈ విషయం ఎందుకు ఎత్తుకుంటాను ? ఆ గొడవ ప్రభావం ఎవరి మీద కొట్టొచ్చినట్టు కనిపించింది? వ్యక్తిగత దాడులు ఎవరి చేసారు? ఎవరు నాలిక కరుచుకున్నారు? మతం గురించి, నాకు కొన్ని నిర్దుష్టమైన అభిప్రాయాలు ఉన్నాయి.నేనెమి, నాకు నన్ను ఆస్తికుడినొ, నాస్తికుడీనొ అనుకోను.నాకు దేముడి పట్ల ఎటువంటి అభిప్రాయం లేదు. దేముడు మనిషిని సృష్టించాడొ, లేక మనిషే దేముడిని సృష్టించాడొ ఎవ్వరము నిర్ధారించలేము. అయితే మతాన్ని ఆచరించడం వలన మనిషికి లాభమెంత? నష్టమెంత అని నాకు అనిపించిన భావాలని ఒక వరస టపాల పరంపరలో ఇంతకు ముందు రాసాను. అందులో దేముడిని, మతాన్ని సమర్ధించె పాత్రలోను, సాతానుని మతాన్ని వ్యతిరేకించె పాత్ర లోను, ఒక చర్చ జరుగుతుంది.మతం లో చెడుని అంగీకరిస్తు, దేముడు చివరికి " మనిషి లోనె చెడు వుంది.నేడు మత వ్యవస్థ లేక పోయినా మనిషి మరొ విషయం మీద .. జాతి, కులం, భాష, వర్ణం,ప్రాంతం ఇంకా దేశం పేరు చెప్పి ఎదుటిని చంపుకుంటాడు అని, అటువంటి ద్వేషం లేని మరొ సృష్టి మొదలు పెడదామని బయలు దేరుతాడు.ఈ టపాలో నేను చెప్పాలనుకున్నది మతం వలన మనిషికి వ్యక్తిగతం గా , సామాజికం గా జరిగే నష్టాలని గురించి. సున్నితమైన విషయం. పైగా "దేముడిని పడగొడదాము రండి " అన్న శీర్షికని చూసి చదవ వచ్చె వాళ్లు నొచ్చుకోకూడదు అని చాలా శ్రధ్ధ పెట్టి ప్రతి పదాన్ని ఆచి తూచి రాసాను. నా ఉద్దేశ్యం లో మతం లో చెడు దేముడూ ఒప్పుకున్నప్పుడే, చర్చ లక్ష్యం నెరవేరి పోయింది. మతం మనిషిని గొప్పగా ఏమి తయారు చెయ్యదని అతను ఒప్పుకున్నట్టు రాసాను. పైగా ప్రపంచం లో అతి ఎక్కువ మొత్తం లో ప్రజలు భావొద్వేగాలకి లోను అయ్యి, విచక్షణ కోల్పొయెది, మతం వలన అన్నది నా అభిప్రాయం.మిగిలిన జాతి, భాష, ప్రాంత వైషమ్యాలు, కూడా మనిషి కి మనిషి కి మధ్య దూరాన్ని పెంచుతాయి అని చెప్పాను.కాకపొతె మతం ఎంత ఎక్కువ మంది మనుషులని ఒక సమూహం గా , మరొ సమూహనికి వ్యతిరేకంగా కలపగలదొ మిగిలిన అంశాలు అంత ఎక్కువ ప్రభావం చూపలేవు అని అనిపిస్తుంది నాకు. భరద్వాజ బహుశా నా టపా అర్ధం చేసుకొలేక పోయాడు.లేదా నేను అంత విపులంగా నా భావాలని చెప్పలేక పోయాను.భలెగా వుంది అని అతడు ముచ్చట పడ్డాడు. అటు నాస్తికులు ఇటు ఆస్తికులు కూడా బావుందని అన్నారు.

తరువాత నేను రంగ నాయకమ్మ గారు రాసిన బలి పీఠం చదివాను.అసలు కధ కంటె ఆవిడ తనని తానె విమర్శించుకుంటూ రాసిన చివరి మాట నన్ను చాలా ఆకట్టుకుంది. అయితే ఆవిడ అభిప్రాయాలు కొన్నింటి తో నేను ఏకీభవించలేక పోయాను. వాటి పై నా అనుమానాలని ఒక టపా రూపం లో రాసాను.అందులో ఒక మతాంతర వివాహం ని తాను రూపు దిద్దిన తీరు పై ఆవిడ తనపై తాను కొంత విమర్శ చేసుకున్నారు. నీ భర్త నిన్ను బొట్టు మానెయ్యమంటె మానెస్తావా అని ఒక పాత్ర మతాంతర వివాహం చేసుకున్న యువతిని అడుగుతుంది. మానెస్తాను అని ఆ పాత్ర తో చెప్పించినందుకు, అది పురుషాదిక్యతని బలపరిచినట్టు వుందని అలా రాయడం చిన్న వయసులో తన అవగాహనా రాహిత్యం అని ఆవిడ చెప్పుకొచ్చారు.అయితే నాకు అనిపించింది ఏమిటంటె ఆ పాత్రకి, తన భర్త మీదున్న ప్రేమ కన్నా మతాచారాలు పైన నమ్మకం తక్కువ కావచ్చు, అందుకే బొట్టు మానెయ్యడానికి ఒప్పుకుంటాను అని అంది అని అనిపించింది.అయినా ఒక కమ్యూనిస్టు భావ జాలం వున్న వ్యక్తిగా , పురుషాదిక్యతని వ్యతిరేకించె మనిషిగా రంగ నాయకమ్మ గారు ఒక ప్రత్యేక కోణంలో మాత్రమె విషయాన్ని చూస్తున్నారని అనిపించింది.భర్త భార్యకి, భార్య భర్తకి తనకి నచ్చని విషయం చెప్పడంలో స్త్రీ వాదం, పురుషాదిక్యం వుండవు.మంచి అనిపించింది చెప్పడం లో తప్పు ఏమిటి?మతాన్ని వదులుకొమ్మని ఒక వ్యక్తి, తన జీవిత భాగస్వామికి చెబితే (తాను కూడా మతాన్ని వదెలెయ్యాలి)మంచిదే కదా అని అన్నాను.ఇప్పుడు భార్య భర్తని మందు తాగడం మానెయ్యమంటె ఇది నా స్వేచ్చకి భంగం,అని అతడూ అనగలడా?మతం కూడా మందులా చెడ్డదే కదా అని రాసాను. ఈ విషయం పై చర్చ పక్క దారి పట్టింది.

ఇప్పుడు ఆ వాఖ్య వెనక నా ఉద్దేశ్యం : మందు పూర్తిగా చెడ్డదా? మితం గా తాగినప్పుడూ, గుండె జబ్బులు ని దూరంగ వుంచడం లో సహాయ పడుతుంది.ఇంకా మందు కొన్ని చలి ప్రదేశాలలొ వెచ్చగా వుంచడానికి సహాయ పడుతుంది. అలా తాగె వారికి , పక్క వారికి ఏమి ఇబ్బంది వుండదు.స్పృహ తప్పెటట్టు తాగిన వాడికి సమాజం తో పని లేదు. వాడి వలన సమాజానికి నష్టం లేదు. మరి చిక్కెవడి తో? సగం స్పృహ వుండి, మంచి చెడు విచక్షణ కోల్పొయి, తనని తాను, తన చుట్టు పక్కల వాళ్లని ఇబ్బంది పెట్టె వాడితో! మతం తో ఇక్కడె దీనికి నేను పోలిక చూసాను.మితంగా మతాన్ని ఆచరించె వారి తో సమాజానికి చిక్కు లేదు.ఒకింత వ్యక్తిగతంగా ఒక్కొసారి, లాభదాయకం కూడా.అలాగె, పూర్తిగా మతాన్ని ఒంటబట్టించుకుని, పూజలు పునష్కారాలు, తపస్సులు చేసుకునే వారి తో, జన బాహుళానికి దూరమయిపొయె వాళ్లతో చిక్కేమి లేదు.చిక్కంతా ఎవరి తో? మతం మత్తు కొంత వరకు వుండి, దాని వలన మంచి చెడు విచక్షణ కోల్పొయి, కొంత మంది, స్వార్ధ పరుల చేతిలో కీలు బొమ్మలు అయ్యె వారి తో!ఇలాంటి వారు చాలా ఎక్కువ మోతాదు లో వుంటారు. మత నిర్దేశాలు అన్ని కూడా మనిషిని పూర్తిగా మంచి మార్గం లోనె నడవమని చెబుతాయి. ఇది మన భరద్వాజకి నచ్చలెదు.మా ఇద్దరి మధ్య చర్చ మొదలయ్యింది.

మతాన్ని తమ స్వార్ధ ప్రయోజనాల కోసం వాడుకునే వారు, మతాన్ని నిజంగా పాటిస్తున్నారని అనుకుంటున్నానా అని అతడు అడిగాడు. నిజంగా అంటె?? నాకు అసలు మతాన్ని పాటించడం అంటెనె సరిగా తెలియదు అన్నాను.మత నిర్దేశాలని 100% తూచా తప్పక పాటించడం అన్నాడు. నా మత పరిజ్ఞానం ఏమిటి అని అడిగాడు. చిన్నప్పుడు, మా కజిన్ సిస్టర్స్ స్కూలులో భగవద్గీత, రామాయణం, మహా భారతం పారాయణం చెయ్యించెవారు. ఇంగ్లిష్ మిడియం చదువులు అయినా, సంస్కృతం కూడా వుండేది. చిన్నప్పుడు నుంది, ఏదొ ఒకటి చదవడం నా బలహీనత. కిరాణా దుకాణంకి వెళ్లి పప్పులు, తెచ్చిన కాగితాలని కూడా వదిలే వాడిని కాదు.అలాగే వాళ్ల వద్ద వున్న భగవద్గీత, రామాయణ భారతాలు చదివాను. హైస్కూలు మిషనరి స్కూలు లో, అక్కడ బైబిల్ చదివాను. హైదరాబాదు లో వున్నఫ్ఫుడు, పాత నిబంధన గ్రంధం చదివాను. ఒక ముస్లిం స్నేహితుడు సాయం తో ఖురాను చదివాను.అది పూర్తిగా పాత నిబంధన గ్రంధమె! ఇక కాలేజి అయ్యక నాన్న గారి కలెక్షన్ లో డాక్టర్ అంబేద్కర్ రచన దమ్మ పధం వలన భౌధ్ధ మత పరిచయ జరిగింది.ఇక మిగిలినది, నా పరిశీలన. నా చుట్టు పక్కల వున్న వారిని పరిశీలించడం వలన నాకు కొన్ని అభిప్రాయాలు ఏర్పడ్డాయి.మతం చేసె మంచి కన్నా చెడు ఎక్కువ అని అనిపించింది.

మతం అనేది వుండడం వలన మనిషి, దానిష్ కార్టూన్లకి, డావిన్సి కోడ్లకి, బుస్సైన్ గీతలకి చలించి, అల్లర్లు చేస్తున్నాదు అన్నాను.నా వాదన తప్పు అయితే నాకు వివరించు, నేను నా అభిప్రాయాన్ని మార్చుకుంటాను అన్నా! నా ప్రశ్నలకి జవాబు లేదు గాని, చిల్లర కోసం నా సహనాన్ని పరిశీలించడమే పనిగా అడ్డగోలు వాదనలు మొదలు పెట్టాడు.అయితే భరద్వాజ కేవలం బుస్సైన్ గీతల పైన మాత్రమె స్పందించాడూ.మిగిలిన విషయాలు నాకు అనవసరం. మిగిలిన మతాలలో వారు మనషులు కాదా అంటె? వారి విషయం, నాకు అనవసరం అన్నాడు.అప్పుడూ చర్చ హిందు మతం పైన కేంద్రీకృతమయ్యింది. హిందూ మతానికి దిశా నిర్దేఅశాలు చేసె చతుర్వేదాలు కేవలం ఒక వర్గం గుప్పిట్లో వుండడం ఎంత వరకు సమంజసం అని అడిగాను. వాటిని చదవడానికి ఒక అర్హత కావాలి అన్నాడు. సరె ఆ ఆర్హత పుట్టుక తో ఎందుకు నిర్ణయం అవుతుంది? అని నా ప్రశ్న. ఒక వాల్మికీ వేదాలు చదివె అర్హత సంపాదించిడానికి , ఒక బ్రాహ్మణ కుటుంబం లో పుట్టిన వాడికి కొలమానం ఒకటేనా అని అడిగాను.కాదు కదా సమాధానం లేదు.ఇప్పుడూ అందరు చదవ వచ్చు కదా అన్నాడు.మరి ఇన్నాళ్లు జరిగిన వివక్ష వలన నేటి సమాజం పరిస్థితి? ఆ చతుర్వేదాలు చదివిన వారిలో అధికులు నేటి కుల వ్యవస్థ కి కారణం కదా? మరి ఆ చతుర్వేదాలు చదివి వారికి, వారి వలన సమాజానికి కలిగిన లాభం ఏమిటి? చదివినా అర్ధం చేసుకొలేక పోతె, అర్ధం చేసుకున్నా దానిని ఆచరిచలేక పోతె అటువంటి చతుర్వేదాల వలన ఏమి ప్రయోజనం?

ఒహో ... వీడు కూడా జాతి వైరం వలన నష్ట పోయిన మరొకడు? తేనె కరిగి ఇప్పుడు "కత్తి" కనిపిస్తుంది. పిల్ల కాకి రూపం లో వున్న రాబందు రెక్కలు విప్పుతుంది. అని భరద్వాజ వెక్కిరింత. అప్పటికే కొన్ని పదులు సార్లు నన్ను మత ద్వేషి అన్నా ఊరుకున్నా.అది నా పై వ్యక్తిగత దాడి అయినా గౌరవం ఇచ్చి మాట్లాడా! కుల గజ్జి అని అన్నప్పటికి నా సహనం చచ్చి మనోడికి మూడింది. వ్యక్తిగత దాడి, వెక్కిరింత అంటె ఏమిటో రుచి చూపించా!నాకె సిగ్గేసె స్థాయి లో తిట్టా! వీడితో చర్చ వలన తల నొప్పి తప్ప మనకి ఒరిగేదేమి లేదు అని అర్ధం అయ్యాక, మీరు నుండీ నువ్వుకి వచ్చా!నా కోపం చూసి, భరద్వాజ.. " కెబ్లాసలు.. వీడు అనుకున్నంత సౌమ్యుడు కాదు. చూడండి అంటు సహాయం కోసం అర్ధించాడు." నేను సౌమ్యుడిని అవునో కాదొ చూడడానికి ఇంత సమయం చర్చించావా అని బూతులు తిడీతే "కాదు..కాదు.. వంద డాలర్ల పదెం, నీ సౌమ్యత బూటకం అని నిరూపించడానికి ..నేను గెలిచా" అన్నడూ చిల్లర వెధవ. ఛీ..ఛీ.. మళ్లీ బూతులు వస్తున్నాయి. ఇలా బూతులు కామెంట్ల రూపం లో వుంచడం ఇష్టం లేక తొలిగించా!దీనికి గురించి, బ్లాగు ముఖంగా ఒక కామెంటు కూడా రాసా!ఎంత గా తల బొప్పి కట్టక పోతె, హఠాత్తుగా దెయ్యాలు వేదాలు వల్లిస్తాయి? మళ్లి కింద పడ్డ తనదే పై చెయ్యి అంటాడు. కామెంట్లు డిలీటు చేసినా నీ విషయం అందరికి చెబుతాలే అంటె...అవును ఏడ్చె చంటి పిల్ల వాడిలా వెళ్ళి కంప్లైంటు చేసుకో పొమ్మన్నాను.నేను భయపడిన వాడిని అయితే ఈ టాపిక్ మళ్లీ ఎందుకు ఎత్తుతాను?

ఉరి .....సరి????

2010-05-08T07:09:00.000+05:30

వేడి వాడి విషయం మీద ఇన్ని వేరు వేరు అభిప్రాయాలు, అవి కూడా చదవగానె అప్పటికి పూర్తిగా సరైనదే అని అనిపిస్తుంటె ఏమని కామెంటాలో తెలియక తికమకలో ఈ టపా...సాధారణంగా నేను ఒక అభిప్రాయానికి బానిస అవ్వదలుచుకోను.నా అభిప్రాయం మార్చుకోవడానికి సిగ్గు పడను.మార్పు ఒక ఆరొగ్య కరమైన అలవాటు అని నా అభిప్రాయం.ఈ అభిప్రాయం కూడా మారవచ్చు:-)

క్రిందటి టపాలో మన న్యాయ వ్యవస్థ పైన నా ఆక్రోషం వెలిబుచ్చాను.అయితే వచ్చిన కామెంట్లన్ని కూడా వేరే వేరే విషయాల పైన....నాకు అర్ధం అయ్యిపోయింది, నేను రాద్దామనుకున్నది నాకు తప్ప ఇంకెవరి అర్ధం కాలేదు అని:-)తప్పు మీది కాదు లెండి. ఈ సారి కొంచెం స్పష్ఠత కోసం ప్రయత్నిస్తాను.

మన న్యాయ వ్యవస్థ ముందు నుండీ ఇంతే.....ఒక రాజకీయ నాయకుడు లేక ఒక పై హోదాలో వున్న అధికారి పై తీవ్రమైన ఆరోపణలు వచ్చినా , వారు అరెస్ట్ అవ్వడం అరుదు.అయ్యినా బెయిలు మీద బయటకి రాకుండా వుండడం ఇంకా అరుదు.బెయిలు పైన బయటికి వచ్చినా తమ అధికారాన్ని, పలుకుబడిని దుర్వినియోగ పరచకుండా వుండడం ఇంకా ఇంకా అరుదు.అటువంటి వారి పైన కేసులు విచారణలు నత్త నడక నడుస్తాయి.వారి వలన సాక్ష్యాలు,విచారణ కూడా ప్రభావితం అవుతాయి.మరి కసబ్?కారాగారం లో వున్న ముద్దాయి.మన రక్షణ బలగాల సామర్ధ్యం అందరికి తెలిసినదే!ఎక్కువ కాలం కారాగారంలో వుంచలేమని మన ప్రభుత్వం చాటుకుంటుందా?ఇది విచారణ అలవాటుకి భిన్నంగా ఇంత ఆదరా బాదరా గా చెయ్యడం పైన్ నా అభిప్రాయం.

ఇక శిక్ష గురించి.... నా ముందటి టపాలో ఉరి శిక్ష కసబ్ చేసిన నేరం కి సరైనదా కాదా అన్నది చర్చించలేదు.నేను కేవలం అన్నది ఈ శిక్ష పడుతుందని నాకనిపిస్తుందని.దానిని సమర్ధించలేదు..అలాగె వ్యతిరేఖించలేదు.ఇప్పుడు నా అభిప్రాయం...అవును కసబ్ తనకి తాను గా ఒక తీవ్రవాది అయ్యాడు.తన అంగీకారం తోనె జిహాదిగా భారత్ లో అడుగు పెట్టాడు.చావుకి సిధ్ధ పడె ఇక్కడకి వచ్చాడు.పేదరికమా... ఆకలా... లేక మత మూఢత్వమా?మనకి తెలియదు.యువకుడు, పాపం ఏవొ బలీయమైన కారణాల వలన ఇలా చేసి వుండవచ్చు?ఒక అవకాశం ఇద్దాము.మారిపోయి సమాజానికి మంచి చేస్తాడు అనే వారు కూడా వున్నారు.అతడు మరీ మంచి చెడు తెలియని చిన్న పిల్ల వాడు కాదు.అతడు మారవచ్చు.ఇది ఎవరూ నిర్ధారణ గా చెప్పలెము. కాని ఆ మారణ కాండ చేసె ముందు మాదక ద్రవ్యాలు ఆ పది మంది(?) తీవ్రవాదులు తీసుకున్నారు.బహుశా తమకి నెప్పిని ఎక్కువ సేపు భరించగలిగి ఎదురు దాడి ఎక్కువ సేపు చెయ్యగలిగి వుండడానికి కావచ్చు.లేదా జాలి కనికరం లెకుండా అమాయకులని ఊచకోత పెట్టడానికి కావచ్చు.అంత మాత్రానా వారు మత్తు మందు ప్రభావం లో ఇది చేసారని సమర్ధించడం ....అనడానికి మాటలు రావడం లేదు.అసలే నా బ్లాగుని పిల్లలు పెద్దలు అందరు చదవాలని ఆకాంక్షిస్తున్నా!కాని ఇంకో వాదన వుంది.చావడానికి సిధ్ధ పడి వచ్చిన ఒక తీవ్రవాదిని మనం ఇంత ఖర్చు పెట్టి, ఇంత సమయం వెచ్చించి,ఇప్పుడు చంపడం లో కూడా వారిదే గెలుపు అవుతుంది అని.ఇలా ఉరి తీస్తారని భయపడి తీవ్రవాదులు మన దేశంలో అడుగు పెట్టడానికి సంకోచిస్తారా?లేదు.కాని ఒక ప్రతి దాడిలో ఒక తీవ్రవాదిని చంపడానికి, ఎంతో ఆలోచించి అతడికి ఉరి శిక్ష వేయడానికి చాలా తేడా వుంటుంది.సందర్భం వేడిలో ఆలోచితమో, అనాలోచితమో తెలీకుండా చంపడం వేరు.అతడికి తన వాదన వినిపించుకుని నిర్దోషిత్వం (?) నిరూపించుకునె అవకాశం ఇచ్చి అప్పుడు ఈ నిర్ణయానికి రావడం...తేడా లేదు?రెండిటిని ఒకే గాటిని కట్టడం సరి కాదు కదా?

మరి ఈ నిర్ణయం వలన కలిగే పరిణామాలు ఏమి కావచ్చు?కాందహార్ వంటి ఆకృత్యాలు ఆపగలిగే సత్తా లేనిదని మన దేశం పై ఒక గొప్ప అభిప్రాయం మన న్యాయ వ్యవస్థ ప్రపంచానికి తెలియబరుస్తుంది.అది కాకుండా శిక్ష విషయం లో పూర్తిగా కేసు పూర్వాపరాలు పై ఆధార పడకుండా మన ప్రభుత్వ రక్షణ దళాల సామర్ధ్యం వలన ప్రభావితం అయ్యిందని మన న్యాయ వ్యవస్థ పై కూడా ఒక చెడు అభిప్రాయం కలుగుతుంది.ఒక వ్యక్తి పై ఇంత ఖర్చు పెట్టి విచారణ జరిపినందుకు...దౌత్యపరంగా గాని, దేశ భద్రతపరం గా గాని, రక్షణ పరం గా గాని మనకి కలిగిన లాభాలు ఏమిటి?బహుశా కొన్ని జరగ బొయె దాడులు కి సంబందించిన రహస్యాలు తెలిసి వుండవచ్చు..తెలిసి వుండక పోవచ్చు.అది పెద్ద విషయం కాదు.ఇలా పట్టుబడ్డ తీవ్రవాదులు పైన మనం ఆధార పడీతే మన నిఘా వర్గాలు ఏమి చేస్తాయి?భద్రత పరంగా...జరగబొయె ఎన్ని దాడులు గురించి కసబ్ కి తెలుసు?ఆ లాభం కూడా తాత్కాలికమే!దౌత్య పరంగా దీనిని ఉపయోగించుకునే తీరు పై ఆధార పడుతుంది.ఉమ్మడి ప్రకటనలో బెలూచిస్తాను వగైరాల పై విచారణ లో సహకరిస్తాము వంటి ప్రకటనల వలన దౌత్య పరం గా మనకి చాలా నష్టం జరిగింది.అంటె లేని విషయాల వలన కూడా ప్రపంచ దేశాలలొ ఒక అభిప్రాయం కలగ జేయడం వలన మన పొరుగు దేశం దౌత్య విజయం సాధించింది.అయినా ఈ విషయాల వలన తమ దౌత్య నీతి మార్చుకునేటంత వెర్రిబాగులవి కావు ప్రపంచ అగ్ర దేశాలు.అది నెమ్మది నెమ్మదిగా మారె విషయం.ఇలాంటి విషయాలని లౌక్యంగా వాడుకోవడం పై ఫలితం వుంటుంది.కాని కొంతమంది అభిప్రాయం మన ప్రభుత్వం చేసినది సరైనదేఅని.విచారణలో తేలిన అన్ని విషయాలు మీడియా తో పంచుకోరు కాబట్టి ఎంత లాభం జరిగిందో పూర్తిగా అంచనా వెయ్యలేమన్నది నిజం.పారదర్శికత ఇలాంటి విషయాలలో కుదరదు.కాని నా లాంటి అల్ప సంతోషుల కోసమైనా మనం బొలేడన్ని విషయాలు తెలుసుకున్నామని ఢాంభికాలు పోవచ్చు కదా!దాని వలన తీవ్రవాద సంస్థలు కొంచెం ఆచి తూచి అడుగు వేస్తాయి, చేయబోయె దాడుల విషయం లో మన భద్రతా దళాలుకి ఎంత సమాచారం వుందో అన్న భయం వలన!

ఇక సూటిగా నా అభిప్రాయం చెబుతాను.వ్యంగ్యంగా రాద్దామన్న ప్రయత్నం లో ఎవరికి నా అభిప్రాయాలు సరిగా చెప్ప లేక పోతున్నాను కామోసు.ఇంటి దొంగలు తప్పించుకు పోతున్నారన్నది నా భయం, బాధ.బహుశా కసబ్ కి తెలియక పోవచ్చు.వాడికి ప్రత్యక్షంగా కలిసినవాళ్లు, వారి పైన వున్న వాళ్లు...వారి పైన వున్న వాళ్లు ఇలా ఈ గొలుసు చుట్టు తప్పకుండా ఇంటి దొంగ వద్దకి తీసుకు వెళుతుంది.మ్యాపులు అందించిన ఇద్దరు భారతీయుల పైన, వారు ఇచ్చిన మ్యాపులు కంటె గూగుల్ వారి మ్యాపులు ఇంకా వివరణాత్మకంగా వున్నాయి కాబట్టి నిర్దోషులగా వదిలి వేసింది కోర్టు.వారు చేసిన పని ఎంత తోడ్పాటు అందించిందో వేరె విషయం.వారు తెలియక చేసారా, తెలిసి చేసారా అన్నది ముఖ్యం.తెలిసి చేసి వుంటె దేశ ద్రోహ ఉద్దేశ్యం వుంటె వారికి శిక్ష పడాలి.ఇక రాష్ట్ర ప్రభుత్వ వ్యవస్థ, పోలిసు వర్గాలు, కోస్టు గార్డు జనరల్, వీళ్లందరి పైన కూడా కోర్టు క్రమశిక్షణ చర్యలకి ఆదేశించాలి అన్నది మంచి వాదన.దీని వలన కూడా ఇంటి దొంగ ని పట్టుకోవచ్చు.పక్క దేశం లో మన మీద విషం కక్కుతున్నది ఒక్క జైషె మొహమ్మదు ఒక్కటె కాదు.ఇప్పుడు పక్క దేశం పైన వత్తిడీ తెచ్చి ఒకడిని కటకటాల వెనకకి పంపినా ఇంకొకడు తప్పక తయారు అవుతాడు.కాబట్టి మన కంట్లో వున్న దూలాన్ని తీసుకుని తరువాత ఎదుటి వాడి కంట్లో నలుసు చూసుకోమందాము. ఉరి శిక్ష వెసినా వెయ్యక పోయినా, ఈ విచారణ ముఖ్య ఉద్దేశ్యం, మన దేశ రక్షణకి ఉపయోగపడాలి.అంతే గాని, ప్రజల భావొద్వేగాలని ఓట్లుగా మార్చుకునే ప్రయత్నం లో ఒక పావు గా మారి పోకూడదు. కొంచెం సమయం ఎక్కువ తీసుకున్నా పరవాలేదు,వాడిని తప్పించే ప్రయత్నాలు విచ్చిన్నం చేసె సత్తా మన బలగాలకి వుంది అని నిరూపించుకుని, ఈ విచారణని క్షుణ్ణంగా చెయ్యాలి.ఈ ఖర్చు అంతా మనం పన్నులు ద్వారా కట్టిన సొమ్ము.దీనిని సక్రమంగా వాడుతున్నారని మనకి నమ్మకం కలగాలి.తీర్పు వలన మన దేశ ప్రతిష్ఠ , న్యాయ వ్యవస్థ ప్రతిష్ఠ ఇనుమిడించాలి గాని,లోటు రాకూడదు.ఈ మాత్రం ఆశించడం కూడా అత్యాశేనా?

మనకెందుకింత తొందర?(regarding our judiciary and ajmal kasab)

2010-05-06T05:38:00.000+05:30

మన దేశ చరిత్ర లోనె అత్యంత వేగవంతంగా విచారణ జరుపుకున్న చారిత్రకమైన కేసుగా అందరు ముంబయి దాడుల పైన ఉగ్రవాద వ్యతిరేక స్పెషల్ కోర్టు వారి విచారణని అనుకుంటున్నారు.గొప్ప విషయమే!ప్రజల మనొభావాలకి , దేశ భక్తి తదితర ఉగ్వేదాలకి బాగా సంబంధించిన విషయం కదా!అందుకేనా మన ప్రభుత్వం ప్రత్యేక శ్రధ్ధ తీసుకుని త్వరితగతిన ఈ కేసు ఒక కొలుక్కి వచ్చినట్టు చేసింది? లేక పక్క దేశానికి ఒక ఉదాహరణగా ఈ కేసుని చూపించి వారి వైపు నుండీ కూడా ఇలాంటి ఫలితాన్నె ఆశించి ఇలా చేసిందా?అదే కనుక అసలు ఉద్దేశ్యం అయితే మనం (ప్రజలు అని అర్ధం, ఈ పాడు రాజకీయ పార్టీలో, పనికి మాలిన ప్రభుత్వాల గురించి కాదు అంటుంది. )మెచ్చుకోతగ్గ ఫలితాలు అందవు.ఎందుకో కొంచెం వివరంగా చెబుతా! అసలు మనకి అలవాటు లేని పని చేస్తె ఫలితాలు ఎలా వుంటాయి?పులి ని చూసి నక్క వాతలు పెట్టుకుంటె ఎలా వుంటుంది? లతా మంగేష్కర్ బ్రేక్ డాన్స్, ప్రభు దేవా గానాలాపన చేస్తె ఎలా వుంటుంది?మన దేశ న్యాయ వ్యవస్థకి అలవాటు లేని విధంగా ఇలా తొందర తొందరగా కంగారుగా , నిఝంగానె వేగవంతంగా పూర్తి చేద్దామనుకున్న ఈ కేసు వలన మనం నేర్చుకోవలసిన గుణపాఠాలు నేర్చుకోగలిగామా? పోని తొందరగా పూర్తి చేద్దామనుకున్నప్పుడూ పధ్ధతి ఏమిటి? ముఖ్యమైన విషయాల పైనే పూర్తి శ్రధ్ధ పెట్టడమా?లేక అన్ని విషయాలని పై పైన చూసి ఒక నిర్ణయానికి రావడమా?అజ్మల్ కసాబ్ పైన పెట్టిన ఆరోపణలు ఎన్నో తెలుసాండీ?ఎనభై మూడు! అవును అక్షరాలా ఎనభై మూడు!! చాలా తక్కువ కదూ!అందుకే వాడు వాడికి వాడే విసుగుతో ఉరి వేసుకు చావక ముందే తీర్పు వచ్చింది.శిక్ష ఇంకా తేల్చవలిసి వుంది.అది కూడా తొందరగానే వచ్చేస్తుందట!అసలు అన్ని ఆరోపణలు కాకుండా ధృఢంగా ఒకటి రెండు ఆరోపణలు చాలవా?అందరి కళ్లెదుట జరిగినదానిని కూడా నిరూపించలేమని భయమా పబ్లిక్ ప్రాసిక్యూసిన్ వారికి?

ఎలాగు వాడు ఈ తీర్పు పైన హై కోర్టుకి, అక్కడ కూడా తీర్పు బాగోక పోతె సుప్రీము కోర్టుకి ,ఒక వేళ అక్కడ కూడా వాడికి నచ్చని విధంగా తీర్పు వస్తె రాష్ట్రపతి క్షమాభిక్షకి ప్రయత్నిస్తాడు కదా!(క్షమా భిక్ష అని అన్నానంటె వాడికి ఏ శిక్ష పడుతుందనుకుంటున్నానొ అర్ధం అయ్యింది కదా!)ఎలాగు ఇవన్ని పూర్తి అయ్యెటప్పటికి పుణ్యకాలం కాస్త తీరి పోతుంది. వాడిని చంపేద్దామా వద్దా అని మన వాళ్లు ఒక నిర్ణయానికి వచ్చెలోపు వాడే చచ్చి ఊరుకుంటాడు.కాబట్టి అప్పటికల్లా చాలా సమయం వుంది కాబట్టి, తాము తరచి చూసినా ఈ అధారాలు, సాక్ష్యాలు గట్రా పైవాళ్లు ఎలాగు చూస్తారనుకుని ఇప్పుడు అలా పై పైన చూసి ఊరుకోలేదు కదా!ఛా నాకు తెలుసు లెండి.మన ప్రజాస్వామ్యానికి నాలుగు స్థంభాలలో ముఖ్యమైన న్యాయ వ్యవస్థ ఇంకా అంత భ్రష్టు పట్టి పోలెదు, నేను ఒప్పుకుంటాను.ఇదంతా పని ఒత్తిడే కావచ్చు.ఆ...... అక్కడ కొంతమంది లంచగొండి న్యాయమూర్తులు వుండవచ్చు గాని మొత్తం వ్యవస్థగా చూస్తె,మిగిలిన వాటికి కంటె చాలా బెటరు.అంతే కదా!ఏ మొక్క లేనప్పుడు, కొత్తిమీర మొక్కే మహా వృక్షం.కాబట్టి న్యాయ వ్యవస్థ తప్పు లేదు అని రూఢిగా(?) చెప్పవచ్చు!

అసలు వీడిని ప్రాణాలతో పట్టుకుని మనవాళ్లు సాధించిన గొప్ప ఏంటో తెలియదు. మహా అయితే వాడి జాతీయత ప్రపంచానికి నిరూపించగలిగాము!వాడి మీద పెట్టిన ఖర్చుకి గిట్టుబాటు అయినట్టెనా?లేక అప్పుడే లేపేసి వుండాల్సిందా?ఏవొ కొంత మంది పేర్లు చెప్పాడు అని అంటున్నారు.కాని వాటి వలన మనం సాధించిన దౌత్య విజయాలు(?) ఏమిటి? ఈ ఇజ్రాయిలు, అమెరికాలు ఆ మాత్రం సాక్ష్యాలు లేక పోయినా మనని సమర్ధించేవి!ఈ చైనా వగైరాలు అవి వున్నా మనని వ్యతిరేకించేవి!మరి లాభం!ఈ విషయంలో నిజానిజాలు ఏమైనా సామాన్యుడిని వంచించె వ్యవస్థలు, ప్రభుత్వాలు వున్నంత వరకు,మనకి మిగిలేవి ఈ ఊహాగానాలే!వీటి అన్నిటికంటె నాకు అనిపించే అతి పెద్ద అనుమానం ఏమిటంటె, అసలు ఇంటిదొంగని (ఏదొ పెద్ద చేపే అయ్యుంటాది) వదిలేసె ప్రయత్నం కాదు కదా!ఇలాంటి ఆదరాబాదరా విచారణే పక్క దేశస్థులు కూడా చెయ్యాలనా మనం కోరుకోవాలి?చిన్న చేపలు మాత్రమేనా మనం పట్టుకోవలిసింది?పెద్ద చేపలు అసలు లేనె లేవా?వాడిని సులభంగా చంపేసె కంటె చావు అంటే భయం కలిపించి, వాడితో రాబట్టగలవలసినంతా రాబట్టి అప్పుడూ ఏమన్నా చేస్తె మంచిది అనుకుంటాను.

అసలు తొందరగా తీర్పు రావలిసిన కేసుల విషయంలో ఎక్కడ లేని జాప్యం చేస్తారు.ఏ మాజీ ప్రధాని మీదో,మాజి ప్రధాని కొడుకో మీదొ ఆయన చచ్చేటంతవరకు, తీర్పు రాదు.అది ఎంత అకస్మాత్తు మరణమైనా కానివ్వండి,ఎంత హృదయవిదారకమిన మరణమైనా కానివ్వండి, అతడిని దోషా, కాదా అన్నది తెలియబర్చవచ్చు కదా!తమ అధికార బలం తో తమ మీద కేసు పెట్టిన వాళ్లని చిత్రహింస పెట్టి, వారి చావుకి కారణమైనా వారిని,ముదు ముసలి కాలం వచ్చెటంత వరకు, కేసు నాన్చుతారు, అంతెగాని, మన కస్టడిలో వున్న వాడి పై ఆదరా బాదరాగా కేసు పూర్తి చేస్తారు.అసలు విషయం ఏదన్నా వుంటె అది బయటికి రాకూడదని అంతె తొందరగా మఠాష్ చేసినా ఆశ్చర్య పోనక్కరలేదు.నిఝం ఎప్పటికి ఇక బయటికి రాదు కదా!సంతోషించవలసిన విషయమే!మీ ఉద్దేశ్యం?

ఈ టపా పెద్దలకి మాత్రమే!

2010-05-01T06:11:00.000+05:30

శీర్షిక చూసి కూడా టపా చదువుతున్నవాళ్లకి చిన్న వివరణ: పెద్దలు అంటె పెద్ద మనసు చేసుకుని ఎదుటి వారి కోణంలో కూడా ఆలోచించేవారికి అని, అంతే గాని స్త్రీ పురుష జాతులలో ఏదొ ఒక దాని పైనే అవాజ్య అనురాగమో అంతులేని ద్వేషమొ వున్న వాళ్లకి కాదు అని మనవి.ఇప్పుడు ముట్టుకుంటెనే తగలబడిపోయెంత వేడి వాడి విషయం నళినీ జమీలా గారి ఆత్మ కధ. అయితే ఆ విషయం వ్యభిచారం పైనో స్త్రీ పురుష హక్కుల పైనొ చర్చలా రూపాంతరం చెంది అందరి నోట్లో నానుతుంది.అయితే చర్చ పక్క దారులు పట్టడమో (వ్యభిచారమొ లేక వేశ్యా వ్యవస్థనొ అది అసలు వృతా కాదా అని చర్చించడం)లేక పోతె వ్యక్తి దూషణలకి కారణం అవ్వడం (అది కూడా అందరి మన్ననలు పొందిన ప్రముఖ బ్లాగర్ల నుండి కావడం ) మరీ విచారకరం. ఒక్కోసారి కామెంట్ల రూపం లో చర్చించేటప్పుడు వెంట వెంటనె జవాబులు ఇచ్చె తొందరలో మనం ఎంచుకునే పదాలు మన అసలు భావాలని వ్యక్తీకరించక ఒక్కొచొట అనుకున్న దానికి విపరీత అర్ధాలకిదారి తియ్యవచ్చు.అందుకే ఈ విషయం పైన నా ఆలోచనలు వ్యాఖ్యల రూపం లో చెప్పేకంటె ఒక టపా రూపంలో రాయడమే మంచిది అనిపించింది.

అసలు వేశ్యావృత్తి (దయ చేసి వృత్తి అవునో కాదొ అన్న విషయం పక్కన పెడదాము.) మన సమాజంలో ఏ కారణం చేత చోటు చేసుకుంది?నాగరికత ప్రబలని కాలంలో అంటె ప్రస్తుత వివాహ వ్యవస్థ రూపుదిద్దుకోక ముందు నుండి అయితే వుండి వుండక పోవచ్చు.మనిషి నాగరికత ముసుగులో తనకి తాను ఏర్పరుచుకున్న కొన్ని నియమ నిబందనల కారణంగా ఇప్పుడు వున్న వివాహ వ్యవస్థ రూపు దిద్దుకుంది అన్నది నిర్వివాద విషయం.కాని దానికి ముందు మనిషి (ఆడ మగ ఇద్దరున్నూ, ఇక మీదట మానవుడు అంటాను లెండి మీకు మనిషి అన్న మాట కేవలం పురుషుడికి మాత్రమే చెందిన పదం అని అనిపిస్తే:-)) కొన్ని జంతు జాలంలో వున్నట్టు సమూహాలలో స్త్రీ పురుషులు అందరు ఎవరి తో ఎవరన్నా జత కట్టినట్టు వుండే వారా? లేక సమూహంలో వున్నా కూడా ఒక వ్యక్తి తోనె జంట కట్టేవారా అన్నది తెలీదు.ఒక్కొక్కరు ఒక్కో సిధ్ధాంతం లేవదీసినా అసలు విషయం మనం కేవలం ఊహించగలమే గాని నిరూపించలేము.పురాతన కాలంలో మానవుడు వంట పాత్రలకి ఏ పదార్ధం వాడేవాడు , ఒళ్లు కప్పుకునేటందుకు ఏమి వాడే వాడు అన్నది ఆధారాలు కనిపెట్టవచ్చు గాని, తన జతగాడు/జతగత్తె విషయంలో అతడి అభిప్రాయాలు ఎలా తెలుస్తాయి?సహజం గానె బలవంతుడైన మగవాడి పై ఆహార సముపార్జనకై స్త్రీ ఆధార పడి వుండవచ్చు. ఆటవిక న్యాయం లో బలవంతుడిదే రాజ్యం.మిగిలిన జంతుజాలంలో కూడా ఆహార సముపార్జన లేక రక్షణ భాధ్యత మగ జాతిదే కదా!శ్రమ తో కూడిన పని బలశాలి చెయ్యడమే సబబు కూడా.కొని జంతువులలో తేడా వుండవచ్చు. కుటుంబ వ్యవస్థ, ఆస్తులు తన సంతానాన్ని దాటిపోకుడదనో, ఒక స్త్రీ కొరకు ఇద్దరు పురుషులు గొడవ పడడం ఎందుకనుకునో ఒక స్త్రీ కి జీవితం లో ఒకడే పురుషుడు మాత్రమే వుండాలని నియమాలు ఏర్పడి వుండవచ్చు.మన చరిత్రలో కూడా బహు భార్యత్వం వున్నంత ప్రబలంగా బహు భర్తృత్వం లేదు.మన పురాణాలలో వున్న బహు భర్తృత్వ ఉదాహరణలు కూడా చాలా తక్కువ.భారత సమాజంలో ప్రాచుర్యం లో వున్న పురాణాలలో కూడా ఈ విషయం లో మనకి ఒక అవగాహనకి రావడం కష్టం.బహు భార్యత్వం చెందిన కాలం తరువాత బహు భర్తృత్వం కూడా కనిపిస్తుంది.కాబట్టి ఏది ముందు ఏది తరువాత అన్నది ఊహించలేము.ఏక పత్ని వ్రతాన్ని భోదించిన తరువాత బహు భార్యత్వం కూడా కనిపిస్తుంది.కాబట్టి వాటిని పరిగణనలోకి తీసుకోకుండా వుంటేనె మంచిది, మరింత గజిబిజి అవ్వకుండా వుండడానికి.

నాకు అనిపించేది ఏమిటంటె ఆలోచించె శక్తి వున్న మానవుడు బలశాలులు బలహీనులని అణగదొక్కి తమ ఇష్టారాజ్యంగా ప్రవర్తించకుండా వుండడానికి కొన్ని నియమాలు నిర్దేశించుకున్నాడు.పోషణ భారం పురుషుడిది, పిల్లలని సాకే భాధ్యత స్త్రీ కి పంచుకున్నారు.అందరికి ఆమోద యోగ్యమైన నియమాలు ఎప్పుడూ ఏర్పడలేదు.వివాహ చట్రం లో వున్న కొన్ని లోపాలు వలన ఈ వేశ్యా వ్యవస్థ రూపు దిద్దుకుంది.వివాహ వ్యవస్థలో కేవలం పురుషులు మాత్రమే అసంతృప్తులు అనుకోవడానికి వీలు లేదు.మరి స్త్రీ కి ఇటువంటి వివాహానికి వెలుపల ప్రత్యమ్నాయ అవకాశం ఎందుకు ఏర్పడలేదు? ఒకటి: పురుషుల స్త్రీల శరీర ధర్మాలు వేరు.దాత గ్రహీతలుగా వేరు వేరు లక్షణాలు వున్న స్త్రీ పురుషుల తేడాల వలన బహుశా అటువంటి అవకాశం ఏర్పడలేదు అనుకోవచ్చు. రెండు: శీలానికి కలిపించిన పవిత్రత వలన.కోల్పోవడానికి అది భౌతిక అంగమూ కాదూ, కోల్పోయినంత మాత్రాన కొట్టొచ్చినట్టు కనిపించే విషయమూ కాదు.ముందు గానే వివాహ బంధం లో వున్న స్త్రీ కి వివాహేతర ప్రత్యమ్నాయ అవకాశం వలన కొత్తగా పోయె కన్యత్వం ఏమి లేదు.కాని జంటలో బయటి వ్యక్తి తో కలవడం వలన కలిగే అక్రమ సంతానం పురుషుడు మెడకి చుట్టుకుపోక పోయినా స్త్రీ కి అలా కుదరదు.అది కాకుండా ముందుగానె ఒక బంధంలో వున్న జంటలో పురుషుడు తనది కాని సంతానాన్ని పోషించేటంత ఉదారత చూపించాలనుకుని వుండడు. దీనిని బట్టి బలవంతుడు అయినా పురుషుడు తన సౌకర్యార్ధం కలిపించినది గాను,సమాజం లో అసంతృప్త వివాహితులు, అవివాహితుల వలన అసాంఘిక పరిస్థితులు తలెత్తకుండా ఒక సేఫ్టీ వాల్వ్ లా ఇది ఏర్పడింది అనుకోవచ్చు.

అయితే ఇది పూర్తిగా పురుషుని స్వార్ధమేనా? స్త్రీ పురుషులు సమానమని భావించే పాశ్చాత్య దేశాలలో, విచ్చల విడి శారీరక సంబందాలు వున్న సమాజాలలో, శారీరక శీలాని కంటె మానసిక స్వచ్చతకి, నిజాయితీ కి విలువ వున్న చోట కూడా ఈ వ్యవస్థ అమలు లో వుంది. ప్రతి సమాజం కి మరో సమాజం కి నీతులు, నియమాలు, మంచి చెడులు వేరుగా వున్నా మౌలికంగా మానవుని స్వభావం ఒకటె!మరి అటువంటి సమాజం లో నళినీ జమాలిని తప్పు దోవ పట్టించే కుహనా స్త్రీ వాద సంఘాలు లేవు.హెచ్చు మోతాదులో పురుషుని జులుం లేదు.స్త్రీ కి తనకి కావాలసినది తెలుసు.అయినా ఈ పరిస్థితి వుంది.సులభ పధ్ధతిలో సంపాదన పై అందరికి ఇష్టం వున్నా దొంగతనం లాంటి సంఘ వ్యతిరెక పనులు అందరు చెయ్యరు కదా.కేవలం సమాజం నియమాలు మారినంత మాత్రాన, చట్ట వ్యతిరేకం కాకపోయినా అది గౌరవ పదమైన విషయం అయితే కాదు కదా!మరి ఎందుకు సొంతంగా కొందరు ఇలాంటి పనులు చేస్తారు? తప్పు దారిలో నడిచే వారు ఎప్పుడు వుంటారు.ఇది తప్పు అని ఒప్పుకుంటే దీనిని రూపు మాపడం అంత కష్టమా?సులభంగా శారీరక సుఖం దొరికే చోట కూడా ఆత్మ న్యూనత వున్న వారు, వివాహం వ్యర్ధం అయిన వారు(భార్యా మరణం వగైరా) డబ్బులు ఇచ్చి దీనిని పొందుతారు.మరి ఈ వ్యవస్థ రూపు మాపేస్తే?ఈ వృత్తిలో వున్న వారికి వేరె జీవనోపాధి ఇవ్వడం వలన వేశ్యా వ్యవస్థ రూపు మాసిపోతుందా?శారీరక అవసరాలు అందరికి తీరినప్పుడే ఈ వ్యవస్థ అవసరం వుండదు.అలా అవ్వాలంటె మనిషి తిరిగి జంతు ప్రవుత్తి అలవరుచుకోవాలేమొ?ఈ వ్యవస్థ అవసరం లేక పోయిన ఇలా సులభంగా డబ్బు సంపాదించుకుందామనుకున్న వారు, స్త్రీ పురుషులు ఎవరైనా మరో సులభ పధ్ధతి అనుసరిస్తారేమో కాని కష్టపడి జీవితం సాగించరేమొ?ఇక ఈ రొంపిలోకి బలవంతంగా లాగబడిన వారికి,పరిస్థితులు బలవంతం చేసి ఇలా జీవనం సాగించడానికి తప్పని వారికి ఇది చట్ట బధ్ధం చెయ్యడం వలన లేక మరొ జీవనోపాధి కలిపించడం వలన సహాయ పడవచ్చు.ఈ విషయంలో నిర్మాణాత్మక చర్చ అవసరం.

"అతడు మనిషి"- కధా పరిచయం (గ్లాసు సగం నిండుగా వుందా?ఖాళీగా వుందా?)

2010-04-28T00:03:00.000+05:30

ఒకానొక చర్చలో మిత్రుల తో కొంచెం అభిప్రాయ భేధం వచ్చింది.మన ప్రపంచం లో అసమానతలు నెమ్మది నెమ్మదిగా తొలగి పోతున్నాయని వారు అంటే నేను ఇంకా జరగవలిసింది చాలా వుంది అని అన్నాను.అసమానతలు వున్న విషయం లో ఇద్దరిది ఏకాభిప్రాయం అయినా వాటి స్థాయి ఎంత అన్నదాని పైన విభేధించాము.అయితే మధ్యే మార్గం గా గ్లాసు లో నేను సగం ఖాళీని చూస్తున్నానని,మీరు సగం నిండుగా వున్నది చూస్తున్నారని చెప్పి చర్చ ముగించాను. ఈ నేపధ్యం లో నేను చదివిన ఒక మంచి కధ గుర్తుకి వచ్చింది.మన నిత్య జీవితం లో కనిపించె సాధారణ విషయాల వెనక మనం అసమానతలని ఒక్కొసారి గమనించలేము.అలా జరగడం సహజమని అనుకుంటూ,అందులో ఒక వివక్ష వుందని కూడా మన స్పృహకి అందదు.అటువంటి ఒక మామూలు సంఘటన వెనక వున్న వివక్ష ని ఎత్తి చూపించె కధ ఇది.చాలా రోజుల గా ఆ రచయత వివరాలు సంపాదించుదామని ప్రయత్నించి ఇక కుదరదని ఈ టపా రాయడానికి ఉద్యుక్తుడని అయ్యాను.నాకున్న చెడు అలవాట్లలో ఇది ఒకటి,కధల, పుస్తకాల లో విషయం ఎప్పటికి మర్చిపోలేకపోయినా ఆ సదరు రచయత పేరు,కధ పేరు మర్చిపోతుంటాను.అయితే "అతడు మనిషి" అన్న ఈ కధ ప్రముఖ కధల పత్రిక "విపుల"లో ముప్పై వసంతాల వార్షిక సంచిక ప్రత్యేకం గా నిర్వహించిన కధల పోటిలో బహుశా మొదటి బహుమతి పొందిన కధ.ఇంత కన్న వివరాలు గుర్తు లేనందుకు నన్ను క్షమించండి.ఎవరైనా ఆ వివరాలు తెలపగలిగితే అవి ఇక్కడ పొందుపరుస్తాను.

*జాజిమల్లిగారు అందించిన వివరాలు ప్రకారం ఈ కధ రాసింది,అద్దేపల్లి ప్రభు.కృతజ్ఞతలు జాజిమల్లి గారు.*

ఇక కధ విషయానికి వస్తె కధా నాయకుడు ప్రభుత్వ ఉద్యోగి.ఒక పల్లెటూరు లో కొంచెం పని పడి వెళ్లిన అతడు భీకరమైన తుఫానులో చిక్కుకుని ఒక పూరి గుడిసె లో తల దాచుకుంటాడు.ఒక మూడు రోజుల పాటు, ఆ గుడిసెలో వున్న ఒక చిన్న కుటుంబం ఇచ్చిన ఆశ్రయంతో ఆ తుఫాను ధాటిని తప్పించుకుంటాడు.భార్య భర్త వారికి ఒక చిన్న పిల్లవాడు,ఇది వారి కుటుంబం.ఆ పిల్లవాడిలో తన కొడుకుని చూసుకుంటాడు మన కధా నాయకుడు."చిరంజీవోడిలా" స్టెఫ్ఫులు వేస్తున్న కొడుకుని చూసి మురిసిపోయే తండ్రి,తండ్రి కొడుకల్ని ప్రేమగా విసుక్కునే భార్య! వారిని చూసి మాటి మాటికి తన కుటుంబం గుర్తుకి రావడం,తను వారిని చేరుకునేదెప్పుడా అని దిగులు పడడం, ఇదే కధానాయకుడి కాలక్షేపం.తన జీవితంలో ఏ రోజు తినని, తింటానని ఊహించని భోజనం అతడీకి రుచిగా కూడా అనిపిస్తుంది, బహుశా ఆకలి వలన ! ఎప్పుడు ఈ వర్షం,తుఫాను వెలుస్తుందా అని అతడు ఆ గుడిసె యజమానిని అడుగుతూ వుంటాడు.చిన్న తడిక గుడిసెకి తలుపులా వున్నా బయట వర్షం ని ఎంత మాత్రం ఆపలేదు.మూడు రోజులగా తడిసి ముద్దయి పోయిన కధా నాయకుడు వర్షం కొంచెం తెరిపినివ్వడం తో బయలు దేరుదామని అనుకుంటాడు.అయితే ఇంకా మోకాలు లోతు వున్న నీటిలో దారి తెలియక బయటకి వెళ్లడం మంచిది కాదని ఆ గుడిసె యజమాని నిలువరిస్తాడు.కాని ఇంకా ఇంటికి దూరంగా తన కుటంబమ్ని వదిలి ఉండడం ఇష్టం లేని కధానాయకుడు బలవంతం చేస్తె బస్సులు ఆగే చొటు వరకు తోడు వస్తానని అతడు కూడా బయలు దేరుతాడు.తనకి ఇంత సహాయం చేసిన వ్యక్తికి ఇద్దామన్నా డబ్బులన్ని తడిచి వుంటాయి.తనకి చేసిన మేలుకి కృతజ్ఞతలు తెలుపుతున్న కధానాయకుడికి "అతడు" ఇచ్చిన జవాబు: "దీనికి మరీ ఇంత ఇది అయిపోవాల్సినది ఏముంది సారూ?ఇందులో నేను అంతలా సేసింది ఏముంది?ఒక వేళ నేను నీ లానె వానలో చిక్కుకుపోయి నీ ఇంటి తలుపు తడితే నువ్వు మాత్రం నన్ను లోపలికి రానీయవా?నాకింత కూడు ఎట్టకపోతావా?అదే నేను సేసింది కదా"అంటాడు. కధ మొత్తం ఆ ప్రభుత్వుద్యోగి చెబుతున్నట్టు ప్రధమ పురుష వాచకంలో వుంటుంది.అతడు ఆ గుడిసె మనిషిని అతడూ అని సంబోధిస్తాడు. అతడు ఇచ్చిన జవాబుకి కధానాయకుడి చెంప చెల్లుమని అన్నట్టు అనిపిస్తే మనం కూడా వులికిపడడం సామాన్యమే!

కధా గమనం అంతా సామాన్యంగా వున్నా ఆ చివరి మాటతోనెఒకవిలువ ఆపాదించబడుతుంది,కధకి.ఒకసారి అబ్రకదబ్ర గారు తెలుగు కధల గురించి జరిగిన చర్చలో సందేశాలు ఇచ్చె కధ కన్నా థ్రిల్ కలిగించే కధని మాత్రమే ఇష్టపడతానని ఇక్కడ చెప్పారు.కొంతవరకు ఆయన అన్నది నిజమే కావచ్చు,ముఖ్యంగా పెరట్లో కొట్టేసిన చెట్ల గురించి,వృధ్ధుల ఓల్డేజి హోముల గురించి,రేపటి పౌరులు నేడు కోల్పుతున్న బాల్యం గురించి,పదే పదే చెప్పిన సందేశం మళ్లీ ఇచ్చే కధలని ఎవరైనా ఇష్టపడరు.కాని ఒక సందేశం ఇచ్చినా గుండెలకి హత్తుకు పోయెటట్టు చెప్పిన ఈ కధ నేను చదివిన మంచి కధలలో ఒకటిగా ఎప్పటికి నిలిచిపోతుంది.ఎవరైనా చెప్పండి మరి గ్లాసు సగం నిండుగా వుందా లేక ఖాళీగా వుందా?

'బలిపీఠం' మీద రంగనాయకమ్మ గారి చివరి మాట మీద నా కొసరు మాట!

2010-04-20T21:09:00.000+05:30

స్వాతి వారపత్రిక చదవడమంటేనె సాహిత్యం చదవడమని,యండమూరి వీరెంద్రనాధే అసలు సిసలు రచయత అని అపోహలో వున్న నాకు మా నాన్నగారు మందలింపు వలన కొంత కనువిప్పు కలిగింది.ఆయన కలెక్షన్ వలన కొంతయిన మంచి సాహిత్యం చదవగలిగాను.అలాంటి నేను రంగనాయకమ్మ గారి మీద విమర్శ చెయ్యడం అంటే వుట్టికి ఎగరలేనమ్మ స్వర్గానికి ఎగిరినట్టె అని నాకు తెలుసు.దీనిని విమర్శ అనే కంటె నా అజ్ఞానం అనే అనాలి.నాకు తెలియని విషయాలు ఎవరైనా తెలియజేస్తారని ఆశిస్తున్నాను.చాలామంది రంగనాయకమ్మ గారు తన చిన్నతనంలో అంటే 23 సంవత్సరాల వయసులో రాసిన బలిపీఠం చదివే వుంటారు.అయితే నేను చదివింది,2008 మార్చి లో వచ్చిన 13వ ముద్రణ.దానికి ఆవిడ రాసిన ముందుమాట,కధ వెనక్కి వెళ్ల్లిపోయిన కొ.కు.గారి పీఠిక,చివరాఖరిలో తిరిగి రంగనాయకమ్మ గారు రాసిన చివరి మాట చాలా ఆలోచింప చేసాయి.

చిన్నతనంలో తన తెలియని తనం వలన కధలో రాసిన తప్పులని ఆవిడే చాలా చక్కగా విమర్శించారు.కాలగతిన మన ఆలోచన తీరు మారడం సహజం.బహుశా నేటి ఆవిడ భావజాలానికి బాగా విరుధ్ధంగా వున్నందున ఆవిడ ఒక సంజాయిషీలా ఈ చివరి మాట రాసుకున్నారు.నాకయితే అసలు కధ కన్నా ఈ చివరి మాటే ఇంకా నచ్చింది.ఈ పుస్తకం చదవని వారికి అవసరమయిన దగ్గర కొంత కధ వివరించరావచ్చు.అలసట తెలియక వినండి.కమ్యూనిస్టు కావలిసిన కధానాయకుడు రచయత (స్వయంగా చెప్పుకున్న)అజ్ఞానం వలన ఒక సంఘ సంస్కర్తగా మారిపోతాడు.కమ్యూనిస్టు భావజాలానికి ఆకర్షితుడు అవుతున్న భాస్కర్, మహర్షి గారి మందలింపు వలన తన 'పిచ్చి ' ఆలోచనలు కట్టి పెట్టి,సంస్కర్త గా మారిపోయేటట్టు చెయ్యడం తను చేసిన సంఘద్రోహంగా ఆవిడ భావించారు.ఆ వయసు నుండే రాజకీయ చైతన్యం కలిగిన వారిగా రంగనాయకమ్మ గారి ఆలోచనలు అలా కధలో చొరబడడం ఆశ్చర్యం కలిగించవు.కాకపోతే అది కధని కధాగమనాన్ని అస్సలు ప్రభావితం చెయ్యని విషయం.అసలు కమ్యూనిజం వలనే సమ సమాజం ఏర్పడుతుంది అని అప్పుడు కరుణ సమాజం వంటి ఆశ్రమాలు,భాస్కర్ వంటి సంఘ సేవకుల అవసరం వుండదని ఆవిడ అభిప్రాయం.అనాధలు అణగదొక్కపడ్డవారు వుండని సమాజం కోసం కమ్యూనిజం అవసరమని తెలిపారు.కమ్యూనిజం గురించి ఇంకా వివరిస్తూ,వేణుగోపాలరావు గారి పెదనాన్న బర్మా లో సంపాదించిన ధనమంతా (రిక్షాలు అద్దెకిచ్చి,హోటల్లు నడిపి)దోపిడి ధనమని రచయత్రి చెబుతారు.ఇక్కడ కమ్యూనిజం పైన నా అజ్ఞానాన్ని బయట పెట్టుకుంటున్నాను.

ఒక వ్యాపారం/పరిశ్రమ వృద్ధి చెందడానికి కార్మికుల పనితనం,నిబద్ధత ఎంత అవసరమో సరైన దిశానిర్దేశం కూడా అంతే అవసరం.లాభాలలో సరైనా వాటా ఇవ్వకపోతే పనివారిని దోచుకున్నట్టు అయితే మరి నష్టాలలో కూడా వాటా తీసుకుంటారా?పింకు స్లిప్పులు,వేతన కోతలు కమ్యూనిజం లో అంగీకారయొగ్యమేనా?కాదు కదా!మహా అయితే ఆ ఏడు బోనస్సులు వద్దంటారేమో?కాని ప్రతి ఏడు అల్లాగే వుంటే?అటువంటప్పుడు ఆ వ్యాపారాన్ని,లాభాల దిశలో నడిపినందుకు యజమానికి లాభాలలో కాస్త ఎక్కువ వాటా తప్పు కాదేమో?కమ్యూనిజం గురించి నాకేమి తెలియదని ముందే మనవి చేసుకుంటున్నాను.

ఇక కధ విషయానికి వస్తే రామనాధం గారు బాల్య వితంతువు అయిన అరుణ విషయం భాస్కర్ వద్ద ఎత్తినప్పుడు తనకు తార తో వున్న స్నేహం గురించి చెప్పకుండా మిన్నకున్నందుకు భాస్కర్‌ని ఉతికి ఆరేస్తారు రంగనాయకమ్మ గారు.సాదారణంగా ఎవరైనా పెళ్లి విషయం మాట్లాడడానికి సిగ్గు పడతారు.అటువంటి మొహమాటంతోనె భాస్కర్ తార విషయం చెప్పడానికి ఇబ్బంది పడి వుండచ్చు అని నా అభిప్రాయం.అది కాకుండా నేడొ రేపొ కన్ను మూసే పరిస్థితిలో అరుణని పెళ్ళి చేసుకుని ఆవిడ కి మనస్శాంతి కి కారణమవదామనుకున్నట్టూ కూడా అనిపిస్తుంది.ఎలాగూ ఆవిడ చనిపోతె తారని పెళ్లి చేసుకోవడానికి అభ్యంతరం ఏమి వుండదని భాస్కర్ అభిప్రాయం కూడా కావచ్చు.అయినా అరుణ తన అనారోగ్య కారణంగా భాస్కర్ సుఖ సంతోషాలకి లోటు జరగ వచ్చని,రెండో పెళ్లి చేసుకుంటే తనకి ఏమి అభ్యంతరం లేదు అని చెబుతుంది.నిజంగా తారని ఇష్టపడ్డవాడె అయితే ఆమెని కూడా చేసుకోవచ్చు కదా!బహుశా రెండు పెళ్లిల్లు చేసుకుంటే సమాజం లో తన ఇమేజి కి చేటు అని అలా చెయ్యలేదు అనిపిస్తుంది.అలా కాకుండా ముందు అరుణని పెళ్లి చేసుకుని ఆమె చనిపోతే మళ్లీ తారని చేసుకుంటె అటు తన సంస్కరణ కండూతి తీరుతుంది,తన మనసుకి నచ్చిన తార తో వివాహం కూడా జరుగుతుందని అనుకుని వుంటాడు.

ఆ విధంగా వర్ణాంతర వివాహం జరిగి భాస్కర్ అరుణ ఒకటవుతారు.కాని తన జాత్యాహకారం తో తన సంసారాన్ని అరుణ పాడు చేసుకుంటుంది.అయితే అరుణకి కనువిప్పు కలిగే విధంగా ఆవిడగారి కజిన్ సిస్టర్ అమల మతాంతర వివాహం చేసుకుని కూడా చక్కగా సంసారం సాగిస్తుంది.అమల వుద్యోగం మాని ఇంట పట్టున వుంటు అందరి మంచి చెడ్డ చూస్తు,వ్రతాలు నోములు చేసుకోవడం రంగనాయకమ్మ గారికి నచ్చలేదు.ఆర్ధిక స్వాతంత్రం ప్రతీ ఒక్కరికి అవసరమని చెబుతారు.ఒక సంధర్బంలో అరుణ అమలని "నువ్వు బొట్టు పెట్టుకోవడం మీ ఆయనకి ఇష్టం లేకపోతె ఏమి చేస్తావు"అని అడుగుతుంది.దానికి అమల ద్వారా చాల గొప్ప సమాధానం చెప్పిస్తున్నాను అనుకుని రంగనాయకమ్మ గారు ఇలా అనిపించినందుకు బాధపడ్డారు."మానెస్తాను అక్కా!ఒకరికి ఒకరు అనుగుణంగా వుంటేనె కదా,సంసారం నడిచేది".అనుగుణంగా వుండడం అంటే భర్త మతానికి భార్య మతం బానిస అవ్వడమా అని ప్రశ్నిస్తారు.బహుశా అమలకి తన మత విశ్వాసాల కంటె భర్త మీద వున్న ప్రేమానురాగాలు ఎక్కువ అని అనుకోవచ్చు కదా?ఎవరైనా ఇద్దరు వ్యక్తులు మతాంతర,వర్ణాంతర వివాహం చేసుకునే ముందే ఇటువంటి విషయాలు ముందుగా మాట్లాడుకోవాలని ఆవిడ సూచిస్తారు.కాకపోతె నాకు ఒక అనుమానం.కమ్యూనుజం పై రంగ నాయకమ్మ గారి అభిప్రాయాలు మారినట్టె,మతం పైన వ్యక్తుల అభిప్రాయం మారవచ్చు కదా!పెళ్లికి ముందు మాట ఇచ్చినట్టు పెళ్లి తరువాత మాట నిలుపుకోవడం అవుతుందా?ఒక ఉదాహరణ.పెళ్లి అయిన జంటలో భర్తకి తాగుడో,పేకాటో లేక సిగరెట్లో అలవాటు అయ్యింది అనుకోండి,భార్య మానమని అడగడం,ఇంకా చెప్పాలంటె అతడి ఆరొగ్యం కోసం పోరు పెడితే ఇది "నా స్వవిషయం,ఇలా పోరు పెట్టడం నా స్వేచ్చకి భంగం కలిగించడమే!నీ పెత్తందారితనం కి నా నమస్కారం" అని అతడు విడిపోతానంటె ఎవరైనా సమర్ధిస్తారా? మతం కూడా ఒక మత్తు లాంటిదే కదా!దానిని మానమని ఒకరికి ఒకరు చెబితే అది మంచికే అని ఆలోచించాలా లేక ఇది నా వ్యక్తిగత స్వేచ్చకి సంబందించిన విషయం అని వాదనకి దిగాలా?నాకు తెలిసి కమ్యూనిష్టులు మతానికి వ్యతిరేకం కదా!మరి రంగ నాయకమ్మ గారి అబిప్రాయం ఏమయ్యి వుంటుంది?ముందుగానె చెప్పినట్టు ఈ ప్రశ్నలన్ని నాకు తెలియక అడుగుతున్నవే గాని,విమర్శిద్దామని కాదు,తెలిసిన వారు తెలియబరిస్తే సంతోషిస్తాను.

సానియా-ప్రతిజ్ఞ

2010-04-09T15:57:00.000+05:30

నేను సానియా మీద అలిగాను. ఈ పోస్టు వెయ్యడానికి కూడా మనసొప్పలేదంటే నమ్ముతారా?కాకపోతే సాటి పెళ్లికాని మగ బ్లాగర్ల కోసం(అంటే వారి క్లారిఫికేషన్ కోసం) ఇది రాస్తున్నా!అసలు నాకు సానియా మీద కోపం ఎందుకొచ్చిందో చెప్పలేదు కదా!నా కంటే అందగాడా షోయబ్ మాలిక్?(డౌట్ వుంటే నా ప్రొఫైలు ఫొటొ చూడండీ! )నా కంటే ఈడు జోడునా వాడు? నాలాంటి యంగ్ హాండ్సము కుర్రాడిని వదిలేసి ఏవడో కౌన్ కిస్కా గొట్టాం గాడిని పెళ్ళి చేసుకుంటుందా సానియా?అసలు వాడిని చేసుకుని ఏమి సుఖపడుతుందండీ?వాడూ అంతర్జాతీయ క్రికెటరు కదా?సంవత్సరం లో పది నెలలు క్రికెట్ అంటు దేశం (ప్రపంచం) మీద పడి తిరుగుతాడు.అసలు సానియాని ఏమి పట్టించుకుంటాడు?(అఫ్‌కోర్స్ ఇప్పుడు మనోడి పరిస్థితి,వాళ్ల టీము పరిస్థితి చూస్తే అది అసంబద్దంగా అనిపిస్తుంది అనుకోండి.)ఇక ముద్దు ముచ్చట,ఆట పాట ఏమి జరుగుతాయి పాపం పిల్లకి?అదే నన్ను చేసుకుంటే ఎంత సుఖ పడుతుందని!

మనకున్న రాజ కార్యాలు అన్ని మానుకుని మరీ సానియా బాగోగులు చూసుకునే వాడిని కదా!అంతగా కావాలంటే తనకి టెన్నిస్ కోచ్ గా వుండి తన తో పాటు ఎప్పుడు తోడు నీడగా వుండేవాడిని కదా!(ఇంతకి టెన్నిస్ అంటే ఒక బల్ల వుంటాది,దాని మీద రంగు రంగు పెద్ద సైజు గోళీ కాయలు వుంటాయి.వాటిని ఒక పొడగాటి కర్ర పుల్ల తో పొడుస్తుండాలి అదే కదా?) నాకు తెలుసండి మీరు మరీను!(ఇక చూసుకోండి.చిన్న క్లూ ఇస్తే చెలరేగిపోను?) నెక్స్ట్ ఒలింపిక్స్ లో మనకి మాణ్ణాలుగు స్వర్ణ పతకాలు తెప్పించెస్తాను.సానియా తో పాటు మన దేశం కూడా క్రీడల్లో ముందుకు దూసుకు పోయేది.హ్మ్ ......ఏమి చేస్తాము చెప్పండి,ఎవరి రాతని ఎవరు మార్చగలరు?ఇది మన కోప కారణం.

అంతే తప్ప షోయబ్ మాలిక్ పాకిస్తాని అనో, భారత దేశంలో ఇంకెవరు దొరకలేదనొ ఆడిపోసుకోవడం అర్దం లేనిది.అతడు ఏదొ తప్పు చేసాడని మనం అనుమానాలు వ్యక్తపరిచి ఇంత తెలివి తక్కువగా వాడి బుట్టలో పడ్డావేంటి సానియా అని జాలి పడక్కరలేదు.అతడు తప్పు చేసాడొ లేదో గాని ఆ వివాదం ఇప్పుడు ముగిసింది.ఆ నిజానిజాలు మనకి తెలియవు.ఇంకొంతమంది,అసలు ఇంత తొందరగా వీళ్లు ఎందుకు పెళ్లి ఎందుకు చేసుకుంటున్నారని,కళ్యాణమొచ్చినా,కక్కొచ్చిన అసలు ఆగదు,ఆ కక్కే ముందు వస్తే అస్సలు ఆగదు అని ఛంఢాలమైన అనుమానాలు వ్యక్తపరుస్తున్నారు.అది చాలా అసంబధ్ధంగా అనిపిస్తుంది.అది కాకుండా మనకి తెలియని మనుషుల వ్యక్తిత్వం పై అంత చౌకబారు ఆరొపణలు చెయ్యడం మన దిగజారుడుతనం ని చాటి చెబుతుంది.ఒక మనిషి మంచొడా చెడ్డొడా అన్నది వాడి జాతీయత మీద ఆధార పడదు.ఈ సంకోచపు చట్రాలను వదిలి సాటి మనిషిని సాటి మనిషిలా చూడాలి.అంతే కాకుండా ఎదుటి వ్యక్తికి వ్యక్తిగత స్వేచ్చ అనేది ఒకటి వుంటుంది అని (సెలబ్రిటి అయినా) గుర్తుంచుకోవాలి.

ఈ ఆడ సెలబ్రిటిలు అందరు ఇలా రెండో పెళ్లి వారిని ఎందుకు పెళ్లి చేసుంటారని ఒక పెద్దాయన అనుమానం వెలిబుచ్చారు,దానికి సమాధానం నా దగ్గర లేదు గాని సానియా నన్ను ఎందుకు పెళ్లి చేసుకోవడం లేదొ మటుకు తెలుసు.చిన్నప్పుడు హైస్కూలువరకు తను చేసిన ప్రతిజ్ఞ చాలా సీరియస్సుగా తీసుకుందట!ఆ ప్రతిజ్ఞ ఏమిటంటారా?

"భారత దేశం నా మాతృదేశం.భారతీయులు అందరు నా సోదర సోదరీమణులు........"

తప్పుగా అనుకోకండీ ప్లీజ్!

2010-04-08T18:51:00.000+05:30

టాపిక్ అలాంటిదండి,అందుకే ముందుగా క్షమాపణలు అడిగేస్తున్నా!ఈ రోజు ఉదయం అర్జెంట్ పని మీద బైక్ మీద బయటికి వెళ్లాల్సిన పని పడింది.కొద్ది దూరం వెళ్లిన తరువాత బండిలో చూస్తే తైలం తక్కువనిపించింది.సరెలెమ్మని పెట్రోల్ బంకు కి వెళ్తే తాళ్లు దారాలు కట్టి ఎంట్రన్సు దగ్గర అడ్డం పెట్టారు.అయినా లోపలికి వెళ్లేవాళ్లు వెళుతున్నారు కదాని నేను కూడా వెళ్లా!తీరా చూస్తె త్రివర్ణ జెండా(జాతీయ జెండా కాదులెండి ఒక పార్టీ జెండా) పట్టుకుని కొంతమంది బంకు ఓనరు తో 'బందు కరో బందు కరో'అని అరుస్తున్నారు.ఏమిటబ్బ విషయం అని అడిగితే నిన్న దంతేవాడ జిల్లాలో నక్సల్స్ దాడి కి వ్యతిరేకం గా చత్తీస్‌ఘడ్ ప్రతిపక్షం వాళ్లు కర్రలు గట్రా పట్టుకుని చాలా శాంతియుతంగా ధర్నా చేస్తున్నారంటా.అదే చెప్మా ఏంటి రోడ్లు కూడా ఇంత ప్రశాంతంగా వున్నాయని అప్పటివరకు అనుకుంటున్నా.బస్సులు తదితర రవాణా సదుపాయాలు కూడా ప్రభావితం అయ్యాయి.ఇంతలో ఒక పెద్దాయన బాటిల్ పట్టుకుని పెట్రోలు కోసం వచ్చాడు.ఎంత అవసరమో మరి అంతలా బతిమాలాడాడు.ఒక పోలిసు జోక్యం పుణ్యమా అని బంకు వాడు పెట్రోలు పోసాడు.ఆ పోలిసు జోక్యం చేసుకోకపోతె వాళ్లు మటుకు ఉపేక్షించేటట్టు అస్సలు లేరు,వారి సొమ్మేమి పోతుందొ మరి!

అసలు ఈ బందులు గట్రా కేవలం వారి బల ప్రదర్శన కోసమే తప్ప ప్రజల సమస్యలు వారికేమి పడతాయి?ఓ రెండు నెలల కిందట ఇక్కడి అధికార పార్టి కేంద్ర ప్రభుత్వం కి వ్యతిరేకంగా ధరల పెంపు పైన తీవ్రమయిన బందు చేసింది.అసలే పవర్ లో వున్న పార్టి!ఇక పోలిసులు కూడా బందు పూర్తిగా సఫలం కావడానికి తమ వంతు కృషి చేసారు.అసలు ప్రజల అత్యావసరాలు కి ఏ మాత్రం లోటు రానివ్వం,ప్రజల వాహనాల రాక పోకలని అడ్డుకోము అన్నా వీళ్లు సొంత వాహనాలు లేని వారి పరిస్థితి పట్టించుకోరేమి?ఒక మందు మాకు కొందామన్నా,వెళ్లి రావడానికి పబ్లిక్ ట్రాన్స్‌పోర్టు వుండదు.ఆ రొజయితే ATMలు కూడా బందు చేసారు.పెట్రోలు బంకులు చెప్పక్కరలేదు.అసలు ధరలు పెంచింది కేంద్ర ప్రభుత్వం అయితే వీళ్లని ఎన్నుకున్న పాపానికి ఈ ప్రజలిని ఇలా ఎందుకు హింసించారో అర్దం కాదు.

అక్కడికి ధరలు వీళ్లే పెంచినట్టు.బహుశా కేంద్రం తమ ప్రత్యర్ది పార్టి వారిని గెలిపించినందుకు శిక్ష కాబోసు!ఇక మీదట బుద్దొచ్చి కేంద్ర రాష్ట్రాలలో ఎవరొ ఒకరినే గెలిపించాలి.ఈ రోజు విషయానికి వస్తే అసలు నక్సల్స్ మీద తమ అసంతృప్తి వెలిబుచ్చడానికి వీళ్లకి మామూలు ప్రజానికమే దొరికారా?వెళ్లి ఆ దండకారణ్యంలోనె నక్సల్స్ దగ్గరికి వెళ్లి తమ అసంతృప్తి తెలియబరచవచ్చు కదా.మామూలు జనం పోలిసు బలగాలని చంపిందా ఏమిటి?అసలు పాకిస్తాను లో క్రిందిటేడాది పోలిసు కేంపు మీద తీవ్రవాదులు దాడి చేస్తె మన దేశ మీడియా ఎద్దేవా చేసింది కదా?మరి మన దేశ పోలిసులుకి మాత్రం తమని తామే కాపాడుకోలెని దీన అవస్థలో వున్నారు కదా,ఇంక మామూలు ప్రజలని ఏమి కాపాడుతారని అడగరేమి?ఒహో అందరు సానుబూతి తెలపడం లో బిజిగా వున్నట్టు వున్నారు?ఇప్పుడూ ఇలాంటివి అడిగితే తప్పుగా అనుకుంటారేమో?అలా అన్నానని మీరు తప్పుగా అనుకోవద్దండీ!

దేవుడిని పడగొడదాము రండీ!-ముగింపు

2010-04-05T05:50:00.000+05:30

"అసలు పొగడ్త కి అర్హులు ఎవరు అన్నది పక్కన పెడితే ఎవరిని మనం ప్రశంసించితే మనకు లాభమో చూడాలి.దేవుడిని ప్రశంసించడం అంటే అతని శక్తిని సామర్ద్యాన్ని మనకి మనం గుర్తు చేసుకోవడం మాత్రమే గాని ఒక అపాత్రుని పొగడ్డం ఎంత మాత్రం కాదు.పూజించడం వలన కష్టకాలం లో తనని ఆదుకునే ఒక ఆపన్న హస్తం వుందని ఒక ధైర్యం కలుగుతుంది.అందువలన మనసు పరిస్థితుల ప్రభావంతో విచలితం కాకుండా సరైన మార్గం లో ఆలోచించి తనంత తానే ఒక పరిష్కారాన్ని కనుగొనగలదు.మనసు విపరీత పరిస్థితుల్లో కూడా ఆశాభావాన్ని కలిగి వుండి తప్పుదారి పట్టకుండా వుండగలదు.
మనం చేసె మంచి పనులని,చెడ్డ పనులని ఇతరుల పట్ల మన ప్రవర్తన ఆమోదయోగ్యమా కాదా అని చూసేందుకు ఒకరు వున్నారని మనకి మనం గుర్తు చేసుకోవడం వల్ల వ్యక్తిగా మన ప్రవర్తన, సమాజంగా మన అందరి ప్రగతి కి ఒక క్రమబద్దీకరణ ఏర్పడుతుంది.అలాగే బలవంతుడు ఒక బలహీనుడిని దోచుకునే ముందు తన కన్నా బలవంతుడు తనని అందుకు శిక్షించవచ్చు అని ఆలోచించేటట్టు చేస్తుంది దేవుడి పైన నమ్మకం. అంతేగాని ప్రశంసలకి పొంగిపోయి మనకి ఏమన్న మేలు చెయ్యగలడో లేడో తెలియని వ్యక్తి వద్ద మన ప్రశంస అనుకున్న ఫలితం సాదించదేమో గాని దేవుడిని పూజించడం ఎల్లప్పుడ్డు మనకి మంచినే చేస్తుంది." అన్నాడు దేవుడు.

"మన చర్చ చాలా వరకు మతం మంచిదా లేక నాస్తికత్వం మంచిదా అన్న విషయం మీద జరుగుతుంది,సంతోషం.మీరు కూడా పూజించడం వలన నిరూపణ కి నిలబడని అధ్బుతాలు జరుగుతాయని అనకపోవడం కూడా చర్చని పక్కదారి పట్టించడం లేదు. అయితే మీరు చెప్పినదాని తో నేను అంగీకరిస్తున్నాను అనుకునేరు!దేవుడిని పూజించడంకి,ఒక అవకాశవాదిలా ఎవరిని అన్న పొగడడానికి తేడా వుంది అంటే ఒప్పుకుంటాను.కాని మన కష్టాలని మనమే ఎదురుకోకుండా ఎవరో తీరుస్తారు అనుకోవడం,తమ స్వశక్తి మీద ఆధారపడక లేనిపోని ఆశలు కల్పించుకోవడం పూజించడం వల్ల కలిగే నష్టాలు.బాగా చదువుకున్న నాస్తికునికి వున్న మంచి చెడు విచక్షణ,చదువు సంస్కారాలు లేని ఒక ఆస్తికుడికి వుండవు.దేముడి మీద భక్తి ఒక బలవంతుడిని ఒక బలహీనుడిని దోచుకోకుండా ఆపుతుంది అన్నది పస లేని వాదన.స్వలాభం కోసం ఎవరన్న కూడని పని చేసినా, ప్రతి మతం గోహత్య నుండి నర హత్య వరకు ప్రతి దానికి ఏదో పరిహారం కల్పించింది.అలాంటప్పుడు మతం ఏ విధంగా మంచిని పెంచుతుంది?"అన్నాడు సాతాను.

"మీరు గొప్ప యుధ్ధ ప్రావీణ్యులు.కాకపోతె మీ చంటి పాప ఆరొగ్యం బాగోక వైధ్యుడు దగ్గర కి తీసుకు వెళ్ళారు.వైధ్యం మీ చేతిలో పని కాదు.వైధ్యుడి మీద నమ్మకం వుంటే పర్లేదు మీరు నిశ్చింతగా వుంటారు.లేదా జబ్బు ప్రమాదకరం కాకపోయినా పర్లేదు.అలా కాని పరిస్థితిలో?మీ యుధ్ధ నైపుణ్యం ఏ విధంగా మిమ్మలని నిబ్బరంగా వుండనిస్తుంది?అదే మీకు దేవుడి మీద అచంచల విశ్వాసం వుందనుకోండి,ఫలితం వచ్చే కాసేపటి వరకన్నా ఏదో గుడ్డి నమ్మకమన్నా మిమ్ములని స్థిమితంగా వుండేటట్టు చేస్తుంది.భావుకులయ్యి ఏ అఘాయిత్యం తల పెట్టకుండా మిమ్ములని ఆపుతుంది కదా?ప్రతి ఒక్కరికి ప్రతీది సాధ్యం కాదు,తమ స్వశక్తి మీద ఆధార పడడానికి!పక్క వాడి మీద మరి తప్పక ఆధార పడాలి."అవసరానికి ఆదుకునే పక్కవాడే దేముడు!ప్రతి ఆత్మలో పరమాత్మ వున్నాడు అని" అనుకునేలా హెచ్చు తగ్గులు పెట్టిన ఆ దేముడి అవసరం లేదంటారా మనిషికి?మరి తన కన్న ఒక విషయం లో బలహీనుడు అయిన వాడు మరో విషయం లో మన కన్నా బలవంతుడు అన్న విషయం ఇలా అర్దం అయిన వాడు దోచుకునే అవకాశం లేదు కదా!!"అని సమాధానం ఇచ్చాడు దేముడు.కాసేపటి వరకు ఏమనాలో తెలియకనో,లేక అనుకున్నది ఎలా చెప్పాలన్న ఆలోచనతోనొ సాతాను మౌనం గా వున్నాడు.

"కష్ట కాలంలో దేవుని దయ వలన మంచే జరుగుతుంది అనుకున్నప్పుడు మనసు స్థిమిత పడుతుంది కాని అన్ని వేళల మంచి జరగదు కదా?అప్పుడు నమ్మకం వమ్ము అయిన ఆస్తికుని పరిస్థితి ఏమిటి?ఓహొ!!దీనికి కూడా మతం లో సమాధానం వుంది కదా!ప్రపంచం లోనె 'అత్యధికులు అనుసరించే మతం' అంతా ఒక ముందుగా అనుకున్న ప్రణాళిక ప్రకారమే జరుగుతుంది అంటుంది.ఆ మతం ప్రకారం దేముడిని నమ్ముకున్న వాడికి వచ్చే కష్టాలు సాతాను పెట్టే శోధనలు,అదే దేముని నమ్మని వానికి కష్టాలు నమ్మనందుకు ప్రతిఫలం!కష్టం వచ్చినా నమ్ముకున్నందుకు ఏమి ఖచ్చితమైన హామి వుండదు కదా!అన్ని మతాలు ఇలా ప్రతి విషయం లో బొమ్మ పడ్డా బొరుసు పడ్డా తమ మాటే చెల్లించుకుంటాయి.పొరపాటున ఎవరికి అయినా హామి ఇచ్చినా నమ్మకముంటేనె ఫలం దక్కుతుంది అని ఒక మెలిక!కష్టం గట్టెక్కితే దేముడి గొప్ప,అలా కాకపోతె మన ఖర్మ ఫలం!"సాతాను ఆవేశంగా ఇంకా ఇలా అన్నాడు"ఆ మతం తరువాత ఎక్కువ మంది అనుసరిస్తున్న మతం?దేముడి మీద భక్తి తో ప్రజలు ఏ పాపం చెయ్యరని అనుకోదు కామోసు?కన్ను కి కన్ను,పన్ను కి పన్ను అంటుంది.మీ దేముడు సృష్టించిన స్త్రీ జాతి ఆ మతం లో రెండవ స్థాయి కి చెందిన మనుషులు!అందమయిన పరాయి స్త్రీ ని వాంచిచడం తప్పని మగవాడికి చెప్పదు కాని,ఆ అందమయిన స్త్రీ పరాయి పురుషుడు ముందు తన అందం చూపిస్తే తప్పు!!"
"ఇంకా ఈ రెండు మతాలు చెప్పే కొన్ని విషయాలు తప్పకుండా చర్చించవలిసిందే!దేముడి మీద నమ్మకం కంటే ఆ నమ్మకం ఎలా వుండాలో అన్న విధి విధానాలని పాటించడం ముఖ్యం.ఈ మతాల ప్రకారం దేముడి కి తన మీద విశ్వాసం కన్న తనని ఏ పేరు తో పిల్చారు,ఏ రూపం తో ఆలోచిస్తున్నారు అన్నది ముఖ్యం.నమ్మకమున్నా పద్దతి వేరు అయితే అంత కన్న పాపం లేదు,ఆ పాపం కి ప్రాయశ్చిత్తం కూడా లేదు.జన్మ నిచ్చే తల్లి ఆరోగ్యం,పిల్ల ఆరోగ్యం కన్న పుస్తకం లో ఏమి రాసారన్నది ముఖ్యం!సాటి మనిషి ని ప్రేమించమన్న నోటితోనె వాడి తల నరకమంటుంది తమ దేముడికి వ్యతిరేకమయితే!ఇంకా 'పురాతన మతమే' గుడ్డిలో మెల్ల.(ఓ పాఠకుడా!చదివే మీ అందరిలో ఈ మతానికి చెందిన వారే ఎక్కువనో,దీన్ని విమర్శిస్తే అందరూ తీవ్రం గా విరుచుకుపడతారనో నేను ఇలా నలేదు.ఇది పాత్ర అభిప్రాయం.)పర మత సహనం దేవుడు ఒక్కడే అన్న మతం ఇదే!కాకపోతె 'పరమతాన్నీ సహించమన్న ఈ మతం 'తనా ప్రజలనే సహించక హింసించింది.దేవుడి ఒక్కడే,అన్ని దేవుళ్ళు ఒకరే అని దొంగ స్వామీలని పెంచి పోషించింది ఈ మతమే! ఏ మతము చూసినా ఏమున్నది గర్వ కారణం?మనుషులని విడగొట్టి వేరు చెయ్యడమే కదా వీటి పని!ఇలాంటి మతాల వల్ల మనిషి మనుగడకే ముప్పు!"

తన కన్న తమ మతాలకే మనుషులు విలువ ఇస్తున్నారని దేముడికి అర్దం అయ్యింది.

ఒక పొలములో మనం ఒక పంట వేసాము అనుకోండి.అందులో మంచి మొక్కలతో పాటు కలుపు మొక్కలు,చీడ పట్టిన మొక్కలు వుంటాయి.వాటిని చూచి మొత్తం పంట వృధా అని అనుకోవద్దని ప్రజలకి తిరిగి చెబుదాము అనుకున్న దేముడికి నేడు పంట దగ్గర నుండీ చూసాక అందులో అసలు పంట కన్నా కలుపు మొక్కలు,చీడ పట్టిన మొక్కలు ఎక్కువ అని,పంట ని ప్రక్షాళణ చెయ్యాల్సిన సమయం వచ్చింది అని అర్దం అయ్యింది.తన అద్భుత సృష్టి అయిన మానవుని లో అనుకోకుండా కలిగిన లోపం గుర్తుకి వచ్చింది.

ముగింపు: "లోపం మతం లో లేదు.మనిషిలో నుంది.అది ద్వేషం!!మనిషి మతం లేక పోయిన నేడు ఇలాగే వుండేవాడు.మతానికి బదులు ప్రాంతం పేరు మీదో,భాష పేరు మీదనొ,రంగు పేరు మీదనో ఇలాగే తనవాళ్ళతో తానే యుధ్ధం చేసె వాడు.మతం,భాష,జన్మభూమి ఇవన్నీ మనిషి మంచి కోసమే అయినా నేడు వాటిని తన ద్వేషం తీరేటట్టు వాడుకుంటున్నాడు.మిగిలిన జంతుజాలాని కన్న మనిషి ఇందులో అధముడు.ఈ విషయం లో ఆ దేవుడు కూడా మనిషిని మార్చలేడు."ఇలా అని దేవుడు సెలవు తీసుకున్నాడు మరో సృష్టి మొదలెడదామని!

దేవుడిని పడగొడదాము రండీ!-2

2010-04-01T12:44:00.000+05:30

బ్రహ్మాంఢ కోటి అఖిలాండ నాయకుడయిన ఆ జగజ్జేత్త-దేవదేవుడు తత్వవేత్త రూపం లో వున్న సాతానుని ఎటువంటి చమత్కారములు,మహిమలు చెయ్యకుండా ఒక సాదారణ మానవుడిలా ఓడిద్దాము అనుకున్నాడు.తాను ఎవరో ఏమిటో బయటపడకుండా జాగ్రత్తగా వ్యవహరించాలి అనుకున్నాడు.
"అయ్యా!మన సృష్టికి మూలమయిన ఆ దేముడిని,మన ఉనికి కారణం అయిన ఆ భగవంతుడిని నమ్మవద్దు అని మీరెందుకు మీ శిష్యులకి భోదిస్తున్నారు?"అని అడిగాడు.
దానికి "సృష్టికి మూలం,ఈ విశ్వం ఆరంభానికి కారణం ఏదొ వుంది అని నేను అంగీకరిస్తాను.దానిని మీరు దేవుడు అని పిలిస్తే నాకు అభ్యంతరం లేదు.ఆ దేముడికి మీ నిర్వచనం ఏమిటో నా నిర్వచనం ఏమిటో పక్కన పెడితే, నేడు ప్రపంచం లో దేవుడిని నమ్మేవాళ్ళు నాలుగు రకాలుగా విడిపోయి ఒకరిని ఒకరు ద్వేషించుకుంటు,దాడులు ప్రతిదాడుల తో మారణ హోమం సృష్టించుకుంటున్నారు.అదే దేముడిని నమ్మని వారికి ఈ మతమనే బురద అంటదు.ఈ ద్వేషాగ్నికి దూరంగా ప్రశాంతం గా వున్నది నాస్తికులు మాత్రమే!అందుకే నేను అందరిని దేవుడిని నమ్మొద్దని చెప్పేది"అని అన్నాడు ఆ ఆఖరి రాక్షసుడు.

"వజ్ర వైఢూర్యాలను పంది ముందు పెడితే దానికి వాటి విలువ ఏమి తెలుస్తుంది?మతము లోని మంచిని వదిలి కొంతమంది మూర్ఖులు చేసే మూర్ఖపు పనులకి మీ వంటి జ్ఞానులు ఎందుకు విలువని ఇస్తున్నారు?ప్రతి మతము చెప్పేది,ఎదుటి వారిని ప్రేమించమని,శాంతిని పెంచమని.మతాలు వేరైనా దేముడు ఒక్కడే!దారులు వేరైనా గమ్యము ఒక్కటే!ఏ మతము సాటి వాడిని ద్వేషించమనదు.మారణహోమము సృష్టించమనదు.ఉత్కృష్టమయిన మానవ జన్మ పొందిన మనము భగవంతునికి కృతజ్ఞులయ్యి,ఎల్లప్పుడు ఆయనని ధ్యానిస్తు వుండాలి."
"సరేనండీ!మీరు చెప్పినట్టే కొందరి మూర్ఖులు చేసే పనులని బట్టి మొత్తము మతాన్ని అంచనా వెయ్యకూడదని నేను కూడా ఒప్పుకుంటున్నాను.అన్నట్టు ఒక మూర్ఖుని సంగతి గుర్తుకి వచ్చింది.వాడి గురించి మీ అభిప్రాయము చెప్పాలి."అన్నాడు సాతాను.
"అడగండి."
"ఒకానొక కార్యాలయములో అతను అధికారి.తన వద్ద బాగా పని చేసి తనను ఏ మాత్రము పొగడని ఒక గుమస్తా,ఎప్పుడు తప్పులు తడకలు చేసినా అధికారిని పొగడ్తల తో ముంచెత్తే మరొక గుమస్తా వున్నారు.అతడు ఎప్పుడు పొగిడే గుమస్తాని జీతము పెంచి,పదోన్నతి ఇచ్చి మంచిగా పని చేసే గుమస్తాని పట్టించుకోడు.వాడి గురించి మీ అభిప్రాయము?"

"చాలా తప్పు."అన్నాడు దేముడు."పనికి ప్రతిఫలం గాని పొగడ్త కి కాకూడదు."
"బాగా చెప్పారు.మరి ఏ పాపము చెయ్యని ఒక నాస్తికుడు కన్నా,భక్తి ప్రవుత్తులున్న ఒక ఆస్తికుడినే దేముడు ఎందుకు బాగుగ చూసుకుంటాడు?ఆ అధికారి కన్న ఈ దేముడు ఏ విధం గా గొప్పవాడు?"
చిరునవ్వు నవ్వాడు దేముడు.అది ఇబ్బందిగానో లేక ఇరుకున పడ్డాను అనో కాదు.మాములుగానే నవ్వాడు.ఎప్పటిలాగే మనోహరంగా నవ్వాడు.సమాధానం ఇవ్వడానికి తయారు అయ్యాడు.
ఇంకా వుంది.........

దేవుడిని పడగొడదాము రండీ!

2010-03-29T17:09:00.000+05:30

దేవుడి కి చాలా కోపంగా వుంది,భూలోకంలో సాతాను ఉరఫ్ రాక్షస జాతి కి చెందిన ఆఖరి వాడు కొత్త పద్దతి లో తన మీద యుధ్ధం ప్రకటించాడు.ఇంతకు ముందులా డైరక్ట్‌గా మనుషులని ఇబ్బంది పాలు చేసి తను వారిని కాపాడబోతె తనతో తలపడకుండా వాళ్ళనే తన మీదకి ఉసిగొల్పడం మొదలు పెట్టాడు.ఒక తత్వవేత్తగా అవతారం ఎత్తి ప్రజలకి తన గురించి చెడు ప్రచారం చెయ్యసాగాడు.మనుషులకి భక్తి ప్రవుత్తులు తగ్గి తనని పూజించడం,మొక్కులు మొక్కడం అగ్ని గుండాలలో నడవడం, బలులు ఇవ్వడం వగైరా వగైరా మానేసే టట్టు చేసాడు.ఇంతకు ముందులా విధ్యార్దులు పరీక్షలకి ముందు తమని పాసు చెయ్యమని అడగడం లేదు.కష్టాలలో వున్నవాళ్ళు తమకు తామే వాటినుండి బయట పడడానికి ప్రయత్నిస్తున్నారే తప్ప బేలగా తనకి మొర పెట్టుకోవడం లేదు.మనిషి తనకు తానే దేవుడిని అనుకుంటున్నాడు.ప్రకృతి వైపరిత్యాలు సంభవించిన అది తన ప్రకృతి వ్యతిరేక పనుల వల్లే తప్ప దేముడి కోపం అనుకోవడం లేదు.దీనికి ఎల ప్రతిస్పందించాలా అని ఆలోచించిన దేముడు ఒక నిర్ణయానికి వచ్చాడు.

ఒక భక్తి ప్రవుత్తులు గల మంచి మనిషిగా మారు రూపం దాల్చి ఆ తత్వవేత్త(సాతాను ఉరఫ్ ఆఖరి రాక్షసుడు) దగ్గరికి బయలు దేరాడు.దారిలో తనకి కనపడ్డ రోగులని,బాధితులని,నిర్భాగ్యులని భగవంతుని పేరు మీద ప్రార్దించి బాగు చేసాడు.తన అద్భుత కార్యాల తో తిరిగి ప్రజలని తన వైపు తిప్పుకోవడం మొదలు పెట్టాడు.తనకి వ్యతిరేకంగా ప్రచారం చేసిన వాళ్ళు తమ పాప ఫలితంగా ఖర్మననుసరించి కష్టాల పాలు అయితే జాలి తలిచి వారిని తిరిగి సన్మార్గం లో పెట్టి వారిని బాగు చెయ్యసాగాడు.ఇక ప్రజలు రెండు వర్గాలు గా విడిపోయి,దేముడి అద్భుతాలు చూసినవాళ్ళు దేముడి తరపున, సాతాను ప్రవచనాలు విని పాడు అయిపోయినవాళ్ళు దేముడికి వ్యతిరేకంగా ఒకరిపై ఒకరు దాడులు చేసుకోసాగారు.దేముడు తిరిగి మంచి ప్రాచుర్యం సంపాదించుకున్నాడు.అప్పటికే ఒక తత్వవేత్తగా పాపులర్ అయిపోయిన సాతాను,దేముడికి ముఖాముఖి చర్చ జరగాలని మేధావులు కోరుకోసాగారు.వారి కోరిక ఫలించి ఇద్దరు కలుసుకున్నారు.ఒకరిని ఒకరు ఓడించి తీరాలని కృత నిశ్చయం తో వున్నారు. చర్చ మొదలు అయ్యింది.
ఇంకా వుంది.......

దీని తస్సా దియ్యా!!ఆర్టీసి వారి బస్సు!!!

2010-03-27T05:37:00.000+05:30

గత వారం అర్జెంట్‌గా ఆంధ్ర ప్రదేశ్ వెళ్ళవలిసి వచ్చింది.చాలా సంవత్సరాల తరువాత మన ఎర్ర బస్సు కూడా ఎక్కడం జరిగింది.అలా అనుకోకుండా ఒక సారి ఎర్ర బస్సు ఎక్కినప్పుడు జరిగినది అందరి తో పంచుకుందామనుకున్నాను. అయితే రవిచంద్ర గారి అంతర్వాహిణి లో కూడా ఇదే విషయం గురించి ఆయన చర్చించడంతో ఈ టపా అవసరం లేదు అనుకున్నా!కాని ఒక కామెంట్ గా నా ఆలోచనలు అన్ని చెప్పడం కూడా కుదరక మనసు మార్చుకున్నాను.వైజాగ్ లో నాన్‌స్టాపు బస్సు ఎక్కి శ్రీకాకుళం వెళ్ళవలిసిన పని పడింది.అప్పటికే కొంచెం లేట్ కూడా అయిపోయింది.రాత్రి 8 గంటలకి బయలు దేరాము.రెండు గంటల ప్రయాణం!లేట్ అయితే హోటల్లు కూడా కట్టేస్తారు అని నన్ను నేనే తిట్టుకోవలిసిన పరిస్థితి.బస్సు మంచి స్పీడు మీద వుండడంతో ఆలోచనలు కట్టి పెట్టి కునుకు మొదలెట్టా. హఠాత్తుగా ధడ్ ధుడ్ మంటు శబ్దాలు.కునుకు మత్తు కళ్ళగప్పి పోయింది.ఏమయ్యిందో కాసేపటి వరకు తెలియలేదు.ఆ కాసేపటి తరువాత కూడా తెలిసినది సగం సగం!మా బస్సు లారిని గుద్దిందో లేక లారి నే మా బస్సు ని గుద్దిందో గాని,ఒక చిన్న పాటి యాక్సిడెంట్ అయ్యింది.

మా బస్సు డ్రైవరు ఒక చిన్నపాటి చేజింగ్ చేసి ఆగకుండా వెళ్ళిపోయిన లారిని పట్టుకున్నాడు.పెద్దపాటి గొడవ వేసుకున్నాడు ఆ లారి డ్రైవరు తో!లారి డ్రైవరు మటుకు ఏమి పట్టించుకోకుండా డాబాకి వెళ్ళి భోజనం చెయ్యడం మెదలెట్టాడు.మధ్యలో పాసింజర్లంతా వెర్రి మోహాలు వేసుకుని చూస్తున్నాము మా పరిస్థితి ఏంటి అని?ముందు లారి డ్రైవరిని ఆడిపోసుకున్నాము మా వాడితో కైలిసి,తరువాత నెమ్మదిగా మా పరిస్థితి ఏంటని అడిగాము వాడిని."డిపో కి ఫోను చెయ్యాలి,ఎవరైనా వచ్చి కంప్లయింటు రాసుకుని పోలిసు రిపోర్టు రాసుకున్నాకా బస్సు కదులుతుంది" అన్నాడు. సరెలెమ్మని అందరు ఫోన్లు తీసిచ్చారు,తొందరగా అక్కడ నుండీ బయట పడుదామని.ట్విస్టు ఏమిటంటే వాడికి డిపో ఫోను నంబరు తెలీదంటా!!కుడితిలో పడ్డ ఎలుక లా తయారయింది మా పరిస్థితి!ఎవడో శనిగొట్టుగాడు మా తో పాటు బస్సు ఎక్కడం వల్లే ఇలా అయిందని ఒకరు ముఖాలు ఒకరు చూసుకున్నాము.ఇలాగయిత ఎలాగా మాపరిస్థితి అని ఒక పెద్దాయన గొడవ వేసుకున్నాడు."మీ పరిస్థితి కి ఏమయ్యిందండీ,నా తప్పు లేకపోయినా ఈ నష్టం అంతా నా జీతంలోనె కట్ చేసి కవరు చేస్తారు" అని ఏడుపు ముఖం పెట్టాడు మా డ్రైవరు!ఏదొ ప్రైవేటు సర్వీసు అయితే ఎలగో వాళ్ళ కాళ్ళ వేళ్ళ పడి క్షమించమని అడిగెయ్యొచ్చు.ఆర్టీసు వారి కి అంత దయ ఎక్కడ?"అని అన్నాడు వాడు.ఇంతలో ఒక బస్సు అటు వైపు వస్తే దాని ఆపి మమ్మలని అందులో ఎక్కించాడు.అది కూడా డొక్కు పాసింజరు!69 రుపాయలు పెట్టి నాన్‌స్టాపు టికెట్ తీసుకుని,డొక్కు పాసింజరు లో వెళ్ళవలిసి వచ్చింది.అదే మేము పాసింజరు బస్సులో వుండి దానికి ఏదయినా రిపైరు వస్తే నాన్‌స్టాప్ బస్సు ఆపుతాడా?

అసలు పబ్లిక్ ట్రాన్స్‌పోర్టు సంస్థ లా పని చేస్తుందా మన ఆర్టిసీ?ఇది ప్రజల సౌలభ్యం కోసం నడుపుతున్నారా?లేక లాభ ఆపేక్ష కోసమా?ప్రజలనే కాదు,వారి సిబ్బంది కూడా ఈ డబ్బు పిశాచి లాంటి సంస్థ,దాని వెనక తోడ్పాటు అందివ్వని ప్రభుత్వం కి బలి అయ్యిపోతున్నారు.వైజాగు లో బస్సు చార్జీల కంటే ఆటో చార్జీలు చాలా తక్కువ!విధ్య,వైధ్యం మరియు రవాణా కనీస అవసరాలు కావా?ప్రభుత్వం నడిపే స్కూల్లు,ఆసుపత్రులు నష్టాల్లో వున్నాయని మూసేస్తారా?కనీసం సిబ్బంది కి కూడా జీతాలు సమకూర్చుకోలేవు కదా ఆ స్కూల్లు,ఆసుపత్రులు?అంతర్వాహిణి రవిచంద్ర గారు తమ కామెంట్ లో బిజీ వేళలో బస్సులు తక్కువని వాపోయారు.కరక్టే!కాని నేను అనేదేమంటే,రాష్ట్రం లో రోజుకి ఒక బస్సు అది కూడా ఒక్కసారే తిరిగే వూళ్ళెన్నో?మన దేశం లో అయితే అసలు బస్సు సర్వీసు లేని ప్రాంతాలు ఎన్నో కదా?అలాంటి చోట ఏ మెడికల్ ఎమర్జన్సి అయినా కేవలం రవాణా సదుపాయం లేక ఎన్ని ప్రాణాలు పోతాయో కదా?మన ప్రభుత్వాలకి ఏమి భాద్యత వుండదూ?

మా వాడి పెళ్ళి-మరొకడి చావు

2010-03-14T03:47:00.000+05:30

గత నవంబరు లో ఒకే రోజు మా స్నేహితుల్లో ముగ్గురి పెళ్ళి కుదిరింది.అందులో ఇద్దరి పెళ్ళి వైజాగు లో ,మరొకడిది నాగ్‌పూర్ లో.మోకాలిని తడుముకుంటు తెగ ఆలోచించా!చించగా మిగిలింది ఏమిటంటే వైజాగు లో ఇద్దరి పెళ్ళి అయినా ముహుర్తం టైముకి ఎవరో ఒకరి దగ్గర మాత్రమే వుండగలం,ఇంకా ఇద్దరిలో ఎవరి పెళ్ళి ముహుర్తానికి హాజరు అయినా మరొకరు ఆడిపోసుకుంటారు ఇంత దూరం వచ్చి పెళ్ళి చూడలేదు అని.అందుకని నాగ్‌పూర్ చెక్కేశా హుషారుగా,కాని నాకేమి తెలుసు పెళ్ళికని బయలు దేరి చావు చూస్తానని?

అమ్మాయి అబ్బాయి ఇద్దరు గుజరాత్ లోనే సూరత్ లో ఎస్సార్ స్టీల్స్ లో జాబు చేస్తుండెవాళ్ళు.అసలే మావాడిది లవ్‌మ్యారేజ్!అతి కష్టం మీద మావాడి ఇంట్లో వాళ్ళు ఒప్పుకున్నారు.వాళ్ళిద్దరికి సపొర్టుగా మా స్నేహితులంతా అక్కడ నుండె ఒక టయొటా బుక్ చేసుకుని వచ్చారు.ఇంకా ట్విస్ట్ ఏమిటంటే రవిగాడి అన్న ఇంకా పెళ్ళికాని బాలా కుమారుడాయే!అన్నగాడు పెళ్ళికూతురు చెల్లికి లైను వేస్తుంటే నవ్వు ఆపుకోలేకపొయాము.వెదవకి ఇన్నాళ్ళు బుద్ది ఏమి అయ్యింది?తమ్ముడు ఎవరినో ప్రేమించి పెళ్ళి చేసుకోడానికి రెడీ అయ్యేంతవరకు మీనమేషాలు లెక్కపెట్టుకునొ,అరేంజ్డ్ మ్యారేజ్ చేసుకుంటే వచ్చె కట్నం మీద ఆశతోనొ మంచి కాలం మించనిచ్చి,ఆకులు వెతుకుతుంటే పగలబడీ నవ్వుకున్నాము.మావాడి కజిన్ సిస్టర్ హడావుడి కూడా చూడవలిసిందే.మగపెళ్ళివారి హూందా అంతా ఆవిడ తన భుజస్కందాల పైనే మోసింది.ఎలాగంటే పెళ్ళికూతురు చీర కంటే ఖరీదైన చీర కొనుక్కుని.??!!ఆడ పెళ్ళివారిని ఆవిడ, పెళ్ళి కూతురి చెల్లిని మా వాడి అన్నగాడు చెడుగుడు ఆడేసుకుంటుంటే మా స్నేహితులంతా కలిసి వీలయిన దగ్గరల్లా కవర్ చేసేము.చాలా రోజులు కి కలిసారు మా ఫ్రెండ్స్ అందరు.అందులో ముగ్గురు పెళ్ళి అయిన వాల్లు,ముగ్గురు బ్రహ్మచారులు.టయోటా లో వాళ్ళ ప్రయాణం ఒక పెద్ద స్టోరి.

సరయిన కాగితాలు లేని ఆ బండిని సూరత్ నుండీ నాగ్‌పూర్ కి తెచ్చెటప్పటికి తడిసి మోపెడు అయ్యిందట మావాళ్లకి.అసలే ఆ డ్రైవర్ బాగా తేడా అని మా వాళ్ళందరు అంటున్నా నేను మరుసటి రోజు మా ఫ్రెండ్ ని రిసీవ్ చేసుకోవడానికి రైల్వే స్టేషన్ కి బలవంతంగా బయలుదేరించాను.ముఖం చిటపటలాడించుకుంటూ ఆ డ్రైవర్ ఎలాగో బయలుదేరినా కొద్ది దూరం వెళ్ళటప్పటికే ఒక సైకిల్ కుర్రాడిని గుద్దేసి, నా సరదా కూడా తీర్చేసాడు.అది కూడా ట్రాఫిక్ సిగ్నల్ కి ఎదురుగా!!అటు సైకిల్ కుర్రాడికి ,ఇటు ట్రాఫిక్ పోలీసులకి చదివించుకున్నాకా ఇక పెళ్ళిలో చదివించడానికి పెద్దగా మిగల్లేదు!బుద్దొచ్చింది నాకు కూడా.మా కాటేజ్ కి ఎదురుగా వాడు కాళ్ళ మీద కాళ్ళు వేసుకుని కుర్చున్నా కాళ్ళీడదీసుకుంటూ, తిరిగాము మేము ఆ తరువాత! ఆ రోజు మధ్యాహ్నం నేను ఎదురుగా హోటల్లో టీ తాగుతున్నప్పుడు ఒక టీ వాడికి పంపి శాంతి ఒప్పందం చేసుకున్నాను.మనిషి మంచోడె! మళ్ళీ మనకి అవసరం పడినప్పుడు కుట్ర పన్ని జేబులో దాచుకున్న నాలుగు రాళ్ళు రాలగొట్టడని!

ఇంకా ఆడ పెళ్ళివాళ్ళు పూర్తిగా ఉత్తర భారత సంప్రదాయాలు పాటించారు.సాయంత్రం పెళ్ళి కొడుకుని తెచ్చెటప్పుడు వాళ్ళలోనే కొంతమంది,బారాతి గా బయలుదేరి డాన్సులు చెయ్యడం మొదలు పెట్టారు.ఇంకా మాకు తప్పింది కాదు.మగ పెళ్ళివారికి ఇది అలవాటు లేదాయే!తెగ ఇబ్బంది పడిపోయారు.వాళ్ళు ఇబ్బంది పడ్డంత వరకు మాకు ఇబ్బంది అనిపించలేదు కాని,మా వాడిని కూడా కారు దింపి డాన్సు చెయ్యడానికి పిలవమని పెళ్ళికూతురి చెల్లి మా రవి గాడి అన్నని అడిగింది.అన్న కూడా మేము వెళ్ళి బలవంతం చేస్తే కారు దిగిన మా వాడు ప్రళయ తాండవం మొదలు పెట్టాడు.అయితే మమ్మల్ని తన్నేటట్టు కాళ్ళు చేతులు విసరడం లేక పోతె అసహ్యంగా నడుము వూపడం!!బిత్తర చూపులు చూడడం ఆడ పెళ్ళి వారి వంతయ్యింది.కళ్యాణ మండపం కి చేరుకున్నాక కొంత సేపు సేద తీరి,బయటకి వచ్చాము చల్లగా ఏమయినా తాగుదామని గార్డెన్లోకి.

ఇంతలో మా కాటేజ్ కి ఎదురుగా వున్న హోటెల్ సప్లయర్ ఒకడు పరిగెట్టుకుంటూ వచ్చి చెప్పాడు మా డ్రైవర్ పడిపోయాడు అని.అప్పుడే వాడు చేసిన నిర్వాకాల గురించి తిట్టుకుంటున్నాము మేము.తెగ సిగరెట్లు కాలుస్తున్నాడు తొందరగా పోతాడని.ఇది వినగానే వడి వడిగా పరిగెట్టుకుంటు అక్కడికి వెళ్ళాము.నోటి దగ్గర నురగ.ఫిట్సా అని కంగారు పడుతుంటే హోటెల్ వాడు చెప్పాడు స్పృహ తెప్పించడానికి తానే వుల్లిపాయ పెట్టానని.గుండెల్లో మంటగా వుంది,తిన్నదరగలేదేమోనని తన దగ్గర డైజిన్ మాత్రలు తీసుకున్నాడని చెప్పాడు.భారీ విగ్రహమాయె!కిందపడ్డవాడిని సరిగా పెట్టడానికి చాలా కష్టం అయ్యింది.శ్వాస ఆడుతున్నట్టూ అనిపించింది?పక్కనే వున్న చిన్న హాస్పిటల్కి తీసుకెల్లాము.ఎమర్జెన్సీ సర్వీసు వుంది అని బోర్డు వున్నా డాక్టరు లేరని నర్సు అడ్మిట్ చేసుకోలా.అసలు పెళ్ళి హడావుడీ లో వున్నారు కదా అని మా వాళ్ళెవరి కి చెప్పొద్దని ఒక ఫ్రెండ్ ని అక్కడే వదిలి మిగిలిన వాళ్ళం హాస్పిటల్ కి బయలు దేరాము.

దారి పొడుగునా కృత్రిమ శ్వాస అందివ్వడానికి ప్రయత్నించాను.కాని భయం తో మెదడు మొద్దుబారి పోయింది.టయోటా నడుపుతున్న మా ఫ్రెండ్ కూడా డ్రైవింగ్ కి కొత్త.ఈ పరిస్థితి కి ఇంకా భయపడిపోయాడు.హాస్పిటల్ చేరుకునేటప్పటికే గుండె పోటు తో చనిపోయాడని ధృవీకరించారు డాక్టర్లు.అప్పటి వరకు వాడినే సిగరెట్లు ఎక్కువ కాలుస్తాడు ఎక్కువ కాలం బతకడు అని తిట్టిన మా ఫ్రెండ్ కంటి కొలుకన కన్నీటి చుక్క!తన మాట నిజమయ్యిపోయిందేమో అని?దారి పొడుగున వాడికి ఏమి కాదు అని హడావిడీ చేస్తు మాకు ధైర్యం చెప్పి వచ్చి రాని కృత్రిమ శ్వాస అందించిన వాడు స్తబ్దుగా వుండిపోయాడు.అందరికి షాక్!వాడి సామానులు మాకు ఇచ్చేసారు.అందులో ఫోను తీసుకుని నంబర్లు చెక్ చేసాను.లక్కీగా వాడి ఇంటివాళ్ళ నంబర్లు కాకుండా ఇంకొన్ని నంబర్లు వున్నాయి.తక్కువ సార్లు ఫోను చేసిన నంబరికి చేసి వాడి ఇంటి గురించి తెలుసుకోవడానికి ప్రయత్నించాను.ఒక రెండు మూడు ఫోను కాల్స్ తరువాత వాడి ట్రాన్స్‌పోర్ట్ ఆఫీసు నంబరు దొరికింది.వాడి ఒక్కగానొక్క కూతురి పుట్టిన రోజంట ఆ రోజు.సెలవు అడిగినా ఇవ్వనందుకు చాలా కోపంగా వున్నాడని,అతడు వాపోయాడు.

మార్చురి కూడా లేని ఆ హాస్పిటల్ నుండీ గవర్నమెంట్ హాస్పిటల్ కి బాడీ వాన్ లో తీసుకు వెళ్ళేటప్పుడూ చాలా భయ పడ్డాము.మా కళ్ళ ఎదుటే బాడీ నల్ల పడిపోవడం,కళ్ళ నుండీ ,చెవుల నుండీ నీళ్ళు కారుతుంటే చావుని అంత దగ్గర నుండి చూసి వణికిపోయాము.గవర్నమెంట్ హాస్పిటల్ లో పోలీసుల విచారణ,అనుమానపు చూపులు రాత్రి రెండు వరకు భరించి,పెళ్ళి అయ్యేంత వరకు ఆగి అప్పుడూ మా స్నేహితుడు ద్వారా పెళ్ళి కూతురు తండ్రి తాలుకు వారికి కబురు పెడితే వారు వచ్చి మమ్మల్ని తొందరగా ఆ వాతావరణం నుండి బయటకి రావడానికి ఇంఫ్లుయెన్స్ ఉపయోగించారు.పెళ్ళి బాగానే జరిగిందట!థాంక్‌గాడ్ !!కాకపోతె వాడి బాడీ రికవరీ చేసుకునేటప్పటికి వాడి ఇంటివాళ్ళకి మూడు రోజులు పట్టిందట!!!!

జీవితం ఎంత క్షణ భంగురం?

పురుష వివక్ష!!!

2010-03-11T05:18:00.000+05:30

ఇంక మగ మహరాజులు కి దిక్కేమిటి?ఇప్పటికే జరగవలిసినది జరిగిపోయింది,జరగాల్సినదైనా జరగక మానితె మనకు మేలు!!!రాజ్యసభలో మహిళాబిల్లు పాసయ్యిపోయింది.పాపం మన యాదవ బంధువులు తమ వంతు కృషి చేసినా ఫలం దక్కలేదు!!!అయినా మగవాడికి మగవాడే శతృవు అని ఊరకనే అనలేదు.ఇంత మంది మగవాళ్ళు చట్టసభల్లో వుండగా కూడా ఈ అన్యాయం ని ఆపలేదు.హూ !!ఏమి చేస్తాము ?ఎప్పుడు కూడా ఆడవారిదే కదా ఆధిపత్యం!!సృష్టి మొదలు నుండి ఇదే పద్దతి!ఆదిశక్తి నుండె ఈ పురుష వివక్ష మొదలు అయ్యింది.అప్పుడు ఏదొ మన జగన్నాటక సూత్రధారి అడ్డుచక్రం వేసాడు కాబట్టి సరిపోయింది.మరి ఇప్పుడు ఏమయ్యావయ్యా నువ్వు?ఏదో ఒకటి చెయ్యు మరి?

చిన్నప్పటి నుండీ చూస్తున్నాను ఈ ధొరణి!అక్క పుట్టినప్పుడు మహాలక్ష్మి పుట్టిందన్నారు,మరి నేను పుట్టినప్పుడో? అక్క అల్లరి చేస్తె అందంగా వుందన్నారు,ముచ్చట పడిపోయారు!మరి నేను అల్లరి చేస్తె వీపు చీరేసారే?తప్పు చేసినా అక్క కి మంచి బుద్దులు చెప్పారు,మనకేమొ దవడ మీద ఒకటి ఇచ్చారు?స్కూలు కెల్లినా టీచర్లు,మాష్టార్లు అమ్మాయిలు తెలివైన వాళ్ళు ఒక్కసారి చెబితే చాలు అని, మమ్మల్ని మట్టిబుర్రలనే వాళ్ళు. హొము వర్క్ చెయ్యకపోతె మా వీపు చేరేసెవాళ్ళు,మరి అమ్మాయిలను?కొంచెం పెద్దయ్యాక చిరు తిళ్లు కొనుక్కోవడానికి కూడా మాకు మటుకు డబ్బులిచ్చేవాల్లు కాదు, చెడిపోతామని! అమ్మాయిలకి మటుకు పౌడర్లు,కాటుకలు ,జడ రిబ్బన్లు మన్ను మశానం ఇంకా మా పిండా కూడు ఒకటే తక్కువ!!కాసేపు క్రికెట్ ఆడుకుని లేటుగా ఇంటికి వస్తే బెత్తం పట్టుకుని తలుపు దగ్గరే మంగళ హారతులు!! అదే అమ్మాయిలకు ఎప్పుడైనా అల్లాంటి సత్కారాలు జరిగాయా?కొంచెం వయసు వచ్చి బయటకి వస్తే.....

సిటి బస్సుల్లో వాళ్ళ సీట్లో ఎలాగు వాళ్ళే కుర్చుంటారు,మన సీట్లు ఆక్రమించెస్తారు!!పొరపాటున పక్క సీటు ఖాళి అయ్యినా కుర్చొనిస్తారా?ఆ చూపు తోనె చంపేస్తారు.ఖాళీ గా వుందని వాళ్ళ సీట్లో కుర్చున్నా బితుకు బితుకుమని భయపడుతు ఎప్పుడూ పిడుగులా వస్తారోనని కుర్చోవాలి.సరే,ఎందుకు వచ్చిన బాద రా అని కూలో నాలో చేసుకునొ, అయ్యనో,అమ్మనో కాళ్ళన పడో ఒక బైకు కొని రోడ్డన పడ్డా అక్కడా స్కూటిలు వేసుకుని తయారు!! పొరపాటున వాళ్ళు మనను గుద్దేసిన మనమే సారీలు చెప్పాలి,చెప్పక పోతె "చూసుకుని నడపడం రాదా అని" ఎదురు వాయింపుడు!మన గ్రహపాటు బాగుండక మనమే వారిని గుద్దేస్తె....ఇంకా చెప్పలా?జజ్జనకజనారె!!సీను చిరిగి చేట అంత అవుద్ది. చింపేదెవరయ్యా అంటె ....మన తోటి మగ బ్రెదర్సే!!ఊరకనే అన్నరా మగవాడికి మగవాడె శతృవని?

ఉద్యోగాలు వచ్చి ఆఫీసుల్లో జాయిన్ అయినా ఇక్కడ కూడా అదే పురుష వివక్ష!ఆఫీసుల్లో లేటు అవర్సు అన్ని మన ఖర్మే? బయట కి ఎండల్లో తిరిగి ,వానల్లో తడిసి బాధపడాల్సింది మనమే!వాళ్ళకి ఆఫీసు వర్కు లో సహాయం చెయ్యడానికి అందరు ఎగబడతారు,ఖాళీ సమయాల్లో సొల్లు కబుర్లు వాళ్ళకే చెబుతారు,ఇంకా ఇంక్రిమెంట్లు,ప్రమోషన్ల విషయానికి వస్తే,ఇద్దరు ఆడ మగ జూనియర్సు వుండి ఒక మగ సీనియరు వుంటే,చెప్పాల్సింది ఏమయినా వుందా?ఏమయినా కొద్దో గొప్పో మగ వాళ్ళకి ఫెయిర్ చాన్సు వున్నదెక్కడయ్య అంటె అది రాజకీయాలు!!అఫ్‌కోర్సు అక్కడా తెర వెనక తతంగం ఎవరిదో అందరికి తెలిసిందే!!ఇప్పుడు ఈ మాత్రం అవకాశాలు మిగలవు.ఆఖరికి మహిళా దినోత్సవం నాడు ఈ టపా వేద్దామన్నా ఎంత భయం వేసిందని?
(అంతా ఉత్తుత్తినే నవ్వుతాళ్ళకి!!హిహ్హిహిహ్హి!!!)
((ఇలా అనక పోతే బతకనిస్తారా బ్రెదరూ??))

ఒక విధ్యార్ది ఉధ్యమం,ఇద్దరు తెలుగు తమ్ముళ్ళ కధ

2010-03-09T05:49:00.000+05:30

ఒకానొక తెలుగు రాజ్యం.అందలి ప్రజలు సుఖసంతోషాలతో వర్దిల్లుతున్నారని,అష్టైశ్వర్యాలతో విరాజిల్లుతున్నారని చెప్పలేము గాని ఒక మోస్తరు జీవితాన్ని గడుపుతున్నారు. కప్పాల ద్వారా వసూలైనా ప్రజాధనం ఎక్కువ మొత్తం గ్రామాధికారుల చేతి అవినీతి పాలయినా మిగిలిన దానితోనె ఆ రాజ్యం అభివృద్ది పధంలో నడుస్తుంది.అటువంటి రాజ్యం లో ఇద్దరు పసికందులు పుట్టగానె పరిస్థితుల ప్రభావం వల్ల విడిపొయారు.ఒకరు భాగ్యనగరం అనబడు రాజధాని చేరుకునగా ,మరొకడు రాజమహెంద్రవరం అను మరొక పట్టణం చేరుకుని వారి బాల్యం అక్కడే గడిపారు.ఇరువురు వద్ద ఉన్న కంఠాహారములు మాత్రమే ఒకరిని ఒకరు పోల్చుకునటుకు ఆధారములు! తన సోదరుడు ఎక్కడొ తన లాగే ఒంటరిగా జీవిస్తున్నాడని వారికి తెలుసు. రాజమహేంద్రవరం లో పెరిగిన రామ్ అన్నవాడు యుక్త వయసుకి వచ్చేటప్పటికి విధ్యార్దం అంధ్రా గురుకులం చేరుకున్నాడు.భాగ్యనగరంలో పెరిగిన శ్యామ్ కూడా ఉస్మాగురుకులం లో చదువుకున్నాడు. ఆశ్చర్యం గా ఇరువురు వారి వారి గురుకులం లందు విధ్యార్ది నాయకులు అయ్యారు.

అటువంటి సమయంలో భాగ్యనగర పరిసర ప్రాంతానికి చెందిన ముక్కుచంద్రేశ్వరం అనబడు ఒక గ్రామాధికారి రాజుగారు తనను మంత్రివర్గం లో తీసుకునలేదని అలిగితిడి.తన మందీ మార్భలం తో తిరుగుబాటు ప్రకటించి రాజుగార్కి తమ ప్రాంతం పై హక్కు వదులుకుని ప్రత్యేక రాజ్యంగా ప్రకటించవలసినదని వేగు పంపితిడి.ప్రజల వద్దకు వెళ్ళి వారిని కూడా ప్రతేకరాజ్యం కోసరమై మద్దతు అడిగినాడు. అభివృద్ది లోను,జలాల,స్థలాల లోను మరియు ఉధ్యోగ అవకాశాలయందు జరుగుతున్న వివక్షకు ప్రత్యేక రాజ్యమే పరిష్కారమని వాదించాడు. అతని బెదిరింపులుకు రాజుగారు బెదరలేదు,అతని పిలుపులకు ప్రజలు కూడా పలకనూ లేదు!!!అయితే రాజమహేంద్రవరం పరిసర ప్రాంతానికి చెందిన లంగడా లంకేశ్వరం అను మరొక గ్రామాధికారి రాజధానిలో తన అవినీతి ధనం తో చేస్తున్న వ్యాపారాలు ప్రత్యేక రాజ్యం ఏర్పడ్డ సజావుగా సాగుటందులకు కొంత లంచం ముక్కుచంద్రేశ్వరం ను మంచి చేసుకునటందుకు పంపి లోపాయకారిగా తన మద్దతు తెలిపినాడు.

ప్రజల మద్దతు కరువైన ముక్కుచంద్రేశ్వరం ఒక పాచిక వేసాడు.యుక్త వయసులో వున్న విధ్యార్దుల మనసులు తెల్ల కాగితం వంటివని,వాటిపై ఏమి రాస్తే అదే వారికి కనిపిస్తుందని తెలిసిన అతను ఉస్మాగురుకులం విధ్యార్ది నాయకుడు శ్యామ్ కి కబురు పెట్టాడు. తన స్వార్ధ ప్రయోజనాలకై అతడిని ఉధ్యమం పేరు తో రెచ్చగొట్టి విధ్యార్దులని వారి చదువులకి దూరం చేసి తన పబ్బం గడుపుకున్నాడు.రాజమహేంద్రవరం పరిసర ప్రాంత ప్రజలే తమ శ్రమఫలాలని దోచుకుంటున్నారని వారిని ఉసిగొల్పాడు. రాజమహేంద్రవరం ప్రజల పై విషం కక్కాడు. తమ ప్రాంత ప్రజలకు న్యాయం చేకూర్చడానికి ప్రాణాలు సైతం పణంగా పెట్టి ముక్కు చంద్రేశ్వరం చేతిలో పావులుగా మారిపొయారు ఆ గురుకుల విధ్యార్దులు.విధ్యార్దులు రంగంలోకి దిగడంతో ప్రజలు కూడా ఉధ్యమం లో పాలు పంచుకోసాగారు. రాజుగారు కూడా ప్రత్యేక రాజ్యంకి చూచాయగా సంకేతం ఇచ్చారు. మంత్రివర్గం లో భాగం చెయ్యనందులకు ఇప్పుడు తానే ప్రత్యేక రాజ్య రాజు కాబోతున్నానని ఆనందించిన ముక్కుచంద్రేశ్వరం ఉధ్యమం ఖర్చులు మితిమీరినయని అందులకు లంగడా లంకేశ్వరం కు మరింత ధనం లంచంగా పంపమని కబురు పెట్టితిడి.అందులకు లంకేశ్వరం సమ్మతించక తాను కూడా సమైఖ్యం పేరుతో విధ్యార్దులని రెచ్చగొట్టి ఉధ్యమం జరిపిస్తానని బెదిరించితిడి.ముక్కు చంద్రేశ్వరం లెక్క చేయక పొయెను.

అంతట లంకేశ్వరం ఆంధ్రా గురుకుల విధ్యార్ది నాయకుడు రామ్ ని కలిసి చంద్రేశ్వరం కుట్ర ని వివరించి సమైఖ్య ఉధ్యమం కి మద్దతు అడిగాడు.సాటి విధ్యార్దుల ఉధ్యమం కి వ్యతిరేకం గా నడుచుకోవడం తనకి ఇష్టం లేదని,అయినా ముక్కు చంద్రేశ్వరం కుట్ర పారదని,ఇంతకమునుపు చెన్నకేశవుడు అనే నాయకుడు కూడా ఇట్లానె నడిపిన స్వార్ద ఉధ్యమం గతి ఏమయ్యిందో తమకు తెలియదా అని రామ్ అడిగాడు.అయితే చావ చచ్చిన ముసలి రాజు ముక్కు చంద్రేశ్వరం కుట్రకి భయపడిపోయి ప్రత్యేక రాజ్య ప్రక్రియ మొదలుపెడుతున్నట్టు ప్రకటించగానె రాజమహెంద్రవరం పరిసర ప్రాంత ప్రజలు,ఆంధ్రా గురుకుల విధ్యార్దులు ఆశ్చర్య చకితులు అయ్యారు.తమ పైన చేసిన ఆరోపణలు నిజం అన్నట్టు చేసిన ఈ రాజుగారి ప్రకటన వారికి మింగుడు పడలేదు!దీనికి వ్యతిరేకం గా రామ్ విధ్యార్ది ఉధ్యమంకి నాయకత్వం వహించాడు.ఆ ప్రాంత ప్రజల వ్యతిరేకతని చూచి అక్కడ కూడా తన రాజరికం చెల్లదని భయపడి రాజుగారు తన ప్రకటన పై పునరాలోచించుతామని ప్రకటించినారు.

రాజుగారి మరల చేసిన ప్రకటనతో భాగ్యనగర పరసర ప్రాంతవాసులు నిరాశ చెందినారు. తక్షణమే ప్రత్యేక రాజ్యాన్ని ప్రకటించని పక్షంలో శ్యామ్ తదితర విధ్యార్ది బలగం తో కోట ముట్టడింపు చేయిస్తానని ముక్కు చంద్రేశ్వరం ప్రకటించాడు.రాజధాని లో నివసిస్తున్న రాజమహేంద్రవర ప్రాంతవాసులని తరిమి కొడతామని బెదిరించాడు.వారి కోట ముట్టడింపు ని భగ్నం చేయడానికి లంగడా లంకేశ్వరం రామ్ తదితురులుని తమ విధ్యార్ది బలగం తో భాగ్యనగరం పంపాడు.కోటముట్టడింపు రోజు రానే వచ్చింది.ఇరువర్గాలు భీకర హింస కి పాటుపడ్డారు.రక్తం ఏరులై పారింది.ప్రజల కనీస అవసరాలయిన రవాణా,వైద్యం వగైరా కూడా అందని పరిస్థితి!రామ్,శ్యామ్ తీవ్రంగా గాయపడ్డారు.ఊహ తెలిసిన తరువాత అదియే కలుసుకోవడం,విధి వైపరీత్యం!వారికి తెలుసు అదియే ఆఖరు అని.అంత తీవ్రంగా వున్నాయి గాయాలు.అన్యాయం వైపు ఎందుకు నిలబడ్డావని ఒకరిని ఒకరు ప్రశ్నించుకున్నారు.ముక్కు చంద్రం కుట్ర గురించి రామ్ చెప్పగా విని ఆశ్చర్య పోయినా శ్యామ్ తనకి ముక్కు చంద్రం ద్వారా తెలిసిన లంగడా లంకేశ్వరం అవినీతి వ్యాపారాల గురించి వివరించాడు.అన్నదమ్ములు తాము ఎలా ఇద్దరు అవినీతి,స్వార్ద నాయకుల వల్ల శతృవుల్లా ఎదురుపడవలిసి వచ్చిందని ఆవేదన పడ్డారు.ఒకరిని ఒకరు అర్దం చేసుకున్నారు,కాని అప్పటికే ఆలస్యం అయ్యిపొయింది.కాకపోతే అన్నదమ్ముల వంటి ఇరు ప్రాంత వాసులు మటుకు నిజం చూడలేకపోతున్నారు.ఒకరిని ఒకరు అర్దం చేసుకోక పగ ద్వేషాలతో రగిలిపోతు ఒకరి కంటిని ఒకరు పొడుచుకుంటున్నారు!!నిజం ఎప్పటికి తెలుసుకుంటారో?

ఒక ఉధ్యమం,దాని వెనక క్రైము సస్పెన్స్ థ్రిల్లర్ కధ

2010-03-02T23:37:00.000+05:30

ఇది "తెలుగోడు"- "ఒక ఉధ్యమం" వరుస టపాల లోనిది కాదు.గమనించగలరు.

ఈ కధ లోని పాత్రలు వాటి పేర్లు పూర్తిగా కల్పితం!అవి మీకు ఎవరినన్నా ఉద్దేశించినట్టు అనిపిస్తే మీ తెలివి కి నా జోహార్లు!!

అనగనగా ఒక వూరు. ఆ వూరిలో ఒక పేధ్ధ తోట. అది ఆ వూరి ప్రజల ఉమ్మడి ఆస్తి. అందరు కలిసి కష్టపడేవారు. ఎవరు ఎంత కష్టపడితే అంతకు తగ్గ ఫలం అన్న మాట! వూరి ప్రజలంతా కలిసి ఒకరిని తోటమాలిగా పెట్టుకునే వారు. దొంగతనం గా ఎవరు తోటని కొల్లగొట్టకుండా చూడడం వాడి పని.అయితే తోటమాలి పులిరాజా చేను మేసె కంచె వంశం కి చెందిన వాడు. వాడి కొడుకు జగ్గడు తండ్రి కి తగ్గ కొడుకు.తండ్రి స్నేహితుడు గాలి రెడ్డి తో కలిసి దొంగతనం గా తోట ని దోచుకునెవాడు. ముఖ్యంగా ఆ తోటలోని ఓబులా వృక్షం వీళ్ళ దొంగతనంకు ప్రధాన లక్ష్యం. వాళ్ళ ఆకృత్యాలునుండి వూరి వాళ్ళ కళ్ళగప్పె పని పులిరాజాది.మునుపటి మాలి గెడ్డం బాబు అరిచి గీపెట్టేవాడు పులిరాజా, వాడి కొడుకు దొంగలని! ఏమో తను దోచుకోవలిసింది వీళ్ళు దోచుకుంటున్నారనో లేక ఈ దొంగతనం బయటపెడితె పులిరాజా వుద్యోగం తనకు మళ్ళీ దొరుకుతుందనో??

గెడ్డం బాబు ఆరోపణలని పులిరాజా చిరునవ్వుతో కొట్టిపడెసేవాడు!అంతా గెడ్డం బాబు కుళ్ళుమోత్తనమని, తొమ్మిదేళ్ళగా తోటమాలి గా వున్న తనివితీరక గ్రామ ప్రజలని తన పై అనవసరంగా అనుమానపడెటట్టు చెయ్యడమే వాడి పని అని, వాడు మాలిగా వున్న కాలం లో జరిగిన అవకతవకులు తాను బయట పెడతాను అని అనేవాడు. ఇలా ఒకరిపై ఒకరు నిందలు వేసుకుని కాలం గడుపుతుంటే ఇటువైపు జగ్గడు,గాలిరెడ్డి ఓబులావృక్షం ని నిలువనా దోచిపారేసేవాళ్లు! అయితే ఒక రోజు పాపమనే పాము కరిచి పులిరాజా మరణించాడు. కధ మలుపు తిరిగింది ఇక్కడే!!

గెడ్డం బాబు దొరికిందే అదను అని రెచ్చిపోయాడు. తండ్రి అండ లేని జగ్గడిని,గాలిరెడ్డి ని ఎలాగైనా దొంగలుగా నిరూపించాలని శపధం పూనాడు.అయితే జగ్గడు తండ్రి మరణం తరువాత మాలి పని తనకే దొరకడం ఖాయమనుకున్నాడు.అలా అయితే తన దొంగ పనులు నిరాకంటంగా కొనసాగించవచ్చని ఆశపడ్డాడు.ఈ లోపు గెడ్డం బాబు వుచ్చు బిగించసాగాడు.కాని కధలో మరో ట్విస్ట్!!
రోశం అంటె తెలియని మీసాలే లేని రొయ్య గారు ముదు ముసలి కాలంలో మాలి గా నియమించ బడ్డాడు.ఇది జగ్గడికి మింగుడు పడలేదు. ఇలా అయితే తను ఇంకా దొంగతనం కొనసాగించడం తరువాత ముందు చెరసాల పాలు కావడం తప్పదని తెలుసుకున్నాడు. డబ్బులు ఇచ్చ్చి జనాలని కొనుక్కుని వాళ్ళ చేత తనకి మాలి ఉధ్యోగం వచ్చెటట్టు పైరవి చేయించసాగాడు.కాని రొయ్య గారు మటుకు పోనిలెమ్మని వూర్కుంటారా?ఆయనకి వయసు మీద పడ్డ వచ్చిన అవకాశం వదులుకోవడం ఇష్టం లేదు.తన ప్రయత్నాలు ఆయనా చేసాడు. ఇరుకున పడ్డ జగ్గడు, గాలి రెడ్డి బ్రహ్మాస్త్రం వదిలారు.గ్రామ ప్రజల దృష్టి మరల్చడానికి తాగుబోతు ముక్కు చంద్రం కి డబ్బులు ఇచ్చి కొనేసారు.తన వర్గం వారిని రెచ్చగొట్టి దృష్టి మరల్చడానికి ప్రయత్నిచాడు.
తాగుబోతు ముక్కు చంద్రం తన వర్గం వారికి వివక్ష జరుగుతుంది అని,మిగిలిన వారంతా తమ శ్రమ ఫలాన్ని దోచుకుంటున్నారని, అమాయకులని చేసి ఆడుకుంటున్నారని, తమ వర్గ సంప్రదాయ కట్టుబాటులే వేరని, కాబట్టి తోటని విడగొట్టి తమ వర్గం వారికి వేరేగా ఇచ్చెయాలని నిరాహార దీక్ష మొదలెట్టాడు.వాడి ఆరోపణల్లో నిజానిజాలు పక్కన పెడితే నిరాహార దీక్ష మటుకు చాలా గొప్పది.రొయ్య గారు అవసరమైన దానికంటె ఎక్కువ హడావుడి చేసి చేతులు కాల్చుకున్నాడు.రెండు రోజులు ఆగితే వాడు మటుకు వాడే లేచి కుర్చునేవాడు, దొంగతనంగా బిర్యాని పొట్లం తెప్పిచ్చుకుని దొరికిపోయాడు.అయితే అప్పటికే ఆ వర్గ ప్రజల మన్సుల్లో విషం నింపడం లో సఫలం అయ్యాడు ముక్కు చంద్రం! మిగిలిన వూరి ప్రజలని అనుమానం గా చూడసాగారు వారు. మానిన గాయాలని రెచ్చగొట్టాడు ముక్కు చంద్రం.వాడి మాయమాటల్లో పడిపొయిన వారిని చూసి జాలి పడాలో, అర్హత లేకపోయినా పేద్ద నాయకుడు అయ్యిపొయిన చంద్రం ని ఏడవాలో తెలియని పరిస్థితి!! ఎంకి పెళ్ళి సుబ్బి చావు కి వచ్చినట్టు జగ్గడి దొంగ బుద్ది రెండు వర్గాల మధ్య చిచ్చు పెట్టింది.దొంగలు దొరల్ల తిరుగుతుంటే జనాలు మటుకు అనవసరం గా వారి మాయలో పడి ప్రాణ త్యాగాలు, పగలు కక్షలు అంటు తమ జీవితాలు పాడుచేసుకుంటున్నారు!!

ఈ సారీ రైలు ఆగలేదు!

2010-02-26T13:51:00.000+05:30

ఎందుకు ఆగుతుంది అండి? వచ్చే లాభాలు తగ్గిపొతాయని భయం కాబోలు మన రైలు మంత్రిణి గార్కి! కాని మన రాష్ట్ర ఎంపీలకి చాలా బాధ వేసింది అంట! ఏంటి నవ్వుతారు నిఝ్ఝం! ఇప్పుడు ఉన్న పరిస్థితుల్లో మన వాళ్ళకి రాస్తా రోకోలతొ గిట్టుబాటు అవ్వడం లేదు! స్టేషన్ కి వెళ్తే తెగ వెయిటింగ్ చెయ్యాలి మరి ట్రైన్ల కోసం!(మరి బోల్డన్ని ట్రైన్లు కదా!)అందుకే చానా బాధపడిపొయినారంట.కాని లాభాలు ముఖ్యం కద.అందుకని మమత గారు మన దక్షిణ మధ్య రైల్వే బాగు దృష్టిలో పెట్టుకుని ఇబ్బడి ముబ్బడిగా కొత్త ట్రైన్లు ఇవ్వకుండా ఆపారంట!
సరే గాని లాభాలు ఎందుకో చెప్పలేదు కదా!ఇప్పుడు బెంగాలు,బీహారు లా బోల్డన్ని ట్రైన్లు వుంటె అందరికి ఇట్టే రిజర్వేషన్లు దొరికెస్తాయికదా! అప్పుడు టిటి లకి జేబు ఖర్చులు ఎక్కడినుండి వస్తాయండి? టిటిల లాభాలు పక్కన పెడితె మరి రైల్వే కి కూడా లాభాలు తగ్గిపోవు.అందరు టికెట్లు కొన్నారో లేదో చెక్ చెయ్యడానికి అప్పుడు ఎలాగు టిటిలు సరిపోరు కదా!(కొత్త వుద్యోగాలు తెగ ఎక్కువ కదా) మరి మాలాంటి వాళ్ళకి ఫైన్ ఎవరు వేస్తారు? ఇప్పుడు చెప్పండీ లాభమా మరి నష్టమా?(ఎవరికి అని అడగకండి)

తటస్థ వాదం-3

2010-02-22T18:40:00.000+05:30

తెలంగాణ-ఆంధ్ర (ఒక ప్రేమ కధ)

ఇది ఒక వింత ప్రేమ కధ
                        అనగనగా ఒక అమ్మాయి.పేరు తెలంగాణతిలోత్తమ. నిజాం ఆమె మేనమామ. బలవంతంగా తన కొడుకు కి ఇచ్చి పెళ్ళి చేసాడు. ఇష్టం లేని పెళ్ళి. దానికి తోడు అనుమానాలు, అవమానాలు! బలవంతపు పెళ్ళి కి ప్రతిఫలం కొడుకు హైదర్. మనవడిని చాలా ప్రేమ గానే చూసుకునేవాడు నిజాం.తెలంగాణతిలోత్తమ రక్త స్వేదాలు కూడా పిండి, మనవడి ముద్దు ముచ్చటలు తీర్చే వాడు.తన ప్రాణాలు తోడే సేటంతగా మామ గారికి తన కొడుకు మీద అంత ప్రేమ అని ఆనందించాలో , లేక ఈ నరకం నుండీ బయట పడటానికి తన ప్రాణాలే తీసుకోవాలో తెలిసేది కాదు తెలంగాణతిలోత్తమ కి. ఎలా అయినా అక్కడ నుండి విముక్తి పొందాలని అనుకుంది.ఒక రోజు ఆమె బయటకి వచ్చేసింది.
                       ఆంధ్రా ఆనందం ఆ యువకుని పేరు. తమిళ తంబి కి సవతి తమ్ముడు. తనకి వ్యాపారం లో సరైన స్థానం ఇవ్వలేదు అని తమిళ తంబి తో తెగతెంపులు చేసుకుని బయటకి వచ్చేసాడు. ఒక కొత్త జీవితం మొదలు పెడదామని బయలుదేరిన అతడికి వూరి బయట శివాలయం ఎదురుగా తెలంగాణతిలోత్తమ కనిపించింది.ఒకరి కష్టాలకు ఒకరు ఓదార్పు చెప్పుకున్నారు. శివాలయం పూజారి వారిని భార్యాభర్తలగా పొరబడి దీవించాడు. ఆంధ్రాఆనందంకి కూడా అప్పటి వరకు లేని ఆలోచన కలిగింది, తెలంగాణతిలోత్తమని పెళ్ళి చెసుకుందామని! కాని అప్పటికే నిజాం కొడుకు తో విఫలమైన వివాహం వలన తెలంగాణతిలోత్తమ వెనుకంజ వేసింది. ఒంటరిగా వుండటమే తనకి ఇష్టం అంది. కాకపోతే కొంతసేపు ఆలోచించి  కొన్ని షరతులు పెట్టింది. తన పుట్టినింటివారికి తోడ్పాటు అందులో ఒకటి. తన కొత్త వ్యాపారం లో తన వారికి భాగస్వామ్యం, ఇంకా తన వాళ్ళు తమ కాళ్ళ మీద నిలబడడానికి ఏమైతే అవసరం అవుతాయో అవన్ని కలిపించమని అడిగింది. ఆంధ్రాఆనందం ఒప్పుకున్నాడు ఆనందం గా?

                      కొత్త కాపురం కొన్నాళ్ళు వరకు బాగానే వుండేది. హైదర్ ని కూడా చాలా బాగా చూసుకునేవాడు. "హైటెక్" ఇంఫర్మేషన్ టెక్నాలజి చదివించాడు. అయితే పెళ్ళి కొత్తలో తెలంగాణతిలోత్తమ కి ఒకసారి ఆంధ్రాఆనందం మీద కోపం వచ్చింది. పుట్టినింటికి వెళ్ళిపోతాను అంది. కారణం: తన పుట్టినింటివారు ఇంకా వారి కాళ్ళ మీద నిలబడలేదు అని, అయినా ఆంధ్రాఆనందం తోడ్పాటు ఇవ్వడం ఆపేసాడు అని ఆమె ఆరోపణ. మరి ఆంధ్రాఆనందం చెప్పేదేమిటంటె ఇలాంటి తోడ్పాటు వారి క్షమతని తగ్గించివేస్తుంది, వారి బాగు కోసం, వారు సొంతంగా ఎదగాలని ఎవరి మీద ఆధారపడకూడదని తాను డబ్బు పంపడం మానేసాడు అని. కాని ఆమె మన్సులో ఒక అనుమానపు బీజం! నిజంగా తనని ఇష్టపడి పెళ్ళి చేసుకున్నాడా? తన వాళ్ళ బాగు పట్టించుకునే వాడేనా? ఏమయితేనెమి? ఇద్దరు సద్దుమణిగి సంసారం సాగించారు. అయితే.......

                         నడి వయసు కి వచ్చిన వారిద్దరి సంసారం లో చిచ్చు పెట్టేటందుకు వచ్చిన విలన్ మాయల ఫకీరు ముక్కు చంద్రం. తెలంగాణతిలోత్తమ కి మేనమామ తరపు బందువు. ఆమెకి కూడా ముక్కు చంద్రం అంటే ఏ రోజు మంచి అభిప్రాయం లేదు. వాడు పరమ స్వార్ధపరుడు అని ఆమె కి తెలుసు. ఆమె కి ఆంధ్రాఅనందం మీద లేనిపోని అనుమానాలు రేకెత్తించేవాడు. వారు విడిపోతె ఆమె పంచన చేరి ఆమె సంపద కొల్లగొడదామని వాడి ప్లాను. శేఖరం అనే పెద తాత వున్నంత కాలం మాయల ఫకీరు ముక్కు చంద్రం మంత్రాలు పారలేదు.కాని శేఖరం తాత మేడ మీద నుండి పడిపోయి చనిపొయాడు.

                             శేఖరం తాత చనిపొయాక ఆంధ్రాఆనందం ఇంట బయట పరిస్థితులు చాలా మారిపోయాయి. కలత చెందిన అతడు కొంచెం ముభావం గా వుండేవాడు. ఇదే అదను గా ముక్కు చంద్రం కుట్ర పన్నాడు.తెలంగాణతిలోత్తమ మన్సు విరిచేసాడు. తెలంగాణతిలోత్తమ పిన్ని పిల్లల్ని సివిల్స్ చదివించినా, ఆంధ్రాఆనందం తరపు వాళ్ళకి చదివించిన ఇంజనీరింగ్ మాత్రమే గొప్పని వూదరగొట్టెవాడు ముక్కు చంద్రం. సంపాదించినదంతా వాళ్ళ చుట్టాలకే పెడుతున్నాడని బాదపడెవాడు.మన జాతి ఏంటి ,కులం ఏంటి? వాళ్ళ జాతి కులం ఏంటి అని విభేదాలు కలిపించేవాడు. నీ నగలు నట్రా అంతా అమ్మి ఇంత వ్యాపారం పెంచగలిగాడని అబద్దాల తో చెవి తినేవాడు.
                                    అవును నిజమే! వ్యవసాయానికి అనువు కాని చోట ఎవరు పొలం దున్నరుగద!తన వాళ్ళకి మట్టి పిసకడమె వచ్చు. అందుకె వాళ్ళకి పొలాలు, సాగు నీటి సాయం చేసాడు. లెక్కలు వచ్చు కనుక ఇంజినీరింగ్ చదివించాడు.అలాగే తెలంగాణతిలోత్తమ చుట్టాల పిల్లలికి సివిల్స్ కోచింగ్ ఇప్పించాడు.ఆంధ్రాఆనందం ఆమె తరపు వాళ్ళని తన వాళ్ళగా భావించి చేపల చెరువులు కట్టించి ఇచ్చాడు.
కాని మాయల ఫకీరు ముక్కు చంద్రం మంత్రాలు పని చెసాయి.తెలంగాణతిలోత్తమ కి ఇప్పుడు ఆంధ్రాఆనందం మీద నమ్మకం లెదు.విడిపోదాము అనుకుంటుంది. కొడుకుగా హైదర్ మీద పూర్తి హక్కు తనదే అంటుంది!వారి సంసారం లో చోటు చేసుకున్న అపోహలు దూరం చెయ్యగలరా ఎవరైనా? మీరేమైనా ఆమె కి సలహా ఇవ్వగలరా?

తటస్థవాదం-2

2010-02-15T12:30:00.000+05:30

సమాజం లో ఒక వర్గం ఆకాంక్షలు అర్దం చెసుకునేటప్పుడు చారిత్రిక , సామాజిక మరియు ఆర్దిక ఆంశాలు మాత్రమే పరిగణనలోకి తీసుకోకుండా వారి భావేవాశాలుని కూడా అర్దం చెసుకోడానికి ప్రయత్నించాలి. తెలంగాణ వంటి సున్నిత అంశం లొ ప్రత్యేక వర్గానికి చెందిన సెంటిమెంట్స్ కి విలువ ఇవ్వాలి. కాబట్టి నిందారోపణలు ఆపి ఇరు వర్గాలు ఎదుటి వారి పట్ల గౌరవంతొ వారి మనోభావాలని తెలుసుకోవాలి.

కొన్ని కొన్ని సార్లు మనం మన జీవితానికి సంబందించి నిర్ణయాలు తీసుకునేటప్పుడు తెలివి పెట్టి ఆలోచించే కంటె మనస్సు పెట్టి ఆలొచిస్తాం. కాని అది మన జీవితం మన ఇష్టం. మరి ఒక సమాజానికి సంబందించిన నిర్ణయం అలా చెయ్యగలమా? కనీసం ఒక వర్గ వాదన వినేటప్పుడైనా వారి భావావేషాలు పరిగణన లొ కి తీసుకోవాలి.
         తెలంగాణ ప్రజలు చాలా సులభంగా భావోద్వేగాలు కి లొను అవుతారు. మంచి మనస్సున్న భోలా మనుషులు. చర్చల లో నెగ్గేటంత వాక్చాతుర్యం లేదు. కోస్తాంద్ర ప్రజలు వాక్చాతుర్యులు. లౌక్యం తెలిసిన వారు. అంత మాత్రాన్న ఒకరు కరెక్ట్ ఒకరు తప్పు అన్లేము.

      1959 జెంటెల్మెన్ అగ్రీమెంట్ అమలు లొ ప్రస్తుతం చర్చ కి దారి తీస్తున్న అంశాలు ప్రభుత్వ వుద్యోగాలలో ప్రత్యేక ప్రాతినిద్యం. అసలు ఒప్పందం లొ ఇది 5 సంవత్సరాలకే పరిమితం అయినా దాని పొడిగింపు కై 1969 లో వుద్యమం జరిగింది. కాని స్థానికులు అంటె ఎవరు? తెలంగాణ(ముఖ్యం గా హైదరాబాదు ) లొ ఏడు సంవత్సరాలగా వున్న ప్రతి ఒక్కరు, కోస్తా, సీమ , ఉత్తర భారతీయులు అందరు మరి స్థానికులు గానే పరిగణించ బడతారు. అలా కాకుండా అభ్యర్దుల పుట్టుక ప్రామాణికం అయితె పైన పేర్కొన్న వారి పిల్లలు అర్హత పొందుతారు. మరి అప్పుడు కూడా తెలంగాణ బిడ్డలకి ప్రాతినిద్యం దొరుకుతుందా? సరె ఇంకొన్ని తరాల వెనుకకు వెళదాము. అయితె ఎన్ని తరాల వెనుకకు? ప్రాంతీయ భేదభావాలు లేని కాలానికి ?కుళ్ళు రాజకీయాలు లేని కాలానికి?

   యాసని బట్టి ప్రాంతాన్ని పసిగడదామా? మరి కోస్తా వారి పిల్లలు కూడా అక్కడే పుట్టీ అక్కడి భాష నేర్చుకున్నారే? తెలంగాణ పిల్లలు బయట చదువుకుని అసలు భాష మర్చిపొయారే? టాలుస్టాయ్ ఒక కద లో పిల్లల గొడవలో పెద్దలు జుట్లు పట్టుకొంటె , పిల్లలు ఏమి ఎరగనట్టు మళ్ళీ కలిసి మెలిసి ఆడుకుంటుంటారు. అలా వుందీ ఈ ప్రాతిపదిక కూడా. దీని వల్ల అసలు లబ్దిదారులు లాభపడతారా ?

తటస్థ వాదం -1

2010-02-13T12:03:00.000+05:30

ఒక ఇంట్లొ తల్లి తండ్రి గొడవ పడితె పిల్లలు ఏమి చెయ్యాలి? ఎవరో ఒకరి పక్షం చేరి గొడవ అంతు చూడాలా? లేక ఇద్దరిని నచ్చజెప్పాలా? ఇప్పుడు మన రాష్ట్ర పరిస్థితి ఇలాగె వుంది. రాజకీయ నాయకులు సరె సరి, మేధావి వర్గాలు కూడా రెండుగా విడిపొయారు. ఒకరి తప్పులు ఒకరు ఎత్తి చూపడమె తప్ప ఎదుటివారిని అర్దం చేసుకుందామన్న    ప్రయత్నం కూడ కనిపించడం లేదు.

ఒక ప్రాంత అభివ్రుధ్ధే ప్రధాన అంశం అయితె ఇప్పటి ఉప్పెన తన లక్ష్యం సాధించినట్లే. ప్రత్యేక రాష్ట్రం వచ్చిన రాక పొయినా ఉద్యమ కారులు ఈ విషయం లొ గెలిచి తీరుతారు. కేవలం ప్రత్యేక రాష్ట్రమే ఉద్యమ లక్ష్యం అయితే అందువల్ల లాభాలు ఏమిటి, నష్టాలు ఏమిటి అన్న ప్రశ్న తలెత్తుంది?

   అలాగే సమైక్యవాదం ఇంత హఠాత్తు గా తెర మీద కి ఎందుకు వచ్చింది? ఇది ప్రజా వుద్యమమా లేక కొందరు స్వార్దరాజకీయ నాయకుల ఎత్తుగడ అన్నది కూడా ప్రశ్నించవలిసిందే! సీమ కి చెందిన వారు కూడా వుద్యమం లొ వున్నా కేవలం కోస్తా వారు మాత్రమే ఎందుకు ద్వేషానికి గురి అవుతున్నరు అన్నది ఆలొచించాలి.

మా తరానికి చెందిన "పిల్లకాకులు" చరిత్ర చదవక కేవలం ఇంజినీరింగ్ మెడిసిన్లు చదుతున్నారు. ఐతే చరిత్ర సాకు చూపి వర్తమానం లొ ఎవరిని వివక్ష కి గురి చెయ్యకూడదు కదా? రాబోయే తరానికి చెందిన నిర్ణయం తీసుకునేటప్పుడు మా మంచి ఎందులో అన్నది చూడాలి తప్ప వెనకటి వర్గం వారి ప్రయోజనాలు   మాత్రమే చూసుకొకూడదు! దీని పై చర్చ జరగాలి.

ఇదీ అసలు లొసుగు

2010-02-12T11:24:00.000+05:30

తొలి టెస్ట్ లొ సౌత్ ఆఫ్రికా మీద మన క్రికెట్ వీరుల ఓటమి తొ కుంగిపొయిన అభిమానులు కి దులీప్ ట్రొఫి లొ రికార్డ్ లక్ష్య చేదన ఊరటనిచ్చిందట! ఏమి ఊరట నాయనలారా? మన ద్వితీయ శ్రేణి బ్యాట్స్ మెన్ నాలుగు , ఐదొ రోజు పిచ్ మీద విరగ పడి ఆడారనా లేక రాబొయె తరానికి చెందిన బంతి వీరులు ఇంత అధ్వాన్నముగా బంతులేసారా అనా? వీరికి తొడు ఫీల్డెర్లు ఒక్క యూసుఫ్ పఠాన్ ఇన్నింగ్స్ లొనే ఆరు క్యాచులు వదిలేసారట!! భారత్ క్రికెట్ ముందుకు దూసుకుపొతుంది!!!

ఏమి టైము రా బాబు?

2010-02-12T09:55:00.000+05:30

సమయము ధనము (తేలిగ్గా అర్దము కావాలంటే time is money) అన్నారు చాలా మంది.ఏమి ధనమో కంది పప్పు కూడా కొనడానికి పనికి రాదు అంటాడు మా రావు. ఖాళీగా కుర్చుంటే పైసా విలువ చెయ్యని ఈ టైము ఎంత బిజీ అయితె అంత పిరుము! కాని దీన్ని ఎవడు కొలవడము మొదలు పెట్టాడొ గాని వాడిని అనాలి. గంట ఆలస్యము గా పొలానికి వెళ్ళినా , పది నిమిషాలు ఆలస్యము గా బస్సు స్టాండు కి వెళ్ళినా నష్టము ఏమి వుండేది కాదు పదేళ్ళ కిందట! ఇప్పుడు నిమిషాల్లో ట్రైను మిస్సయిపొద్ది. క్షణాల్లొ ప్రమాదాలు అయిపొతాయి. ఒకటే టెన్షన్ టైము అయ్యిపొతుంది అని.
ఒక మిల్లి సెకను విలువ ఒక అథ్లెటు కి, ఒక సైంటిస్టు కి మాత్రమే తెలుస్తుంది కదా. అన్నట్టూ ఒకప్పుడు భూభ్రమణము కొలబద్ద గా టైము కొలిచెవారు.కాని భూమి కూడా మన లానే బద్దకిస్తుంది అని ఇప్పుడు అణు గడియారములు ఉపయోగిస్తున్నరు. కని పెట్టేసారు థాట్! సరే ఏమి చేస్తాము.
ఇంకో ఇంట్రెస్టింగ్ విషయము టైము జోనులు. ఈ అక్షాంశాలు, రేఖాంశాలు భూమి పై పొర తో పాటు జరుగుతాయి కదా. ఎప్పుడో ఒకప్పుడు ఏ మిట్ట మద్యాహ్నమో ఉదయము ఆరు అవుతుంది. హాయిగా ముసుగు తన్ని అప్పటి వరకు పడుకొవఛ్ఛూ!!

నా సొద

2010-02-11T23:49:00.000+05:30

హల్లొ అన్నంత తేలీకగా తెలుగు లో నమస్కారం అనలేము కదా?
హమ్మో తెలుగు తమ్ముళ్ళ పళ్ళ పటపటలు (తెలంగాణ తమ్ముళ్ళు అని కూడా అనాలా?) వినిపిస్తున్నాయి. సరే నమస్కారం.
తెలుగు లో రాయడం కొంచెం కష్టమే.
కాని మన బుర్ర మోకాలు లొ వుంది . మన లాంటి వాళ్ళు ఎంత మందో అన్న కుతుహలము తొ రాస్తున్నా. ( ఇంత పచ్చి గా నిజాలు చెబితె ఇంక హిట్లు వచ్చినట్లే)